លោក អាបេ ប្រាប់លោក ហ៊ុន ម៉ាណែត ថា ជប៉ុនគាំទ្រដំណើរកាបោះឆ្នោតនៅកម្ពុជា

ជាតិ

នយោបាយជាតិ

លោក អាបេ ប្រាប់លោក ហ៊ុន ម៉ាណែត ថា ជប៉ុនគាំទ្រដំណើរកាបោះឆ្នោតនៅកម្ពុជា

26, Apr 2018 , 4:40 pm

រូបភាព

រូបពីហ្វេសប៊ុកលោក ហ៊ុន ម៉ាណែត

ដោយ: ថ្មីៗ

ភ្នំពេញ៖ នាយករដ្ឋមន្ត្រីជប៉ុន លោក ស៊ីនហ្សូ អាបេ (Shinzō Abe) គាំទ្រដំណើការបោះឆ្នោតនៅកម្ពុជា។ ពាក្យសម្ដីរបស់នាយករដ្ឋមន្ត្រីជប៉ុនរូបនេះ បានរំលេចនៅលើហ្វេសប៊ុកផ្លូវការរបស់លោក ហ៊ុន ម៉ាណែត ដែលកំពុងដំណើរទស្សនកិច្ចផ្លូវការ នៅទឹកដីជប៉ុន។

ក្រោយជំនួបទ្វេរភាគីជាមួយលោក ស៊ីនហ្សូ អាបេ នៅថ្ងៃទី២៦ មេសានេះ លោក ហ៊ុន ម៉ាណែត នាយរងសេនាធិការចម្រុះនៃកងយោធពលខេមរភូមិន្ទ បានសរសេរលើហ្វេសប៊ុកថា៖« ជប៉ុននៅតែបន្តគាំទ្រដំណើរការបោះឆ្នោតនៅកម្ពុជា ហើយបានលើកនូវយោបល់មួយចំនួន ដើម្បីឲ្យកម្ពុជាយកទៅពិចារណាក្នុងគោលបំណងធានាឲ្យការបោះឆ្នោតនាខែកក្កដាខាងមុខនេះ ប្រព្រឹត្តទៅដោយ សេរី យុត្តិធម៌ និងឆ្លុះបញ្ចាំងអំពីឆន្ទៈប្រជាពលរដ្ឋ»។

អត្ថបទទាក់ទង

លោក ហ៊ុន ម៉ាណែត ផ្តើមទស្សនកិច្ចនៅជប៉ុន និងជួបជាមួយនាយករដ្ឋមន្ត្រី អាបេ

លោក ហ៊ុន ម៉ាណែតបានទៅដល់ប្រទេសជប៉ុនហើយនាព្រឹកថ្ងៃទី២៥ខែមេសា ដើម្បីផ្តើមទស្សនកិច្ចផ្លូវការរយៈពេល៥ថ្ងៃ។ នេះជាដំណើរទស្សនកិច្ចផ្លូវការលើកដំបូងរបស់លោក ហ៊ុន ម៉ាណែត ក្រោយពីមានការអញ្ជើញផ្ទាល់ពីប្រមុខរដ្ឋាភិបាលជប៉ុនលោក Shinzo Abe តាមរយៈសម្តេចនាយករដ្ឋមន្ត្រី ហ៊ុន សែន ក្នុងកិច្ចប្រជុំកំពូលអាស៊ី-អឺរ៉ុបនៅប្រទេសម៉ុងហ្គោលី កាលពីខែកក្កដាឆ្នាំ២០១៦។

ទស្សនកិច្ចនេះ ធ្វើឡើងក្នុងគោលដៅពង្រឹង និងធ្វើឲ្យស៊ីជម្រៅលើការយល់ដឹងពីទំនាក់ទំនងទ្វេភាគីកម្ពុជា-ជប៉ុន ក្រោមកម្មវិធី«ផ្លាស់ប្តូរយុទ្ធសាស្ត្រកម្រិតអ្នកអនុវត្ត» (Program for Strategic Exchanges on Practical Level)៕