កីឡាអន្តរជាតិ
អន្តរជាតិ
×![]()
ដោយ: រួបរួម
អ្នកចាត់ការទូទៅសញ្ជាតិបារាំងលោក Arsene Wenger កាលពីថ្ងៃទី២០ ខែមេសា បានប្រកាសពីការចាកចេញពីក្លិប Arsenal នៅចុងរដូវកាល បន្ទាប់ពីលោកបានកាន់តំណែងអស់រយៈពេលជិត២២ឆ្នាំ។
សារព័ត៌មានអន្តរជាតិ និងទីផ្សារភ្នាល់ធំៗ បានលើកឡើងពីសមាសភាពមួយចំនួនដែលអាចមានឱកាសក្លាយជាគ្រូបង្វឹកថ្មីរបស់កាំភ្លើងធំ បន្តពីលោក Arsene Wenger។ ទោះបីជាយ៉ាងណាក៏ដោយ លោក Ivan Gazidis បានអះអាងនាសន្និសីទនៅ Emirates Stadium ថា សមាសភាពថ្មីៗ នឹងមិនត្រូវបានជ្រើសរើសភ្លាមៗនោះឡើយ ខណៈលោក Wenger ស្ថិតក្នុងតំណែង។ លោក Wenger ក៏បានបញ្ជាក់ក្នុងសន្និសីទសារព័ត៌មានក្រោយ Arsenal ឈ្នះ West Ham ៤-១ កាលពីថ្ងៃអាទិត្យថា លោកមិនមានបន្ទុកស្វែងរកអ្នកជំនួសខ្លួននោះឡើយ។
សមាសភាពដែលត្រូវបានគេគន់គូរមានដូចជា៖
Patrick Vieira (គ្រូបង្វឹកក្លិប New York City)៖ អតីតប្រធានក្រុម Arsenal រូបនេះជួយឲ្យក្លិបឈ្នះពាន Premier League នៅរដូវកាលឆ្នាំ២០០៣-០៤ ដោយមិនចាញ់មួយប្រកួតណាឡើយ (Invincibles)។ កាលនៅជាមួយកាំភ្លើងធំ Vieira ឈ្នះពាន Premier League ៣លើក និង FA Cup ៣លើក។
Brendan Rodgers (គ្រូបង្វឹកក្លិប Celtic)៖ ក្រោយចាកចេញពី Liverpool អ្នកចាត់ការទូទៅអៀរឡង់ខាងជើងរូបនេះ ជួយឲ្យ Celtic ឈ្នះពានរហូតដល់ទៅ៣នៅស្កុតឡែន នារដូវកាល ២០១៦-១៧ ពោលគឺ Scottish Premiership, Scottish Cup និង Scottish League Cup ។
Joachim Loew (គ្រូបង្វឹកជម្រើសជាតិអាល្លឺម៉ង់)៖ សារព័ត៌មានជាច្រើនបានលើកឡើងពីបេក្ខភាពលោក Loew ដែលបាននាំអាល្លឺម៉ង់ឈ្នះ World Cup។ ប៉ុន្តែឱកាសមានស្តួចស្តើងប៉ុណ្ណោះ ដោយសារតែលោកស្ថិតក្នុងកិច្ចសន្យារហូតដល់ឆ្នាំ២០២០ ស្របពេលដែលអាល្លឺម៉ង់កំពុងត្រៀមខ្លួនក្នុងព្រឹត្តិការណ៍នៅរុស្ស៊ី។
Carlo Ancelotti៖ បច្ចុប្បន្ន លោកស្ថិតភាពទំនេរ ប៉ុន្តែប្រវត្តិដឹកនាំរបស់លោកពិតជាសក្តិសមខ្លាំងណាស់សម្រាប់ Arsenal។ គ្រូបង្វឹកអ៊ីតាលីរូបនេះ សុទ្ធតែបានតែជោគជ័យ និងឈ្នះពាន ពេលដឹកនាំ Juventus, AC Milan, Chelsea, Paris Saint-Germain, Real Madrid និង Bayern Munich។
Luis Enrique៖ ជាអតីតគ្រូបង្វឹកដែលនាំឲ្យ Barcelona ឈ្នះពានបីនាការដឹកនាំដំបូងនៅរដូវកាល ២០១៤-១៥ ។ ពោលគឺនៅចន្លោះពីឆ្នាំ២០១៤ ដល់២០១៧ គ្រូបង្វឹកអេស្ប៉ាញរូបនេះ នាំ Barcelona ឈ្នះពានរហូតដល់ទៅ៩ ក្នុងនោះ La Liga (២), Copa del Rey (៣) និងពាន Supercopa de Espana, UEFA Champions League, UEFA Super Cup និង FIFA Club World Cup។
Massimiliano Allegri (គ្រូបង្វឹក Juventus)៖ បុរសអ៊ីតាលីរូបនេះ ជោគជ័យយ៉ាងធំធេងនៅអ៊ីតាលី ដោយនាំឲ្យ AC Milan លើកពាន១លើក និង Juventus ឈ្នះ៣លើក រួមទាំងពានផ្សេងៗទៀត។ បន្ថែមពីលើនេះ លោកបាននាំឲ្យសេះបង្កង់ ឈានដល់វគ្គផ្តាច់ព្រ័ត្រ UEFA Champions League ២លើក ប៉ុន្តែសុទ្ធតែខកឱកាសលើកពាន។
Mikel Arteta (ជំនួយការគ្រូបង្វឹក Manchester City)៖ ជាអតីតកីឡាករឆ្នើមនៅ Everton និង Arsenal ផ្ទាល់។ បេក្ខភាពរបស់អតីតខ្សែបម្រើរូបនេះ ក៏ស្ថិតនៅបញ្ជីរបស់អ្នកផ្គូរផ្គងផងដែរ។ ទោះបីជាយ៉ាងណាក៏ បទពិសោធន៍ដ៏ក្មេងខ្ចីរបស់ Arteta ធ្វើឲ្យគេវាយតម្លៃបានថា ឱកាសហាក់នៅឆ្ងាយ។
Leonardo Jardim (គ្រូបង្វឹកក្លិប Monaco)៖ មិនត្រឹមតែបាននាំឲ្យ Monaco ឈ្នះពាន Ligue 1 កាលពីរដូវកាលមុន គ្រូបង្វឹកព័រទុយហ្គាល់រូបនេះ ធ្លាប់បានជោគជ័យជាមួយក្លិបផ្សេងទៀតដូចជា Camacha, Beira-Mar និង Olympicos ជាដើម។
Diego Simeone (គ្រូបង្វឹកក្លិប Atletico Madrid)៖ កាន់តំណែងចាប់តាំងពីឆ្នាំ២០១១មក គ្រូអេស្ប៉ាញរូបនេះ បាននាំឲ្យ Atletico ឆ្ពោះទៅមុខជាលំដាប់ ដោយបានឈ្នះពាន La Liga, Europa League ហើយឈានដល់វគ្គផ្តាច់ព្រ័ត្រ Champions League រហូតដល់ទៅ២លើក។ ប៉ុន្តែលោកទើបតែចុះកិច្ចសន្យាបន្តជាមួយក្លិបរហូតដល់ឆ្នាំ២០២០ ។
Manuel Pellegrini (គ្រូបង្វឹកក្លិប Hebei China Fortune)៖ ធ្លាប់ជួយឲ្យ Manchester City លើកពាន Premier League កាលពីរដូវកាល២០១៣-១៤ ហើយលោកបានជោគជ័យធំធេងផងដែរជាមួយក្លិបជាច្រើននៅអាហ្សង់ទីន និងអេស្ប៉ាញ។
Thomas Tuchel៖ ជាអតីតគ្រូបង្វឹក Borussia Dortmund ដែលធ្លាប់ជួបជាមួយម្ចាស់ក្លិប Arsenal លោក Gazidis។ ប្រព័ន្ធលេងក្រោមការដឹកនាំរបស់លោក Tuchel ត្រូវបានវាយតម្លៃថា ប្រហាក់ប្រហែលនឹងប្រព័ន្ធរបស់កាំភ្លើងធំនាពេលបច្ចុប្បន្ន។
Julian Nagelsmann (គ្រូបង្វឹកក្លិប Hoffenheim)៖ លោកត្រូវបានចាត់ទុកជាគ្រូបង្វឹកវ័យក្មេងជាងគេនៅ Bundesliga ដោយមានវ័យ២៨ឆ្នាំ។ លោកបាននាំក្លិបទទួលបានកៅអីនៅ Champions League។ ទោះបីជាលោកវ័យក្មេងជាងកីឡាករ Per Mertesacker ឬ Petr Cech ក៏ដោយ ប៉ុន្តែគេយល់ថា Nagelsmann ក៏ជាជម្រើសល្អមួយផងដែរ។
Thierry Henry (ជំនួយការគ្រូបង្វឹកជម្រើសជាតិបែលហ្ស៊ិក)៖ ជាវីរបុរស Arsenal ក្នុងនាមជាកីឡាករ ប៉ុន្តែ Henry ក៏ត្រូវបានគេវាយតម្លៃថា ជាសមាសភាពដ៏គួរឲ្យចាប់អារម្មណ៍ម្នាក់ផងដែរ ក្នុងការដឹកនាំក្លិបកាំភ្លើងធំ។
Antonio Conte (គ្រូបង្វឹក Chelsea)៖ ឈ្នះពាន៣លើកនៅ Juventus ហើយបាននាំ Chelsea គ្រោងជើងឯកនៅអង់គ្លេសកាលពីរដូវកាលមុន គ្រូបង្វឹកអ៊ីតាលីរូបនេះ ក៏អាចមានឱកាសទទួលបានការងារថ្មីនៅទីក្រុងឡុងដ៍ដដែលផងដែរ។
Rafael Benitez (គ្រូបង្វឹក Newcastle)៖ ជាគ្រូបង្វឹកអេស្ប៉ាញដ៏ពោរពេញទៅដោយបទពិសោធន៍។ ក្រៅពីជួយ Newcastle ឡើងទៅមកកាន់ក្របខណ្ឌកំពូល លោកមានប្រវត្តិនាំ Extremadura និង Tenerife ឡើងកាន់ក្របខណ្ឌកំពូលអេស្ប៉ាញផងដែរ។ ក្រៅពីពានក្នុងស្រុក លោកជាប់ជាគ្រូដែលទទួលបានជោគជ័យយ៉ាងធំធេងក្នុងការប្រកួតព្រឹត្តិការណ៍អឺរ៉ុប ដោយជួយឲ្យ Valencia ឈ្នះពាន UEFA Cup, Liverpool បាន UEFA Champions League និង UEFA Super Cup, Inter Milan ឈ្នះ FIFA Club World Cup និង Chelsea បាន UEFA Europa League។ លោកក៏រកបានពាន២ទៀតឲ្យ Napoli ផងដែរ។
Claudio Ranieri (គ្រូបង្វឹក Nantes)៖ គ្រូបង្វឹកអ៊ីតាលីរូបនេះ បានបង្ហាញខ្លួនដ៏គួរឲ្យភ្ញាក់ផ្អើលនៅ Emirates Stadium នាអំឡុងនៃការប្រកួតរវាង Arsenal និង West Ham។ លោកបានសាងប្រវត្តិសាស្ត្រនៅ Premier League ដោយជួយឲ្យ Leicester City លើកពាននៅរដូវកាល២០១៥-១៦ ហើយលោកក៏បានក្លាយជាគ្រូបង្វឹកឆ្នើមប្រចាំផងដែរ។ ក្លិបដែលលោកធ្លាប់ដឹកនាំជោគជ័យផ្សេងទៀតរួមមាន Cagliari, Fiorentina, Valencia និង Monaco៕
សារព័ត៌មានអន្តរជាតិ និងទីផ្សារភ្នាល់ធំៗ បានលើកឡើងពីសមាសភាពមួយចំនួនដែលអាចមានឱកាសក្លាយជាគ្រូបង្វឹកថ្មីរបស់កាំភ្លើងធំ បន្តពីលោក Arsene Wenger។ ទោះបីជាយ៉ាងណាក៏ដោយ លោក Ivan Gazidis បានអះអាងនាសន្និសីទនៅ Emirates Stadium ថា សមាសភាពថ្មីៗ នឹងមិនត្រូវបានជ្រើសរើសភ្លាមៗនោះឡើយ ខណៈលោក Wenger ស្ថិតក្នុងតំណែង។ លោក Wenger ក៏បានបញ្ជាក់ក្នុងសន្និសីទសារព័ត៌មានក្រោយ Arsenal ឈ្នះ West Ham ៤-១ កាលពីថ្ងៃអាទិត្យថា លោកមិនមានបន្ទុកស្វែងរកអ្នកជំនួសខ្លួននោះឡើយ។
សមាសភាពដែលត្រូវបានគេគន់គូរមានដូចជា៖
Patrick Vieira (គ្រូបង្វឹកក្លិប New York City)៖ អតីតប្រធានក្រុម Arsenal រូបនេះជួយឲ្យក្លិបឈ្នះពាន Premier League នៅរដូវកាលឆ្នាំ២០០៣-០៤ ដោយមិនចាញ់មួយប្រកួតណាឡើយ (Invincibles)។ កាលនៅជាមួយកាំភ្លើងធំ Vieira ឈ្នះពាន Premier League ៣លើក និង FA Cup ៣លើក។
Brendan Rodgers (គ្រូបង្វឹកក្លិប Celtic)៖ ក្រោយចាកចេញពី Liverpool អ្នកចាត់ការទូទៅអៀរឡង់ខាងជើងរូបនេះ ជួយឲ្យ Celtic ឈ្នះពានរហូតដល់ទៅ៣នៅស្កុតឡែន នារដូវកាល ២០១៦-១៧ ពោលគឺ Scottish Premiership, Scottish Cup និង Scottish League Cup ។
Joachim Loew (គ្រូបង្វឹកជម្រើសជាតិអាល្លឺម៉ង់)៖ សារព័ត៌មានជាច្រើនបានលើកឡើងពីបេក្ខភាពលោក Loew ដែលបាននាំអាល្លឺម៉ង់ឈ្នះ World Cup។ ប៉ុន្តែឱកាសមានស្តួចស្តើងប៉ុណ្ណោះ ដោយសារតែលោកស្ថិតក្នុងកិច្ចសន្យារហូតដល់ឆ្នាំ២០២០ ស្របពេលដែលអាល្លឺម៉ង់កំពុងត្រៀមខ្លួនក្នុងព្រឹត្តិការណ៍នៅរុស្ស៊ី។
Carlo Ancelotti៖ បច្ចុប្បន្ន លោកស្ថិតភាពទំនេរ ប៉ុន្តែប្រវត្តិដឹកនាំរបស់លោកពិតជាសក្តិសមខ្លាំងណាស់សម្រាប់ Arsenal។ គ្រូបង្វឹកអ៊ីតាលីរូបនេះ សុទ្ធតែបានតែជោគជ័យ និងឈ្នះពាន ពេលដឹកនាំ Juventus, AC Milan, Chelsea, Paris Saint-Germain, Real Madrid និង Bayern Munich។
Luis Enrique៖ ជាអតីតគ្រូបង្វឹកដែលនាំឲ្យ Barcelona ឈ្នះពានបីនាការដឹកនាំដំបូងនៅរដូវកាល ២០១៤-១៥ ។ ពោលគឺនៅចន្លោះពីឆ្នាំ២០១៤ ដល់២០១៧ គ្រូបង្វឹកអេស្ប៉ាញរូបនេះ នាំ Barcelona ឈ្នះពានរហូតដល់ទៅ៩ ក្នុងនោះ La Liga (២), Copa del Rey (៣) និងពាន Supercopa de Espana, UEFA Champions League, UEFA Super Cup និង FIFA Club World Cup។
Massimiliano Allegri (គ្រូបង្វឹក Juventus)៖ បុរសអ៊ីតាលីរូបនេះ ជោគជ័យយ៉ាងធំធេងនៅអ៊ីតាលី ដោយនាំឲ្យ AC Milan លើកពាន១លើក និង Juventus ឈ្នះ៣លើក រួមទាំងពានផ្សេងៗទៀត។ បន្ថែមពីលើនេះ លោកបាននាំឲ្យសេះបង្កង់ ឈានដល់វគ្គផ្តាច់ព្រ័ត្រ UEFA Champions League ២លើក ប៉ុន្តែសុទ្ធតែខកឱកាសលើកពាន។
Mikel Arteta (ជំនួយការគ្រូបង្វឹក Manchester City)៖ ជាអតីតកីឡាករឆ្នើមនៅ Everton និង Arsenal ផ្ទាល់។ បេក្ខភាពរបស់អតីតខ្សែបម្រើរូបនេះ ក៏ស្ថិតនៅបញ្ជីរបស់អ្នកផ្គូរផ្គងផងដែរ។ ទោះបីជាយ៉ាងណាក៏ បទពិសោធន៍ដ៏ក្មេងខ្ចីរបស់ Arteta ធ្វើឲ្យគេវាយតម្លៃបានថា ឱកាសហាក់នៅឆ្ងាយ។
Leonardo Jardim (គ្រូបង្វឹកក្លិប Monaco)៖ មិនត្រឹមតែបាននាំឲ្យ Monaco ឈ្នះពាន Ligue 1 កាលពីរដូវកាលមុន គ្រូបង្វឹកព័រទុយហ្គាល់រូបនេះ ធ្លាប់បានជោគជ័យជាមួយក្លិបផ្សេងទៀតដូចជា Camacha, Beira-Mar និង Olympicos ជាដើម។
Diego Simeone (គ្រូបង្វឹកក្លិប Atletico Madrid)៖ កាន់តំណែងចាប់តាំងពីឆ្នាំ២០១១មក គ្រូអេស្ប៉ាញរូបនេះ បាននាំឲ្យ Atletico ឆ្ពោះទៅមុខជាលំដាប់ ដោយបានឈ្នះពាន La Liga, Europa League ហើយឈានដល់វគ្គផ្តាច់ព្រ័ត្រ Champions League រហូតដល់ទៅ២លើក។ ប៉ុន្តែលោកទើបតែចុះកិច្ចសន្យាបន្តជាមួយក្លិបរហូតដល់ឆ្នាំ២០២០ ។
Manuel Pellegrini (គ្រូបង្វឹកក្លិប Hebei China Fortune)៖ ធ្លាប់ជួយឲ្យ Manchester City លើកពាន Premier League កាលពីរដូវកាល២០១៣-១៤ ហើយលោកបានជោគជ័យធំធេងផងដែរជាមួយក្លិបជាច្រើននៅអាហ្សង់ទីន និងអេស្ប៉ាញ។
Thomas Tuchel៖ ជាអតីតគ្រូបង្វឹក Borussia Dortmund ដែលធ្លាប់ជួបជាមួយម្ចាស់ក្លិប Arsenal លោក Gazidis។ ប្រព័ន្ធលេងក្រោមការដឹកនាំរបស់លោក Tuchel ត្រូវបានវាយតម្លៃថា ប្រហាក់ប្រហែលនឹងប្រព័ន្ធរបស់កាំភ្លើងធំនាពេលបច្ចុប្បន្ន។
Julian Nagelsmann (គ្រូបង្វឹកក្លិប Hoffenheim)៖ លោកត្រូវបានចាត់ទុកជាគ្រូបង្វឹកវ័យក្មេងជាងគេនៅ Bundesliga ដោយមានវ័យ២៨ឆ្នាំ។ លោកបាននាំក្លិបទទួលបានកៅអីនៅ Champions League។ ទោះបីជាលោកវ័យក្មេងជាងកីឡាករ Per Mertesacker ឬ Petr Cech ក៏ដោយ ប៉ុន្តែគេយល់ថា Nagelsmann ក៏ជាជម្រើសល្អមួយផងដែរ។
Thierry Henry (ជំនួយការគ្រូបង្វឹកជម្រើសជាតិបែលហ្ស៊ិក)៖ ជាវីរបុរស Arsenal ក្នុងនាមជាកីឡាករ ប៉ុន្តែ Henry ក៏ត្រូវបានគេវាយតម្លៃថា ជាសមាសភាពដ៏គួរឲ្យចាប់អារម្មណ៍ម្នាក់ផងដែរ ក្នុងការដឹកនាំក្លិបកាំភ្លើងធំ។
Antonio Conte (គ្រូបង្វឹក Chelsea)៖ ឈ្នះពាន៣លើកនៅ Juventus ហើយបាននាំ Chelsea គ្រោងជើងឯកនៅអង់គ្លេសកាលពីរដូវកាលមុន គ្រូបង្វឹកអ៊ីតាលីរូបនេះ ក៏អាចមានឱកាសទទួលបានការងារថ្មីនៅទីក្រុងឡុងដ៍ដដែលផងដែរ។
Rafael Benitez (គ្រូបង្វឹក Newcastle)៖ ជាគ្រូបង្វឹកអេស្ប៉ាញដ៏ពោរពេញទៅដោយបទពិសោធន៍។ ក្រៅពីជួយ Newcastle ឡើងទៅមកកាន់ក្របខណ្ឌកំពូល លោកមានប្រវត្តិនាំ Extremadura និង Tenerife ឡើងកាន់ក្របខណ្ឌកំពូលអេស្ប៉ាញផងដែរ។ ក្រៅពីពានក្នុងស្រុក លោកជាប់ជាគ្រូដែលទទួលបានជោគជ័យយ៉ាងធំធេងក្នុងការប្រកួតព្រឹត្តិការណ៍អឺរ៉ុប ដោយជួយឲ្យ Valencia ឈ្នះពាន UEFA Cup, Liverpool បាន UEFA Champions League និង UEFA Super Cup, Inter Milan ឈ្នះ FIFA Club World Cup និង Chelsea បាន UEFA Europa League។ លោកក៏រកបានពាន២ទៀតឲ្យ Napoli ផងដែរ។
Claudio Ranieri (គ្រូបង្វឹក Nantes)៖ គ្រូបង្វឹកអ៊ីតាលីរូបនេះ បានបង្ហាញខ្លួនដ៏គួរឲ្យភ្ញាក់ផ្អើលនៅ Emirates Stadium នាអំឡុងនៃការប្រកួតរវាង Arsenal និង West Ham។ លោកបានសាងប្រវត្តិសាស្ត្រនៅ Premier League ដោយជួយឲ្យ Leicester City លើកពាននៅរដូវកាល២០១៥-១៦ ហើយលោកក៏បានក្លាយជាគ្រូបង្វឹកឆ្នើមប្រចាំផងដែរ។ ក្លិបដែលលោកធ្លាប់ដឹកនាំជោគជ័យផ្សេងទៀតរួមមាន Cagliari, Fiorentina, Valencia និង Monaco៕
Tag:
បាល់ទាត់
Arsenal
Arsene Wenger
© រក្សាសិទ្ធិដោយ thmeythmey.com
