អន្តរជាតិ
រូបភាព AFP
×![]()
ដោយ: តន ចាន់រិទ្ធារ៉ា
នៅថ្ងៃទី១ ខែឧសភា កូរ៉េខាងត្បូង និងកូរ៉េខាងជើង បានចាប់ផ្ដើមដកឧគ្ឃោសនសព្ទរៀងៗខ្លួនចេញពីព្រំដែនខណ្ឌចែកឧបទ្វីបកូរ៉េ។ ឧបករណ៍បំពងសំឡេងនេះ ត្រូវបានដំឡើងតាមនៅតាមបណ្ដោយព្រំដែនក្នុងគោលដៅវាយប្រហារគ្នាទៅវិញទៅមកតាមរបៀបធ្វើសង្គ្រាមចិត្តសាស្ត្រ។ ការដកចេញនេះ ជាជំហានដំបូងនៃការផ្សះផ្សាកូរ៉េទាំងពីរ ដែលលេចចេញក្រោយជំនួបមេដឹកនាំកំពូលកូរ៉េលើកទីបីកាលពីសប្ដាហ៍មុន។
បីថ្ងៃក្រោយជំនួបមេដឹកនាំលើកទីបី កូរ៉េខាងត្បូង និងកូរ៉េខាងជើងបានចាប់ផ្ដើមអនុវត្តពាក្យសន្យាដែលធ្វើឡើងក្នុងការចរចាកាលពីសប្ដាហ៍មុន។ នៅថ្ងៃទី១ ខែឧសភា មន្ត្រីយោធាកូរ៉េខាងត្បូងបានចាប់ផ្ដើមដកឧគ្ឃោសនសព្ទចេញពីព្រំដែនជាមួយកូរ៉េខាងជើង ឯកូរ៉េខាងជើងក៏បានដកយកឧបករណ៍បំពងសំឡេងចេញពីព្រំដែនជាមួយកូរ៉េខាងត្បូងដូចគ្នាដែរ។ ដ្បិតនេះជាមិនមែនជារឿងធំ តែបង្ហាញពីឆន្ទៈរបស់កូរ៉េទាំងពីរក្នុងបង្កើតសន្តិភាពនៅឧបទ្វីបនេះ។
យោងតាមទីភ្នាក់ងារព័ត៌មាន Yonhap យោធាកូរ៉េខាងត្បូងបានដកយកប្រព័ន្ធបំពងសំឡេងពីតំបន់ជួរមុខនៅក្នុងខេត្ត Gyeonggi នៅពេលថ្ងៃ ខណៈយោធាកូរ៉េខាងជើងចាប់ផ្ដើមនៅពេលព្រឹក។ កូរ៉េខាងត្បូងចាប់ផ្ដើមដំឡើងឧគ្ឃោសនសព្ទក្នុងឆ្នាំ១៩៦៣ នៅប្រមាណ៤០ទីតាំងតាមបណ្ដោយព្រំដែនជាមួយកូរ៉េខាងជើង។
តាមរយៈប្រព័ន្ធបញ្ចេញសំឡេងខ្លាំងៗ ក្រុងសេអ៊ូលបានចាក់ផ្សាយការរិះគន់របបដឹកនាំរបស់ក្រុងព្យុងយ៉ាង ព័ត៌មានស្ដីពីកូរ៉េខាងត្បូង និងចម្រៀង K-pop ដែរ។ សេអ៊ូលបានផ្អាកការចាក់ផ្សាយសំឡេងនៅមុនជំនួបរវាងប្រធានាធិបតី មូន ចេអ៊ីន និងមេដឹកនាំកំពូលកូរ៉េខាងជើង គីម ជុងអ៊ុន ។ ឯក្រុងព្យុងយ៉ាងក៏បានចាក់ផ្សាយសំឡេងរិះគន់ក្រុងសេអ៊ូល និងបញ្ចេញសារលើកសរសើរប្រព័ន្ធដឹកនាំបែបសង្គមនិយមរបស់ខ្លួនផង។
ក្នុងជំនួបទល់មុខនៅតំបន់គ្មានយោធា DMZ លោក មូន និងលោក គីម បានប្ដេជ្ញាចិត្តក្នុងការបញ្ឈប់សកម្មភាពបង្កហេតុដាក់គ្នាទៅវិញទៅមក និងលុបបំបាត់មធ្យោបាយដែលអាចបង្កជាសកម្មអុជអាលផង។ មិនត្រឹមតែការដកចេញប្រព័ន្ធបំពងសំឡេងនេះឡើយ កូរ៉េទាំងពីរក៏ឯកភាពគ្នាបញ្ឈប់ការបង្ហោះខិត្តបណ្ណឆ្លងព្រំដែនទៀតផង។ ការបង្ហោះខិត្តបណ្ណដែលចងភ្ជាប់ប៉េងប៉ោង តែងធ្វើឡើងដោយសកម្មជនកូរ៉េខាងត្បូង ដែលធ្វើឲ្យកូរ៉េខាងជើងខឹងសម្បារយ៉ាងខ្លាំង។
អ្វីគួរឲ្យចាប់អារម្មណ៍នោះ ការដកយកប្រព័ន្ធបញ្ចេញសំឡេងពេលនេះ បង្កឲ្យមានការសង្ស័យពីទីតាំងជំនួបប្រវត្តិសាស្ត្ររវាងប្រធានាធិបតីអាមេរិក ដូណាល់ ត្រាំ និងលោក គីម ជុងអ៊ុន។ ក្នុងជំនួបដែលលោក ត្រាំ អះអាងផ្ទាល់មាត់ថា នឹងធ្វើនៅបី ឬបួនសប្ដាហ៍នោះ លោក ត្រាំ ហាក់ចង់បានតំបន់គ្មានកងទ័ពជាម្ចាស់ផ្ទះជំនួបលើកដំបូង៕
បីថ្ងៃក្រោយជំនួបមេដឹកនាំលើកទីបី កូរ៉េខាងត្បូង និងកូរ៉េខាងជើងបានចាប់ផ្ដើមអនុវត្តពាក្យសន្យាដែលធ្វើឡើងក្នុងការចរចាកាលពីសប្ដាហ៍មុន។ នៅថ្ងៃទី១ ខែឧសភា មន្ត្រីយោធាកូរ៉េខាងត្បូងបានចាប់ផ្ដើមដកឧគ្ឃោសនសព្ទចេញពីព្រំដែនជាមួយកូរ៉េខាងជើង ឯកូរ៉េខាងជើងក៏បានដកយកឧបករណ៍បំពងសំឡេងចេញពីព្រំដែនជាមួយកូរ៉េខាងត្បូងដូចគ្នាដែរ។ ដ្បិតនេះជាមិនមែនជារឿងធំ តែបង្ហាញពីឆន្ទៈរបស់កូរ៉េទាំងពីរក្នុងបង្កើតសន្តិភាពនៅឧបទ្វីបនេះ។
យោងតាមទីភ្នាក់ងារព័ត៌មាន Yonhap យោធាកូរ៉េខាងត្បូងបានដកយកប្រព័ន្ធបំពងសំឡេងពីតំបន់ជួរមុខនៅក្នុងខេត្ត Gyeonggi នៅពេលថ្ងៃ ខណៈយោធាកូរ៉េខាងជើងចាប់ផ្ដើមនៅពេលព្រឹក។ កូរ៉េខាងត្បូងចាប់ផ្ដើមដំឡើងឧគ្ឃោសនសព្ទក្នុងឆ្នាំ១៩៦៣ នៅប្រមាណ៤០ទីតាំងតាមបណ្ដោយព្រំដែនជាមួយកូរ៉េខាងជើង។
តាមរយៈប្រព័ន្ធបញ្ចេញសំឡេងខ្លាំងៗ ក្រុងសេអ៊ូលបានចាក់ផ្សាយការរិះគន់របបដឹកនាំរបស់ក្រុងព្យុងយ៉ាង ព័ត៌មានស្ដីពីកូរ៉េខាងត្បូង និងចម្រៀង K-pop ដែរ។ សេអ៊ូលបានផ្អាកការចាក់ផ្សាយសំឡេងនៅមុនជំនួបរវាងប្រធានាធិបតី មូន ចេអ៊ីន និងមេដឹកនាំកំពូលកូរ៉េខាងជើង គីម ជុងអ៊ុន ។ ឯក្រុងព្យុងយ៉ាងក៏បានចាក់ផ្សាយសំឡេងរិះគន់ក្រុងសេអ៊ូល និងបញ្ចេញសារលើកសរសើរប្រព័ន្ធដឹកនាំបែបសង្គមនិយមរបស់ខ្លួនផង។
ក្នុងជំនួបទល់មុខនៅតំបន់គ្មានយោធា DMZ លោក មូន និងលោក គីម បានប្ដេជ្ញាចិត្តក្នុងការបញ្ឈប់សកម្មភាពបង្កហេតុដាក់គ្នាទៅវិញទៅមក និងលុបបំបាត់មធ្យោបាយដែលអាចបង្កជាសកម្មអុជអាលផង។ មិនត្រឹមតែការដកចេញប្រព័ន្ធបំពងសំឡេងនេះឡើយ កូរ៉េទាំងពីរក៏ឯកភាពគ្នាបញ្ឈប់ការបង្ហោះខិត្តបណ្ណឆ្លងព្រំដែនទៀតផង។ ការបង្ហោះខិត្តបណ្ណដែលចងភ្ជាប់ប៉េងប៉ោង តែងធ្វើឡើងដោយសកម្មជនកូរ៉េខាងត្បូង ដែលធ្វើឲ្យកូរ៉េខាងជើងខឹងសម្បារយ៉ាងខ្លាំង។
អ្វីគួរឲ្យចាប់អារម្មណ៍នោះ ការដកយកប្រព័ន្ធបញ្ចេញសំឡេងពេលនេះ បង្កឲ្យមានការសង្ស័យពីទីតាំងជំនួបប្រវត្តិសាស្ត្ររវាងប្រធានាធិបតីអាមេរិក ដូណាល់ ត្រាំ និងលោក គីម ជុងអ៊ុន។ ក្នុងជំនួបដែលលោក ត្រាំ អះអាងផ្ទាល់មាត់ថា នឹងធ្វើនៅបី ឬបួនសប្ដាហ៍នោះ លោក ត្រាំ ហាក់ចង់បានតំបន់គ្មានកងទ័ពជាម្ចាស់ផ្ទះជំនួបលើកដំបូង៕
Tag:
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
