ជាតិ
សាលារៀនជំនាន់ថ្មីអាចជាសាលារដ្ឋឈានមុខគេផ្នែកគុណភាពបើប្រៀបសាលារដ្ឋទូទៅ
×![]()
ដោយ: ប៉ូ សាគុន
ក្រោយពីរដ្ឋាភិបាលដាក់ចេញនូវគោលការណ៍កំណែទម្រង់ប្រព័ន្ធអប់រំស៊ីជម្រៅ សាលារៀនជំនាន់ថ្មីបានចាប់ផ្តើមកើតឡើង។ សាលានេះបានរៀបចំគោលការណ៍គ្រឹះធំៗចំនួនប្រាំ ដើម្បីពង្រឹងគុណភាពប្រព័ន្ធអប់រំឱ្យមានគុណភាពខ្ពស់ ក៏ជាការកែប្រែមុខមាត់សាលារៀនរដ្ឋដែរ។
នាយករងសាលាវិទ្យាល័យព្រះស៊ីសុវត្ថិសាលារៀនជំនាន់ថ្មី លោក សម្យ កំសាន្ត បានឱ្យដឹងថា ដោយរដ្ឋាភិបាលបានចេញគោលការណ៍ កំណែទម្រង់ស៊ីជម្រៅលើប្រព័ន្ធអប់រំ សាលារៀនជំនាន់ថ្មីក៏បានចាប់កំណើតឡើង។
បើតាមលោក កំសាន្ត សាលានេះមានគោលការណ៍គ្រឹះធំៗចំនួន៥ដើម្បីរក្សាឱ្យបានគុណភាពអប់រំខ្ពស់។ គោលការណ៍ទាំង៥នោះរួមមានទី១សាលាមានឯករាជភាពលើកម្មវិធីសិក្សារបស់ខ្លួន។ មានន័យថាសាលារៀនជំនាន់ថ្មី មានសិទ្ធរៀបចំវិធីសាស្ត្របង្រៀនដោយខ្លួនឯង ឱ្យស្រពតាមទីផ្សារការងារក្នុងសតវត្សរ៍ទី២១។ ទី២ គ្រូត្រូវមានស្តង់ដាបង្រៀនខ្ពស់៖ មានន័យថា គ្រូមិនបង្រៀនគួរក្រៅម៉ោង មិនលក់ក្រដាសសិក្សា គោរពម៉ោងពេលបង្រៀន គ្រូជាអ្នកផ្ទេរចំណេះដឹង និងយកចិត្តទុកដាក់លើសិស្សគ្រប់កាលៈទេសៈទាំងសិស្សពូកែនិងរៀនខ្សោយ។ ទី៣ ការរៀបចំគណនីយភាពតឹងរ៉ឹង៖ មានន័យថា រាល់ប្រាក់ចំណូលឬចំណាយត្រូវបានកត់ត្រាយ៉ាងច្បាស់លាស់ រួមទាំងការផ្ដល់ផលប្រយោជន៍ និងធនធានផ្សេងៗច្បាស់លាស់។ ទី៤ សាលាមានការទទួលស្គាល់ជាផ្លូវច្បាប់នូវគ្រប់ការងារ៖ ដូចជាការស្រាវជ្រាវផ្សេងៗនៅក្នុងសាលា។ ត្រង់ចំណុចនេះ សាលាទទួលស្គាល់ស្នាដៃផ្សេងៗរបស់គ្រូដូចជា បច្ចេកទេសបង្រៀនសិស្សឱ្យឆាប់ចេះ ស្នាដៃនិពន្ធផ្សេងៗ ជួយជម្រុញបន្ថែមឱ្យគ្រូក្លាយជាអ្នកស្រាវជ្រាវជានិច្ច និងជាអ្នកផ្ទេរចំណេះដឹងដ៍មានប្រសិទ្ធភាព។ ទី៥ ការបែងចែកធនធាន៖ មានន័យថា បែងចែកទៅតាមទំហំការងាររបស់គ្រូ បើគ្រូនោះធ្វើការងារច្រើន មានសក្ដានុពលជាងគេ និងពូកែជាងគេ នោះគាត់ក៏ទទួលបានប្រាក់ឧបត្ថម្ភច្រើនលើសគេដែរ។
បើតាមនាយករងសាលាលោក សម្យ កំសាន្ត កម្មវិធីសិក្សានៅសាលារៀនជំនាន់ថ្មី ដូចគ្នាទាំងស្រុងទៅនឹងសាលារៀនរដ្ឋទូទៅដែរ គ្រាន់តែសាលានេះមានបន្ថែមមុខវិជ្ជាមួយចំនួន ដើម្បីឱ្យស្រពតាមទីផ្សារក្នុងសតវត្សទី២១។ លោក សម្យ កំសាន្ត បញ្ជាក់៖«សាលារៀនជំនាន់ថ្មីនេះបង្កើតឡើងដើម្បីលើកមុខមាត់សាលារៀនរបស់រដ្ឋឡើងវិញ។ យើងចង់ឱ្យសិស្សសាលាជំនាន់ថ្មីទៅដល់ទីណា ក៏គេនិយាយថាខ្លាំង ពូកែ ទោះតែទៅប្រកួតប្រជែងនៅក្រៅប្រទេសខ្នាតអន្តរជាតិក្ដី ក៏គាត់នៅតែខ្លាំង»។
សាលាវិទ្យាល័យព្រះស៊ីសុវត្ថិសាលារៀនជំនាន់ថ្មីមានគ្រូចំនួន៥៩នាក់ស្រី៣០នាក់។ បើតាមការបញ្ជាក់របស់ លោក សម្យ កំសាន្ត សាលារៀនជំនាន់ថ្មីបង្កើតបាន១១សាលាហើយនៅទូទាំងប្រទេស។ ប៉ុន្តែសាលាដែលដំណើរការពេញលេញមាន៤ គឺសាលាព្រះស៊ីសុវត្ថិសាលារៀនជំនាន់ថ្មី នៅភ្នំពេញ, វិទ្យាល័យព្រែកលាភ នៅភ្នំពេញ, វិទ្យាល័យជាស៊ីមព្រែកអញ្ចាញនៅខេត្តកណ្ដាល, និងវិទ្យាល័យអនុវត្តិហ៊ុនសែន នៅកំពង់ចាម៕
នាយករងសាលាវិទ្យាល័យព្រះស៊ីសុវត្ថិសាលារៀនជំនាន់ថ្មី លោក សម្យ កំសាន្ត បានឱ្យដឹងថា ដោយរដ្ឋាភិបាលបានចេញគោលការណ៍ កំណែទម្រង់ស៊ីជម្រៅលើប្រព័ន្ធអប់រំ សាលារៀនជំនាន់ថ្មីក៏បានចាប់កំណើតឡើង។
បើតាមលោក កំសាន្ត សាលានេះមានគោលការណ៍គ្រឹះធំៗចំនួន៥ដើម្បីរក្សាឱ្យបានគុណភាពអប់រំខ្ពស់។ គោលការណ៍ទាំង៥នោះរួមមានទី១សាលាមានឯករាជភាពលើកម្មវិធីសិក្សារបស់ខ្លួន។ មានន័យថាសាលារៀនជំនាន់ថ្មី មានសិទ្ធរៀបចំវិធីសាស្ត្របង្រៀនដោយខ្លួនឯង ឱ្យស្រពតាមទីផ្សារការងារក្នុងសតវត្សរ៍ទី២១។ ទី២ គ្រូត្រូវមានស្តង់ដាបង្រៀនខ្ពស់៖ មានន័យថា គ្រូមិនបង្រៀនគួរក្រៅម៉ោង មិនលក់ក្រដាសសិក្សា គោរពម៉ោងពេលបង្រៀន គ្រូជាអ្នកផ្ទេរចំណេះដឹង និងយកចិត្តទុកដាក់លើសិស្សគ្រប់កាលៈទេសៈទាំងសិស្សពូកែនិងរៀនខ្សោយ។ ទី៣ ការរៀបចំគណនីយភាពតឹងរ៉ឹង៖ មានន័យថា រាល់ប្រាក់ចំណូលឬចំណាយត្រូវបានកត់ត្រាយ៉ាងច្បាស់លាស់ រួមទាំងការផ្ដល់ផលប្រយោជន៍ និងធនធានផ្សេងៗច្បាស់លាស់។ ទី៤ សាលាមានការទទួលស្គាល់ជាផ្លូវច្បាប់នូវគ្រប់ការងារ៖ ដូចជាការស្រាវជ្រាវផ្សេងៗនៅក្នុងសាលា។ ត្រង់ចំណុចនេះ សាលាទទួលស្គាល់ស្នាដៃផ្សេងៗរបស់គ្រូដូចជា បច្ចេកទេសបង្រៀនសិស្សឱ្យឆាប់ចេះ ស្នាដៃនិពន្ធផ្សេងៗ ជួយជម្រុញបន្ថែមឱ្យគ្រូក្លាយជាអ្នកស្រាវជ្រាវជានិច្ច និងជាអ្នកផ្ទេរចំណេះដឹងដ៍មានប្រសិទ្ធភាព។ ទី៥ ការបែងចែកធនធាន៖ មានន័យថា បែងចែកទៅតាមទំហំការងាររបស់គ្រូ បើគ្រូនោះធ្វើការងារច្រើន មានសក្ដានុពលជាងគេ និងពូកែជាងគេ នោះគាត់ក៏ទទួលបានប្រាក់ឧបត្ថម្ភច្រើនលើសគេដែរ។
បើតាមនាយករងសាលាលោក សម្យ កំសាន្ត កម្មវិធីសិក្សានៅសាលារៀនជំនាន់ថ្មី ដូចគ្នាទាំងស្រុងទៅនឹងសាលារៀនរដ្ឋទូទៅដែរ គ្រាន់តែសាលានេះមានបន្ថែមមុខវិជ្ជាមួយចំនួន ដើម្បីឱ្យស្រពតាមទីផ្សារក្នុងសតវត្សទី២១។ លោក សម្យ កំសាន្ត បញ្ជាក់៖«សាលារៀនជំនាន់ថ្មីនេះបង្កើតឡើងដើម្បីលើកមុខមាត់សាលារៀនរបស់រដ្ឋឡើងវិញ។ យើងចង់ឱ្យសិស្សសាលាជំនាន់ថ្មីទៅដល់ទីណា ក៏គេនិយាយថាខ្លាំង ពូកែ ទោះតែទៅប្រកួតប្រជែងនៅក្រៅប្រទេសខ្នាតអន្តរជាតិក្ដី ក៏គាត់នៅតែខ្លាំង»។
សាលាវិទ្យាល័យព្រះស៊ីសុវត្ថិសាលារៀនជំនាន់ថ្មីមានគ្រូចំនួន៥៩នាក់ស្រី៣០នាក់។ បើតាមការបញ្ជាក់របស់ លោក សម្យ កំសាន្ត សាលារៀនជំនាន់ថ្មីបង្កើតបាន១១សាលាហើយនៅទូទាំងប្រទេស។ ប៉ុន្តែសាលាដែលដំណើរការពេញលេញមាន៤ គឺសាលាព្រះស៊ីសុវត្ថិសាលារៀនជំនាន់ថ្មី នៅភ្នំពេញ, វិទ្យាល័យព្រែកលាភ នៅភ្នំពេញ, វិទ្យាល័យជាស៊ីមព្រែកអញ្ចាញនៅខេត្តកណ្ដាល, និងវិទ្យាល័យអនុវត្តិហ៊ុនសែន នៅកំពង់ចាម៕
Tag:
សាលារៀនជំនាន់ថ្មី
ប្រព័ន្ធអប់រំ
ភ្នំពេញ
© រក្សាសិទ្ធិដោយ thmeythmey.com
