អត្ថបទពាណិជ្ជកម្ម
ចូលរួមជាមួយនឹងពានរង្វាន់អចលនវត្ថុកម្ពុជាដើម្បីបញ្ជាក់ពីសមិទ្ធផលផ្ទាល់របស់អ្នក
× ដើម្បីជំរុញដល់វិស័យអចលនវត្ថុ គឺត្រូវលើកទឹកចិត្តដល់អ្នកដែលបានខិតខំប្រឹងប្រែង និងអ្នកមានជំនាញវិជ្ជាជីវៈច្បាស់លាស់។ ដោយមើលឃើញថា វិស័យអចលនវត្ថុនៅកម្ពុជា មានការកើនឡើងគួរឲ្យកត់សម្គាល់ និងដើម្បីជំរុញដល់វិស័យនេះ ឲ្យកាន់តែមានសក្តានុពលកាន់តែខ្លាំងជាងមុន ក៏ដូចជាការលើកទឹកចិត្ត ដល់អ្នកដែលបានខិតខំទាំងកម្លាំងកាយទាំងកម្លាំងចិត្ត ក្រសួងសេដ្ឋកិច្ច និងហិរញ្ញវត្ថុ Realestate.com.kh និងសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា នឹងរៀបចំឲ្យមានកម្មវិធីពានរង្វាន់អចលនវត្ថុកម្ពុជាឆ្នាំ២០១៨នេះ។
កម្មវិធីពានរង្វាន់អចលនវត្ថុប្រចាំឆ្នាំនេះ នឹងជ្រើសរើសយកភ្នាក់ងារ និងក្រុមហ៊ុនភ្នាក់ងារឈានមុខគេនៅទូទាំងប្រទេស ហើយរៀបចំកម្មវិធីប្រគល់ពានរង្វាន់ ដល់ភ្នាក់ងារ ឬក្រុមហ៊ុនណាដែលល្អបំផុត។
បេក្ខភាពវគ្គផ្តាច់ព្រ័ត្រ និងបេក្ខភាពជ័យលាភី នឹងត្រូវបានផ្តល់ជាតែមសម្គាល់ជ័យលាភី របស់កម្មវិធីពានរង្វាន់អចលនវត្ថុកម្ពុជា ដែលអាចប្រើសម្រាប់ការផ្សព្វផ្សាយ និងការធ្វើទីផ្សាររួមជាមួយនឹងពានរង្វាន់ និងវិញ្ញាបនបត្រ ដែលបញ្ជាក់ពីសមិទ្ធផលផ្ទាល់ ឬក្រុមហ៊ុនរបស់ពួកគាត់ផងដែរ។
បេសកកម្មនៃកម្មវិធីពានរង្វាន់អចលនវត្ថុកម្ពុជា គឺដើម្បីទទួលស្គាល់នូវសមិទ្ធផល នៃវិស័យអចលនទ្រព្យកម្ពុជា។ ពានរង្វាន់នេះ ស្វាគមន៍ចំពោះក្រុមហ៊ុនដែលមានអាជ្ញាបណ្ណត្រឹមត្រូវ ពីក្រសួងសេដ្ឋកិច្ច និងហិរញ្ញវត្ថុ។
បេក្ខភាពវគ្គផ្តាច់ព្រ័ត្រ និងអ្នកពាក់ព័ន្ធក្នុងវិស័យអចលនវត្ថុ នឹងត្រូវអញ្ជើញឲ្យចូលរួមនៅក្នុងកម្មវិធីប្រគល់ពានរង្វាន់ និងពិធីលាងសាយភោជន៍ពេលល្ងាចជុំគ្នា ដើម្បីអបអរសាទរដល់ព្រឹត្តិការណ៍ដ៏សំខាន់មួយនេះ ដែលនឹងធ្វើឡើងនៅសណ្ឋាគារ សូហ្វីតែលភ្នំពេញ នៅថ្ងៃទី២៧ ខែមិថុនា ឆ្នាំ២០១៨។ សំបុត្រចូលរួម និងការឧបត្ថម្ភសម្រាប់កម្មវិធីដ៏មានកិត្យានុភាពនេះ នឹងចាប់ផ្តើមបើកលក់ នៅសប្តាហ៍ខាងមុខនេះហើយ។
សូមថ្លែងអំណរគុណដល់ស្ថានីយ៍ទូរទ្សន៍ CTN គេហទំព័រ Biz Khmer គេហទំព័រ Thmey Thmey គេហទំព័រ Fresh News សារព័ត៌មានខ្មែរថាមស៍ វិទ្យាស្ថានជាតិគណនេយ្យករជំនាញ និងសវនករកម្ពុជា។
ហើយក៏សូមថ្លែងអំណរគុណ ដល់អ្នកចូលរួមឧបត្ថម្ភ ដល់ព្រឹត្តិការណ៍ដ៏ធំមួយនេះ ដែលរួមមាន៖ ក្រុមហ៊ុនអភិវឌ្ឍន៍ Aristo ក្រុមហ៊ុនខេមហ៊ូម និងក្រុមហ៊ុនអភិវឌ្ឍន៍គ្រីដគ្រុបជាដើម។
អាចចាប់ផ្តើមចុះឈ្មោះជាបេក្ខភាពឈរឈ្មោះ នៅក្នុងព្រឹត្តិការណ៍នេះ ចាប់ពីថ្ងៃទី២៦ ខែមីនា ឆ្នាំ២០១៨ រហូតដល់ថ្ងៃទី២៦ ខែឧសភា ឆ្នាំ២០១៨។ អ្នកដែលនៅក្នុងវិស័យអចលនវត្ថុ អាចដាក់ពាក្យចូលរួមប្រកួតប្រជែងដើម្បីដោយសេរី៕
លោកអ្នកអាចចុះឈ្មោះដោយផ្ទាល់ តាមប្រព័ន្ធអនឡាញ ដោយចូលទៅកាន់គេហទំព័រ https://cambodiarealestateawards.com/ ។ ប្រសិនបើមានចម្ងល់បន្ថែម សូមសាកសួរមកកាន់ សហការីយើងខ្ញុំ តាមរយៈលេខទូរសព្ទ 089 755 777 - 017 436 756 និងអ៊ីម៉ែល [email protected] ។
តាមដានព័ត៌មានអចលនទ្រព្យនៅក្នុងប្រទេសកម្ពុជាតាមរយៈ Realestate.com.kh! ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com