អន្តរជាតិ
នយោបាយអន្តរជាតិ
មេដឹកនាំគុយបាថ្មី៖ «គុយបាគ្មានកន្លែងសម្រាប់ការស្តារឡើងវិញនូវរបបមូលធននិយមឡើយ»
×![]()
ដោយ: ថ្មីៗ
លោក Miguel Díaz-Canel ឡើងកាន់តំណែងជាប្រធានាធិបតីថ្មីរបស់រដ្ឋការីប៊ីនគុយបានៅថ្ងៃព្រហស្បតិ៍ទី ១៩ ខែមេសានេះ។ មេដឹកនាំថ្មីនេះបានប្រកាសបន្តដើរលើផ្លូវបដិវត្តន៍ និងប្តេជ្ញាមិនទទួលយករបបមូលធននិយមផង។
សភាគុយបាបានសម្រេចបោះឆ្នោតផ្តល់សេចក្តីទុកចិត្តដល់លោក Miguel Díaz-Canel ដែលជាអនុប្រធានាធិបតីគុយបា ឲ្យធ្វើជាប្រធានាធិបតីថ្មីជំនួសលោក រ៉ាអ៊ូល កាស្ត្រូ ដែលបានប្រកាសចុះចេញពីតំណែងកន្លងមក។
លោកទទួលបានសំឡេងគាំទ្រសរុប ៩៩,៨៣ ភាគរយ ហើយអ្វីដែលសំខាន់លោកទទួលបានការគាំទ្រពីលោក រ៉ាអ៊ូល ដែលជាមេដឹកនាំដ៏មានឥទ្ធិពលបំផុតនោះ។ លោក រ៉ាអ៊ូល ដែលឡើងកាន់តំណែងកាលពីឆ្នាំ ២០០៦ នោះនឹងនៅបន្តធ្វើជាប្រមុខបក្សកុម្មុយនីស្តរហូតដល់ឆ្នាំ ២០២១ ឯណោះ ដែលវាមានន័យថា ឥទ្ធិពលនយោបាយរបស់លោកលើការដឹកនាំ និងអនុម័តគោលនយោបាយនៅតែមានទៀតដែរ។
បើតាមទីភ្នាក់ងារព័ត៌មាន AFP លោក Díaz-Canel ត្រូវបានគេស្គាល់ថាជាមនុស្សជំនិត និងដៃស្តាំរបស់លោក រ៉ាអ៊ូល កាស្ត្រូ ហើយគេរំពឹងថា មេដឹកនាំវ័យ ៥៨ ឆ្នាំរូបនេះនឹងនាំមកនូវការផ្លាស់ប្តូរប្រកបដោយភាពវិជ្ជមានសម្រាប់គុយបាដែរ។ ប៉ុន្តែគ្រប់យ៉ាងនៅតែស្រពេចស្រពិលនៅឡើយ។
ក្នុងពេលទទួលតំណែងថ្មី និងឈរទន្ទឹមជាមួយលោក រ៉ាអ៊ូល លោក Díaz-Canel បានប្រកាសពេញមាត់ថា លោកនឹងបន្តដំណើរលើផ្លូវនៃបដិវត្តន៍ដែលបង្កើតឡើងតាំងពីឆ្នាំ ១៩៥៩ ក្រោយលោក ហ្វីដែល កាស្ត្រូ ទម្លាក់មេដឹកនាំផ្តាច់ការគាំទ្រដោយអាមេរិកនោះ។
មិនត្រឹមតែប៉ុណ្ណោះទេ លោកបានសង្កត់ធ្ងន់ថា គុយបាមិនមែនជាកន្លែងសម្រាប់ស្តារឡើងវិញនូវប្រព័ន្ធមូលធននិយមឡើយ។ ចំណែកគោលនយោបាយការបរទេសរបស់គុយបាវិញគឺ មិនអាចបំពានបាន ហើយរាល់ការផ្លាស់ប្តូរទាំងអស់នឹងត្រូវសម្រេចដោយប្រជាជនគុយបាខ្លួនឯងមិនមែនអ្នកខាងក្រៅឡើយ។
ប្រជាជនគុយបាទូទៅមើលឃើញ និងមានសុទិដ្ឋិនិយមថា លោក Díaz-Canel ដែលមិនមែនជាជនបដិវត្តន៍នោះនឹងមានលទ្ធភាពជំរុញការកែទម្រង់យឺតៗលើវិស័យសេដ្ឋកិច្ច និងនយោបាយដែលអាចធ្វើឲ្យជីវិតរស់នៅរបស់ពួកគេកាន់តែប្រសើរឡើងផងដែរ។ ចំណែកទំនាក់ទំនងជាមួយសហរដ្ឋអាមេរិកវិញនោះ គេនៅតែឃើញមានបញ្ហាប្រឈមច្រើន ក្រោយពេលដែលលោក ដូណាល់ ត្រាំ សម្រេចដាក់ទណ្ឌកម្ម និងរឹតបន្តឹងការធ្វើដំណើរ និងពាណិជ្ជកម្មជាមួយគុយបាកន្លងមក បើទោះជាសត្រូវចាស់ទាំងពីរស្តារទំនាក់ទំនងការទូតរួមគ្នាក្នុងឆ្នាំ ២០១៦ ក្រោមអាណត្តិលោក បារ៉ាក់ អូបាម៉ា ក្តី៕
សភាគុយបាបានសម្រេចបោះឆ្នោតផ្តល់សេចក្តីទុកចិត្តដល់លោក Miguel Díaz-Canel ដែលជាអនុប្រធានាធិបតីគុយបា ឲ្យធ្វើជាប្រធានាធិបតីថ្មីជំនួសលោក រ៉ាអ៊ូល កាស្ត្រូ ដែលបានប្រកាសចុះចេញពីតំណែងកន្លងមក។
លោកទទួលបានសំឡេងគាំទ្រសរុប ៩៩,៨៣ ភាគរយ ហើយអ្វីដែលសំខាន់លោកទទួលបានការគាំទ្រពីលោក រ៉ាអ៊ូល ដែលជាមេដឹកនាំដ៏មានឥទ្ធិពលបំផុតនោះ។ លោក រ៉ាអ៊ូល ដែលឡើងកាន់តំណែងកាលពីឆ្នាំ ២០០៦ នោះនឹងនៅបន្តធ្វើជាប្រមុខបក្សកុម្មុយនីស្តរហូតដល់ឆ្នាំ ២០២១ ឯណោះ ដែលវាមានន័យថា ឥទ្ធិពលនយោបាយរបស់លោកលើការដឹកនាំ និងអនុម័តគោលនយោបាយនៅតែមានទៀតដែរ។
បើតាមទីភ្នាក់ងារព័ត៌មាន AFP លោក Díaz-Canel ត្រូវបានគេស្គាល់ថាជាមនុស្សជំនិត និងដៃស្តាំរបស់លោក រ៉ាអ៊ូល កាស្ត្រូ ហើយគេរំពឹងថា មេដឹកនាំវ័យ ៥៨ ឆ្នាំរូបនេះនឹងនាំមកនូវការផ្លាស់ប្តូរប្រកបដោយភាពវិជ្ជមានសម្រាប់គុយបាដែរ។ ប៉ុន្តែគ្រប់យ៉ាងនៅតែស្រពេចស្រពិលនៅឡើយ។
ក្នុងពេលទទួលតំណែងថ្មី និងឈរទន្ទឹមជាមួយលោក រ៉ាអ៊ូល លោក Díaz-Canel បានប្រកាសពេញមាត់ថា លោកនឹងបន្តដំណើរលើផ្លូវនៃបដិវត្តន៍ដែលបង្កើតឡើងតាំងពីឆ្នាំ ១៩៥៩ ក្រោយលោក ហ្វីដែល កាស្ត្រូ ទម្លាក់មេដឹកនាំផ្តាច់ការគាំទ្រដោយអាមេរិកនោះ។
មិនត្រឹមតែប៉ុណ្ណោះទេ លោកបានសង្កត់ធ្ងន់ថា គុយបាមិនមែនជាកន្លែងសម្រាប់ស្តារឡើងវិញនូវប្រព័ន្ធមូលធននិយមឡើយ។ ចំណែកគោលនយោបាយការបរទេសរបស់គុយបាវិញគឺ មិនអាចបំពានបាន ហើយរាល់ការផ្លាស់ប្តូរទាំងអស់នឹងត្រូវសម្រេចដោយប្រជាជនគុយបាខ្លួនឯងមិនមែនអ្នកខាងក្រៅឡើយ។
ប្រជាជនគុយបាទូទៅមើលឃើញ និងមានសុទិដ្ឋិនិយមថា លោក Díaz-Canel ដែលមិនមែនជាជនបដិវត្តន៍នោះនឹងមានលទ្ធភាពជំរុញការកែទម្រង់យឺតៗលើវិស័យសេដ្ឋកិច្ច និងនយោបាយដែលអាចធ្វើឲ្យជីវិតរស់នៅរបស់ពួកគេកាន់តែប្រសើរឡើងផងដែរ។ ចំណែកទំនាក់ទំនងជាមួយសហរដ្ឋអាមេរិកវិញនោះ គេនៅតែឃើញមានបញ្ហាប្រឈមច្រើន ក្រោយពេលដែលលោក ដូណាល់ ត្រាំ សម្រេចដាក់ទណ្ឌកម្ម និងរឹតបន្តឹងការធ្វើដំណើរ និងពាណិជ្ជកម្មជាមួយគុយបាកន្លងមក បើទោះជាសត្រូវចាស់ទាំងពីរស្តារទំនាក់ទំនងការទូតរួមគ្នាក្នុងឆ្នាំ ២០១៦ ក្រោមអាណត្តិលោក បារ៉ាក់ អូបាម៉ា ក្តី៕
Tag:
គុយបា
រ៉ាអ៊ូល កាស្ត្រូ
Miguel Díaz-Canel
© រក្សាសិទ្ធិដោយ thmeythmey.com
