ជាតិ
សង្គមជាតិ
លោក គឹម សន្តិភាព អ្នកនាំពាក្យក្រសួងយុត្តិធម៌
×![]()
ដោយ: សារព័ត៌មានថ្មីៗ
ភ្នំពេញ៖ ក្រសួងយុត្តិធម៌ បានសម្រេចជាផ្លូវការហើយ ដោយបញ្ចូលឈ្មោះអ្នកទោស៣៤នាក់ ទៅក្នុងបញ្ជីលើកលែងទោស និងបន្ធូរបន្ថយទោស សម្រាប់ពិធីបុណ្យវិសាខបូជា ដែលប្រារព្ធឡើង នៅថ្ងៃទី២៩ ខែមេសា ឆ្នាំ២0១៨នេះ។ នេះបើតាមលោក គឹម សន្តិភាព អ្នកនាំពាក្យក្រសួងយុត្តិធម៌។
លោក គឹម សន្តិភាព បានប្រាប់អ្នកកាសែតតាមបណ្តាញទំនាក់ទំនងតេឡេក្រាមថា ក្នុងចំណោមអ្នកទោសទាំង៣៤នាក់នោះ មានអ្នកទោស១នាក់ ត្រូវបានស្នើឲ្យលើកលែងទោស ហើយអ្នកទោស៣៣នាក់ទៀត (ស្រី១នាក់) ត្រូវបានស្នើឲ្យបន្ធូរបន្ថយទោស។
បើតាមតាមអ្នកនាំពាក្យខាងលើ មុនដំបូង អ្នកទោសមានដល់២២៨នាក់ឯណោះ ដែលត្រូវបានក្រសួងយុត្តិធម៌ លើកយកទៅវាយតម្លៃ ក្នុងកិច្ចប្រជុំ។ ក្រោយវាយតម្លៃរួច ក្នុងចំណោមអ្នកទោសទាំង២២៨នាក់នោះ មានតែ៣៤នាក់ប៉ុណ្ណោះ ដែលក្រសួងយុត្តិធម៌ យល់ថា សក្ដិសម នឹងទទួលបានការលើកលែងទោស និងការបន្ធូរបន្ថយទោស។
សូមបញ្ជាក់ថា ប្រទេសកម្ពុជា តែងលើកលែងនិងបន្ធូរបន្ថយទោស ដល់ទណ្ឌិត នៅក្នុងពិធីបុណ្យធំៗចំនួនបី គឺពិធីបុណ្យចូលឆ្នាំថ្មីប្រពៃណីខ្មែរ ពិធីបុណ្យអុំទូក និងពិធីបុណ្យវិសាខបូជា៕
Tag:
វិសាខបូជា
ដោះលែងអ្នកទោស
© រក្សាសិទ្ធិដោយ thmeythmey.com
