ក្រុមហ៊ុនទ្រីភាព និងក្រុមហ៊ុនចិន ចុះកិច្ចព្រមព្រៀងដើម្បីសាងសង់កំពង់ផែនៅខេត្តកំពត

ជាតិ

សេដ្ឋកិច្ច

ក្រុមហ៊ុនទ្រីភាព និងក្រុមហ៊ុនចិន ចុះកិច្ចព្រមព្រៀងដើម្បីសាងសង់កំពង់ផែនៅខេត្តកំពត

25, Apr 2018 , 7:19 pm

រូបភាព

រូបពីក្រុមហ៊ុនទ្រីភាព

ដោយ:

ភ្នំពេញ៖ ក្រុមហ៊ុន ទ្រីភាព គ្រុប បានចុះកិច្ចព្រមព្រៀងក្របខណ្ឌសហប្រតិបត្តិការស្ដីពីកំពង់ផែកំពត ជាមួយក្រុមហ៊ុនចិន Guangxi Beibu Gulf International នៅថ្ងៃទី២៤ខែមេសា។ នេះបើតាមសេចក្ដីប្រកាសព័ត៌មានរបស់ក្រុមហ៊ុនទ្រីភាព។

កិច្ចព្រមព្រៀងនេះ ត្រូវបានចុះហត្ថលេខាក្រោមអធិបតីលោកស្រី ម៉ែន សំអន ឧបនាយករដ្ឋមន្ត្រី និងរដ្ឋមន្ត្រីក្រសួងទំនាក់ទំនងជាមួយព្រឹទ្ធសភា-រដ្ឋសភា និងអធិការកិច្ច និងអភិបាលតំបន់ស្វយ័តក្វាងស៊ីរបស់ចិន ដែលដឹកនាំគណៈប្រតិភូធុរកិច្ចមកភ្នំពេញ។

សេចក្ដីប្រកាសព័ត៌មានដដែលនេះឲ្យដឹងថា នៅក្នុងដំណាក់កាលដំបូង ក្រុមហ៊ុនទាំងពីរ គ្រោងសិក្សាសាងសង់កំពង់ផែទឹកជ្រៅមួយ ដែលអាចឲ្យនាវាធំផ្ទុកទំនិញពី ១ម៉ឺនតោន ទៅ៣មឺនតោនចូលចត ផ្ទេរ និងផ្ទុកទំនិញបាន។ ក្រុមហ៊ុនទាំងពីររំពឹងថាគម្រោងនេះនឹងផ្ដល់ឱកាសការងារប្រមាណជាង ៥០០កន្លែង។