ជាតិ
កម្ពុជានឹងធ្វើជាប្រធានវេទិកាសភាអាស៊ី-ប៉ាស៊ីហ្វិក
× ភ្នំពេញ៖ វៀតណាម ប្រគល់ទង់វេទិកាសភាអាស៊ី-ប៉ាស៊ីហ្វិក (APPF) ដល់កម្ពុជា ធ្វើជាប្រធានរយៈពេល២ឆ្នាំ ចាប់ពីឆ្នាំ២០១៨ ដល់២០១៩។ ពិធីប្រគល់ទង់ធ្វើឡើង ដោយលោកស្រី Tong Thi Pong សមាជិកាការិយាល័យនយោបាយបក្សកុម្មុយនីស្តវៀតណាម ឲ្យប្រធានរដ្ឋសភា សម្ដេច ហេង សំរិន នៅរសៀលថ្ងៃទី២៥ មេសានេះ។
វេទិកាសភាអាស៊ី-ប៉ាស៊ីហ្វិក ដែលមានឈ្មោះជាភាសាអង់គ្លេស «The Asia Pacific Parliamentary Forum» បានបង្កើតទ្បើងនៅទីក្រុងតូក្យូ ប្រទេសជប៉ុន ក្នុងឆ្នាំ១៩៩៣។ សភានៃប្រទេសកម្ពុជា បានចូលជាសមាជិកពេញសិទ្ធិនៃវេទិកានេះ កាលពីឆ្នាំ១៩៩៥។ បច្ចុប្បន្ន សភាអាស៊ី-ប៉ាស៊ីហ្វិក មានសមាជិកពេញសិទ្ធិចំនួន ២៧ប្រទេស។
វេទិកាសភាអាស៊ី-ប៉ាស៊ីហ្វិក បង្កើតទ្បើងក្នុងគោលបំណងដើម្បីពង្រឹងកិច្ចសហប្រតិបត្តិការរវាងបណ្តាប្រទេសដែលជាសមាជិក ដើម្បីធានានូវស្ថិរភាព សន្តិភាព នៅក្នុងតំបន់អាស៊ីប៉ាស៊ីហ្វិក ជួយជំរុញដល់វិស័យពាណិជ្ជកម្ម និងវិនិយោគ បង្កើតកិច្ចសហប្រតិបត្តិការក្នុងតំបន់លើវិស័យនានា ដូចជា ការពារបរិស្ថាន ការទប់ទល់នឹងឧក្រិដ្ឋកម្មឆ្លងដែន ភេរវកម្ម និងការផ្លាស់ប្តូរវប្បធម៌ ព្រមទាំងការអប់រំជាដើម៕
Tag:
ហេង សំរិន
វៀតណាម
សភាអាស៊ី-ប៉ាស៊ីហ្វិក
© រក្សាសិទ្ធិដោយ thmeythmey.com