World Cup៖ ទោះវត្តមានមិនទៀងទាត់ តែប៉ូឡូញធ្លាប់បានលេខ៣ ចំនួន២លើក

កីឡាអន្តរជាតិ

អន្តរជាតិ

World Cup៖ ទោះវត្តមានមិនទៀងទាត់ តែប៉ូឡូញធ្លាប់បានលេខ៣ ចំនួន២លើក

22, Apr 2018 , 8:19 am

រូបភាព

ដោយ: ទេព ពិទូរ្យ

ក្រុមកីឡាបាល់ទាត់ជម្រើសជាតិប៉ូឡូញដែលបានកៅអីទៅរុស្ស៊ីសម្រាប់ការប្រកួតពានរង្វាន់ FIFA World Cup ឆ្នាំ២០១៨ ត្រូវជួបសេណេហ្គាល់ក្រុមខ្លាំងពីទ្វីបអាហ្វ្រីក កូឡុំប៊ីពីអាមេរិកឡាទីន និងជប៉ុនពីអាស៊ី នៃវគ្គសន្សំពិន្ទុពូល H។

គ្រូបង្វឹក៖ Adam Nawalka (ប៉ូឡូញ)

ជាអតីតកីឡាករជម្រើសជាតិប៉ូឡូញដែលតំណាងឲ្យប្រទេសនេះនៅក្នុងព្រឹត្តិការណ៍ World Cup ឆ្នាំ១៩៧៩។ លោក Nawalka បានក្លាយជាគ្រូបង្វឹករបស់ក្រុមជម្រើសជាតិក្នុងឆ្នាំ២០១៣។ ចាប់តាំងឡើងដឹកនាំប៉ូឡូញមក គ្រូវ័យ៦០ឆ្នាំរូបនេះ បានជួយក្រុមរបស់ខ្លួនឈានទៅដល់វគ្គ ១/៤ ផ្តាច់ព្រ័ត្រ UEFA European Championship និង FIFA World Cup ឆ្នាំ២០០៦។

កីឡាករឆ្នើម៖ Robert Lewandowski

ជាមួយនឹងការរកគ្រាប់បាល់១៦គ្រាប់នៅក្នុងការបង្ហាញខ្លួន ១០ប្រកួត ប្រធានក្រុមជម្រើសជាតិប៉ូឡូញរូបនេះបានក្លាយជាអ្នកស៊ុតបាល់បញ្ចូលទីច្រើនជាងគេក្នុងការប្រកួតជម្រុះ World Cup ឆ្នាំ ២០១៨ របស់អឺរ៉ុប។ Lewandowski ដែលត្រូវបានសរសើរថាជាខ្សែប្រយុទ្ធដ៏ល្អបំផុតនៅក្នុងលោកពីសំណាក់គ្រូខ្លួនគឺលោក Adam Nawalka ក៏ជាកីឡាករដែលស៊ុតបញ្ចូលទីច្រើនជាងគេរបស់ជម្រើសជាតិប៉ូឡូញផងដែរ។

ប្រវត្តិក្នុង World Cup៖

នេះជាវត្តមានលើកទី៨ សម្រាប់ក្រុមជម្រើសជាតិប៉ូឡូញបន្ទាប់ពីបង្ហាញខ្លួនលើកដំបូងឆ្នាំ ១៩៣៨ និងចុងក្រោយឆ្នាំ២០០៦។ លទ្ធផលល្អបំផុតដែលពួកគេទទួលបានគឺដណ្តើមចំណាត់ថ្នាក់លេខ៣ ចំនួនពីរលើក គឺឆ្នាំ១៩៧៤ និង១៩៨២។ ប៉ូឡូញ ស្ថិតនៅចំណាត់ថ្នាក់ទី ៧ ពិភពលោក ក្នុងតារាង FIFA Ranking៕