ប្រមុខរដ្ឋាភិបាលកម្ពុជា ទៅសិង្ហបុរី នៅព្រឹកនេះ ដើម្បីចូលរួមកិច្ចប្រជុំកំពូលអាស៊ានលើកទី៣២

ជាតិ

ប្រមុខរដ្ឋាភិបាលកម្ពុជា ទៅសិង្ហបុរី នៅព្រឹកនេះ ដើម្បីចូលរួមកិច្ចប្រជុំកំពូលអាស៊ានលើកទី៣២

27, Apr 2018 , 9:40 am

រូបភាព

ដោយ: ថ្មីៗ

សម្តេចនាយករដ្ឋមន្ត្រី ហ៊ុន សែន បានដឹកនាំគណៈប្រតិភូ ចាកចេញពីកម្ពុជាហើយ ដើម្បីទៅចូលរួមកិច្ចប្រជុំកំពូលអាស៊ានលើកទី៣២ នៅប្រទេសសិង្ហបុរី ដែលចាប់ពីថ្ងៃទី២៧ ដល់ថ្ងៃទី២៨ ខែមេសា ឆ្នាំ២០១៨។

មន្ត្រីរដ្ឋាភិបាល ដែលអមដំណើរសម្តេច ហ៊ុន សែន រួមមាន លោក ប្រាក់ សុខុន រដ្ឋមន្ត្រីក្រសួងការបរទេស លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងលោក ហង់ ជួន ណារ៉ុន រដ្ឋមន្ត្រីក្រសួងអប់រំ ជាដើម។

ប្រធានបទសម្រាប់កិច្ចប្រជុំកំពូលនេះ គឺ «ភាពរឹងមាំ និងការវិវត្តថ្មីរបស់អាស៊ាន»។
បើតាមសេចក្តីជូនព័ត៌មានរបស់ក្រសួងការបរទេស ក្រៅពីកិច្ចប្រជុំកំពូលអាស៊ាន សម្តេច ហ៊ុន សែន ក៏នឹងមានជំនួបដោយឡែកជាមួយថ្នាក់ដឹកនាំនៃបណ្តាប្រទេសអាស៊ានមួយចំនួនផងដែរ៕