កីឡាជាតិ
ជាតិ
វឌ្ឍនាកា អបអរការស៊ុតបាល់បញ្ចូលទីរបស់ Patrick Cruz ដែលរកបាន៣គ្រាប់តែម្នាក់ឯង
×![]()
Pahang FA របស់កីឡាករ ចាន់ វឌ្ឍនាកា និង PKNP FC របស់ កែវ សុខផេង បានកក់កៅអីវគ្គពាក់កណ្តាលផ្តាច់ព្រ័ត្រពានរង្វាន់ Malaysia FA Cup ប្រចាំឆ្នាំ២០១៨ ក្រោយពួកគេបានយកឈ្នះគូប្រកួតរៀងៗខ្លួននាជំនួបជើងទី២ កាលពីយប់ថ្ងៃទី២០ មេសា ឆ្នាំ២០១៨។ ក្នុងនោះក្រុម Pahang FA ដែល វឌ្ឍនាកា បង្ហាញខ្លួន៩០នាទីបានយកឈ្នះ Johor Darul Ta'zim ក្នុងលទ្ធផល ៣-០។ រីឯក្រុម PKNP ដែល សុខផេង អង្គុយកៅអីបម្រុងឈ្នះ Felda United ក្នុងលទ្ធផល ២-១។
ក្រុមរបស់ខ្សែប្រយុទ្ធ ចាន់ វឌ្ឍនាកា Pahang FA និងក្រុមរបស់ កែវ សុខផេង PKNP FC បានឡើងទៅឈរចាំក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់លំដាប់ទី២របស់ម៉ាឡេស៊ី Malaysia FA Cup ក្រោយពួកគេទម្លាក់គូប្រកួតរៀងៗខ្លួនក្នុងវគ្គ៨ក្រុមចុងក្រោយ។ ក្នុងនោះ Pahang FA ទម្លាក់ Johor Darul Ta'zim ខណៈ PKNP FC ទម្លាក់ Felda United។
នាការប្រកួតជើងទី២នៅលើទឹកដី Johor កាលពីយប់ថ្ងៃទី២០ មេសា ខ្សែប្រយុទ្ធប្រេស៊ីល Patrick Cruz បានរកគ្រាប់បាល់នាំមុខ ១-០ សម្រាប់ Pahang FA នៅនាទីទី១០។ បន្ទាប់មកខ្សែប្រយុទ្ធរូបនេះ សម្រេចបានពីរគ្រាប់បន្ថែមជាបន្តបន្ទាប់នៅនាទីទី៥៩ និង ៧៧ ដើម្បីនាំជ័យជម្នះ ៣-០ សម្រាប់ Pahang FA។ ជ័យជម្នះនេះ បានជួយក្រុម Pahang FA របស់ ចាន់ វឌ្ឍនាកា ដែលបង្ហាញខ្លួន៩០នាទីឡើងទៅវគ្គ១/២ ដោយលទ្ធផលសរុបទាំងពីរជើង ៣-០។
សម្រាប់ការប្រកួតនៅកីឡដ្ឋាន Tun Abdul Razak Stadium ប្រធានក្រុម Muhammad Shahrel Fikri បានរកគ្រាប់បាល់នាំមុខ ១-០ សម្រាប់ PKNP FC នៅនាទីទី១៥ មុនកីឡាករ Wan Zack Haikal រកគ្រាប់បាល់តាមស្មើ ១-១ សម្រាប់ Felda United នៅនាទីទី២៦។ ការប្រកួតដំណើរបានជាង១០នាទី ខ្សែការពារ Muhammad Shahrel Fikri បានសម្រេចគ្រាប់ទី២របស់ខ្លួន ដើម្បីបង្កើនការនាំមុខ ២-១ សម្រាប់ PKNP FC។ សុខផេង បានបង្ហោះនៅលើហ្វេសប៊ុករបស់ខ្លួនថា គេមានបញ្ហារបួសជើង។
ក្រុមទាំងពីរបានរក្សាលទ្ធផល ២-១ នេះ រហូតចប់ការប្រកួត៩០នាទី។ ជ័យជម្នះក្រៅទឹកដី ២-១ និងការបរាជ័យ ១-០ នៅក្នុងទឹកដីរបស់ខ្លួនបានជួយក្រុម PKNP FC របស់កីឡាករ កែវ សុខផេង ដែលអង្គុយកៅអីបម្រុង ទទួលបានកៅអីឡើងទៅវគ្គបន្តជាមួយលទ្ធផលសរុបទាំងពីជើង ២-២។ ការទទួលបានកៅអីវគ្គ១/២នេះ ដោយសារ PKNP FC អាចទម្លុះសំណាញ់ទី Felda United បានពីរគ្រាប់សម្រាប់ជំនួបក្រៅទឹកដីរបស់ខ្លួន៕
ក្រុមរបស់ខ្សែប្រយុទ្ធ ចាន់ វឌ្ឍនាកា Pahang FA និងក្រុមរបស់ កែវ សុខផេង PKNP FC បានឡើងទៅឈរចាំក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់លំដាប់ទី២របស់ម៉ាឡេស៊ី Malaysia FA Cup ក្រោយពួកគេទម្លាក់គូប្រកួតរៀងៗខ្លួនក្នុងវគ្គ៨ក្រុមចុងក្រោយ។ ក្នុងនោះ Pahang FA ទម្លាក់ Johor Darul Ta'zim ខណៈ PKNP FC ទម្លាក់ Felda United។
នាការប្រកួតជើងទី២នៅលើទឹកដី Johor កាលពីយប់ថ្ងៃទី២០ មេសា ខ្សែប្រយុទ្ធប្រេស៊ីល Patrick Cruz បានរកគ្រាប់បាល់នាំមុខ ១-០ សម្រាប់ Pahang FA នៅនាទីទី១០។ បន្ទាប់មកខ្សែប្រយុទ្ធរូបនេះ សម្រេចបានពីរគ្រាប់បន្ថែមជាបន្តបន្ទាប់នៅនាទីទី៥៩ និង ៧៧ ដើម្បីនាំជ័យជម្នះ ៣-០ សម្រាប់ Pahang FA។ ជ័យជម្នះនេះ បានជួយក្រុម Pahang FA របស់ ចាន់ វឌ្ឍនាកា ដែលបង្ហាញខ្លួន៩០នាទីឡើងទៅវគ្គ១/២ ដោយលទ្ធផលសរុបទាំងពីរជើង ៣-០។
សម្រាប់ការប្រកួតនៅកីឡដ្ឋាន Tun Abdul Razak Stadium ប្រធានក្រុម Muhammad Shahrel Fikri បានរកគ្រាប់បាល់នាំមុខ ១-០ សម្រាប់ PKNP FC នៅនាទីទី១៥ មុនកីឡាករ Wan Zack Haikal រកគ្រាប់បាល់តាមស្មើ ១-១ សម្រាប់ Felda United នៅនាទីទី២៦។ ការប្រកួតដំណើរបានជាង១០នាទី ខ្សែការពារ Muhammad Shahrel Fikri បានសម្រេចគ្រាប់ទី២របស់ខ្លួន ដើម្បីបង្កើនការនាំមុខ ២-១ សម្រាប់ PKNP FC។ សុខផេង បានបង្ហោះនៅលើហ្វេសប៊ុករបស់ខ្លួនថា គេមានបញ្ហារបួសជើង។
ក្រុមទាំងពីរបានរក្សាលទ្ធផល ២-១ នេះ រហូតចប់ការប្រកួត៩០នាទី។ ជ័យជម្នះក្រៅទឹកដី ២-១ និងការបរាជ័យ ១-០ នៅក្នុងទឹកដីរបស់ខ្លួនបានជួយក្រុម PKNP FC របស់កីឡាករ កែវ សុខផេង ដែលអង្គុយកៅអីបម្រុង ទទួលបានកៅអីឡើងទៅវគ្គបន្តជាមួយលទ្ធផលសរុបទាំងពីជើង ២-២។ ការទទួលបានកៅអីវគ្គ១/២នេះ ដោយសារ PKNP FC អាចទម្លុះសំណាញ់ទី Felda United បានពីរគ្រាប់សម្រាប់ជំនួបក្រៅទឹកដីរបស់ខ្លួន៕
Tag:
ចាន់ វឌ្ឍនាកា
Pahang FA
Malaysia FA Cup 2018
© រក្សាសិទ្ធិដោយ thmeythmey.com
