ជាតិ
ចិន ផ្ដល់អង្ករ១៦០តោន ដល់សម្ដេច ហ៊ុន សែន
× ភ្នំពេញ៖ ចិនផ្ដល់អង្ករ១៦០តោន ដល់នាយករដ្ឋមន្ត្រី ហ៊ុន សែន សម្រាប់យកទៅប្រើប្រាស់ជាអំណោយមនុស្សធម៌នៅកម្ពុជា។
អភិបាលតំបន់ស្វយ័តក្វាងស៊ី ប្រទេសចិនលោក Chen Wu បានជួបសម្ដេចនាយករដ្ឋមន្ត្រី ហ៊ុន សែន ដោយចុះហត្ថលេខាលើអនុស្សារណៈសហការគ្នា ដើម្បីអភិវឌ្ឍកំពង់ផែ នៅខេត្តកំពត។ ក្នុងពិធីចុះហត្ថលេខានេះ លោក Chen Wu បានយកផលិតផលកសិកម្ម ជាអង្ករប្រមាណ ១៦០ តោន ជូនដល់សម្ដេច។ អង្ករ១៦០តោន គិតជាទំហំទឹកប្រាក់ជាង១០ម៉ឺនដុល្លារ។
«អង្ករកសិកម្ម ដែលជាជំនួយមនុស្សធម៌ ចំនួន១៦០តោន ស្មើ១លានយ័ន (ជាង១០ម៉ឺនដុល្លារ) ដែលលោក Chen Wu ប្រគល់ជូនសម្ដេចនេះ សម្ដេច នឹងយកទៅផ្តល់ជូនដល់កាកបាទក្រហមកម្ពុជា ដើម្បីប្រើប្រាស់តាមតម្រូវការជួយដល់ពលរដ្ឋរងគ្រោះ ក្នុងវិស័យមនុស្សធម៌។ នេះបើតាមហ្វេសប៊ុកសម្ដេច ហ៊ុន សែន៕
Tag:
ហ៊ុន សែន
ចិន
អង្ករ
© រក្សាសិទ្ធិដោយ thmeythmey.com