កីឡាជាតិ
ជាតិ
ណាហ្គាវើល, បឹងកេត បន្តមិនស្គាល់ចាញ់ រីឯស្វាយរៀងផ្តល់ភាពជូរចត់ដល់ភ្នំពេញក្រោន
បឹងកេតប្រកួតជាមួយក្រសួងការពារជាតិនៅពហុកីឡដ្ឋានជាតិ
×![]()
ណាហ្គាវើល និងបឹងកេតបានបង្ហាញភាពខ្លាំងរបស់ខ្លួនតាមរយៈមិនទាន់ស្គាល់ចាញ់ ក្រោយពួកគេយកឈ្នះគូប្រកួតរៀងៗខ្លួននាប្រកួតសប្តាហ៍ទី៥នៃក្របខណ្ឌលីគកំពូលកម្ពុជា។ នាការប្រកួតកាលពីថ្ងៃអាទិត្យ ទី២២ ខែមេសា ក្រុមម្ចាស់ផ្ទះព្រះខ័នរាជស្វាយរៀងបានផ្តល់មេរៀនយ៉ាងជូរចត់ដល់ក្រុមភ្ញៀវភ្នំពេញក្រោន ជាមួយជ័យជម្នះ ៦-៣។ បច្ចុប្បន្ន ណាហ្គាវើលកំពុងឈរកំពូលតារាង ខណៈបឹងកេត វិសាខ និងអគ្គស្នងការនគរបាលជាតិឈរលេខរៀងជាបន្តបន្ទាប់។
ក្រោយយកឈ្នះគូប្រកួតរៀងៗខ្លួននាការប្រកួតសប្តាហ៍ទី៥កាលពីសប្តាហ៍មុន ណាហ្គាវើល និងបឹងកេតបានក្លាយជាក្រុមដែលមិនទាន់ស្គាល់ចាញ់នៃក្របខណ្ឌលីគកំពូលកម្ពុជា។ ក្នុងចំណោម៥ប្រកួតកន្លងមក ណាហ្គាវើល និងបឹងកេតបានបញ្ចប់ក្នុងលទ្ធផលឈ្នះ៤ និងស្មើ១លើកដូចគ្នា។
នាការប្រកួតនៅពហុកីឡដ្ឋានជាតិកាលពីថ្ងៃអាទិត្យ ទី២២ មេសា ឆ្នាំ២០១៨ ក្រុមណាហ្គាវើលបានយកឈ្នះក្រុមអាស៊ីអឺរ៉ុបក្នុងលទ្ធផល ៣-០ ដើម្បីបន្តឈរកំពូលតារាងបណ្តោះអាសន្នក្នុងសប្តាហ៍ទី៥ ដោយមាន១៣ពិន្ទុ។ ជ័យជម្នះនេះ រួមចំណែកម្នាក់១គ្រាប់ដោយកីឡាករ សុះ ស៊ូហាណា, ខ្សែបម្រើជប៉ុន Tatsuro Inui និងកីឡាករ គួច ដានី។
នៅពហុកីឡដ្ឋានជាតិកាលពីថ្ងៃសៅរ៍ ទី២១ មេសា ឆ្នាំ២០១៨ ក្រុមបឹងកេតបានយកឈ្នះក្រុមក្រសួងការពារជាតិក្នុងលទ្ធផល ២-០ ដើម្បីបន្តឈរលេខរៀងទី២ ដោយមាន១៣ពិន្ទុ។ ពីរគ្រាប់របស់បឹងកេត រកបានគ្រាប់ដោយកីឡាករ Julius Oiboh និង Maycon Calijuri។
ព្រះខ័នរាជស្វាយរៀងបានផ្តល់មេរៀនយ៉ាងជូរចត់ជាមួយជ័យជម្នះ ៦-៣ លើភ្ញៀវភ្នំពេញក្រោន។ នាការប្រកួតនៅកីឡដ្ឋានខេត្តស្វាយរៀង កាលពីថ្ងៃទី២២ មេសា កីឡាករ Whoo Hyun បានរកគ្រាប់បាល់នាំមុខ ១-០ សម្រាប់ម្ចាស់ផ្ទះព្រះខ័នរាជស្វាយរៀងនៅ៧នាទីដំបូងដើមវគ្គទី១។ ៥នាទីក្រោយមកកីឡាករ ហួយ ផល្លីន បានសម្រេចគ្រាប់ទី២សម្រាប់ស្វាយរៀង។
ខ្សែការពារជប៉ុន Atsushi Shirota បានរកគ្រាប់បាល់តាមពីក្រោយ ២-១ សម្រាប់ភ្ញៀវភ្នំពេញក្រោននៅនាទីទី២៥ មុន ហួយ ផល្លីន សម្រេចគ្រាប់ទី២របស់ខ្លួន ដើម្បីបង្កើនការនាំមុខ ៣-១ សម្រាប់ស្វាយរៀងនៅនាទីទី៣១។ ការប្រកួតដំណើរការបាន៤នាទីខ្សែការពារ នេន សុធារ័ត្ន បានបន្ថែមមួយគ្រាប់ទៀតសម្រាប់ម្ចាស់ផ្ទះស្វាយរៀង។
៦នាទីដើមវគ្គទី២ខ្សែបម្រើ អ៊ិន សូដាវីដ បានសម្រេចគ្រាប់បាល់តាមពីក្រោយ ៤-២ សម្រាប់ភ្ញៀវភ្នំពេញក្រោន តែត្រូវកីឡាករ Caeasar Trevin សម្រេចបានពីរគ្រាប់ជាបន្តបន្ទាប់នៅនាទីទី៦២ និង៧៣ ដើម្បីបង្កើនការនាំមុខ ៦-២ សម្រាប់ស្វាយរៀង។ ការប្រកួតដំណើរការបាន៤នាទីកីឡាករ ម៉ៅ ពិសិដ្ឋ បានសម្រេចគ្រាប់ទី៣សម្រាប់ភ្នំពេញក្រោន។ ក្រុមទាំងពីរបានរក្សាលទ្ធផល ៦-៣ រហូតចប់វគ្គទី២។
ជាមួយគ្នានេះ ក្រុមអង្គរថាយហ្គឺរ បានប្រើពហុកីឡដ្ឋានជាតិយកឈ្នះក្រុមអគ្គិសនីកម្ពុជា ៣-១។ ៣គ្រាប់របស់អង្គរថាយហ្គឺរសម្រេចពីរគ្រាប់ដោយកីឡាករ Kazutero Okamoto និង១គ្រាប់ដោយកីឡាករ តាំង សុភ័ក្ត្រ ខណៈមួយគ្រាប់របស់អគ្គិសនីកម្ពុជារកបានដោយកីឡាករ សួន វាសនា។
ក្រុមចំណូលថ្មីវិសាខាបានឡើងទៅឈរលេខរៀងទី៣ដោយមាន១០ពិន្ទុ ក្រោយពួកគេយកឈ្នះក្រុមវេស្ទើនភ្នំពេញក្នុងលទ្ធផល ៣-០។ រីឯអគ្គស្នងការនគរបាលជាតិក្រោយយកឈ្នះក្រុមចំណូលថ្មីសូលទីឡូអង្គរ ២-១ ឡើងទៅឈរលេខរៀងទី៤ដោយមាន១០ពិន្ទុដូចគ្នា៕
ក្រោយយកឈ្នះគូប្រកួតរៀងៗខ្លួននាការប្រកួតសប្តាហ៍ទី៥កាលពីសប្តាហ៍មុន ណាហ្គាវើល និងបឹងកេតបានក្លាយជាក្រុមដែលមិនទាន់ស្គាល់ចាញ់នៃក្របខណ្ឌលីគកំពូលកម្ពុជា។ ក្នុងចំណោម៥ប្រកួតកន្លងមក ណាហ្គាវើល និងបឹងកេតបានបញ្ចប់ក្នុងលទ្ធផលឈ្នះ៤ និងស្មើ១លើកដូចគ្នា។
នាការប្រកួតនៅពហុកីឡដ្ឋានជាតិកាលពីថ្ងៃអាទិត្យ ទី២២ មេសា ឆ្នាំ២០១៨ ក្រុមណាហ្គាវើលបានយកឈ្នះក្រុមអាស៊ីអឺរ៉ុបក្នុងលទ្ធផល ៣-០ ដើម្បីបន្តឈរកំពូលតារាងបណ្តោះអាសន្នក្នុងសប្តាហ៍ទី៥ ដោយមាន១៣ពិន្ទុ។ ជ័យជម្នះនេះ រួមចំណែកម្នាក់១គ្រាប់ដោយកីឡាករ សុះ ស៊ូហាណា, ខ្សែបម្រើជប៉ុន Tatsuro Inui និងកីឡាករ គួច ដានី។
នៅពហុកីឡដ្ឋានជាតិកាលពីថ្ងៃសៅរ៍ ទី២១ មេសា ឆ្នាំ២០១៨ ក្រុមបឹងកេតបានយកឈ្នះក្រុមក្រសួងការពារជាតិក្នុងលទ្ធផល ២-០ ដើម្បីបន្តឈរលេខរៀងទី២ ដោយមាន១៣ពិន្ទុ។ ពីរគ្រាប់របស់បឹងកេត រកបានគ្រាប់ដោយកីឡាករ Julius Oiboh និង Maycon Calijuri។
ព្រះខ័នរាជស្វាយរៀងបានផ្តល់មេរៀនយ៉ាងជូរចត់ជាមួយជ័យជម្នះ ៦-៣ លើភ្ញៀវភ្នំពេញក្រោន។ នាការប្រកួតនៅកីឡដ្ឋានខេត្តស្វាយរៀង កាលពីថ្ងៃទី២២ មេសា កីឡាករ Whoo Hyun បានរកគ្រាប់បាល់នាំមុខ ១-០ សម្រាប់ម្ចាស់ផ្ទះព្រះខ័នរាជស្វាយរៀងនៅ៧នាទីដំបូងដើមវគ្គទី១។ ៥នាទីក្រោយមកកីឡាករ ហួយ ផល្លីន បានសម្រេចគ្រាប់ទី២សម្រាប់ស្វាយរៀង។
ខ្សែការពារជប៉ុន Atsushi Shirota បានរកគ្រាប់បាល់តាមពីក្រោយ ២-១ សម្រាប់ភ្ញៀវភ្នំពេញក្រោននៅនាទីទី២៥ មុន ហួយ ផល្លីន សម្រេចគ្រាប់ទី២របស់ខ្លួន ដើម្បីបង្កើនការនាំមុខ ៣-១ សម្រាប់ស្វាយរៀងនៅនាទីទី៣១។ ការប្រកួតដំណើរការបាន៤នាទីខ្សែការពារ នេន សុធារ័ត្ន បានបន្ថែមមួយគ្រាប់ទៀតសម្រាប់ម្ចាស់ផ្ទះស្វាយរៀង។
៦នាទីដើមវគ្គទី២ខ្សែបម្រើ អ៊ិន សូដាវីដ បានសម្រេចគ្រាប់បាល់តាមពីក្រោយ ៤-២ សម្រាប់ភ្ញៀវភ្នំពេញក្រោន តែត្រូវកីឡាករ Caeasar Trevin សម្រេចបានពីរគ្រាប់ជាបន្តបន្ទាប់នៅនាទីទី៦២ និង៧៣ ដើម្បីបង្កើនការនាំមុខ ៦-២ សម្រាប់ស្វាយរៀង។ ការប្រកួតដំណើរការបាន៤នាទីកីឡាករ ម៉ៅ ពិសិដ្ឋ បានសម្រេចគ្រាប់ទី៣សម្រាប់ភ្នំពេញក្រោន។ ក្រុមទាំងពីរបានរក្សាលទ្ធផល ៦-៣ រហូតចប់វគ្គទី២។
ជាមួយគ្នានេះ ក្រុមអង្គរថាយហ្គឺរ បានប្រើពហុកីឡដ្ឋានជាតិយកឈ្នះក្រុមអគ្គិសនីកម្ពុជា ៣-១។ ៣គ្រាប់របស់អង្គរថាយហ្គឺរសម្រេចពីរគ្រាប់ដោយកីឡាករ Kazutero Okamoto និង១គ្រាប់ដោយកីឡាករ តាំង សុភ័ក្ត្រ ខណៈមួយគ្រាប់របស់អគ្គិសនីកម្ពុជារកបានដោយកីឡាករ សួន វាសនា។
ក្រុមចំណូលថ្មីវិសាខាបានឡើងទៅឈរលេខរៀងទី៣ដោយមាន១០ពិន្ទុ ក្រោយពួកគេយកឈ្នះក្រុមវេស្ទើនភ្នំពេញក្នុងលទ្ធផល ៣-០។ រីឯអគ្គស្នងការនគរបាលជាតិក្រោយយកឈ្នះក្រុមចំណូលថ្មីសូលទីឡូអង្គរ ២-១ ឡើងទៅឈរលេខរៀងទី៤ដោយមាន១០ពិន្ទុដូចគ្នា៕
Tag:
Cambodian League 2018
បឹងកេត
ណាហ្គាវើល
© រក្សាសិទ្ធិដោយ thmeythmey.com
