ជាតិ
នយោបាយជាតិ
ឈរឈ្មោះបោះឆ្នោត៖ គ.ជ.ប នឹងទទួលស្គាល់គណបក្សប្រជាជនកម្ពុជា និងគណបក្សយុវជនកម្ពុជាផ្លូវការ នៅថ្ងៃចន្ទ
× ភ្នំពេញ៖
គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រកាសទទួលស្គាល់គណបក្សប្រជាជនកម្ពុជា និងគណបក្សយុវជនកម្ពុជា ដែលចុះឈ្មោះឈរបោះឆ្នោតជាផ្លូវការ នៅថ្ងៃទី៧ ឧសភា។
អ្នកនាំពាក្យគ.ជ.ប លោក ហង្ស ពុទ្ធា បានប្រាប់សារព័ត៌មានថ្មីៗថា មកដល់ពេលនេះ មានគណបក្សនយោបាយចំនួន៣ហើយ ដែលបានមកដាក់ពាក្យនៅគ.ជ.ប ដើម្បីចូលរួមឈរបោះឆ្នោតនៅថ្ងៃទី២៩ កក្កដាខាងមុខនេះ។ គណបក្សទាំង៣នេះ មានគណបក្សប្រជាជនកម្ពុជា គណបក្សយុវជនកម្ពុជា និងគណបក្សសញ្ជាតិកម្ពុជា។ ក្រៅពីនេះ ក៏មានគណបក្សចំនួន១៦ផ្សេងទៀត បានទទួលពាក្យពីគ.ជ.ប ដើម្បីសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះដែរ ខណៈដែលគណបក្សនយោបាយចំនួន៥ បានដាក់ពាក្យសុំបង់ប្រាក់តម្កល់ចំនួន១៥លានរៀលនៅគជប រួចហើយ ។
គណបក្សទាំង៥នោះ រួមមាន គណបក្សហ្វ៊ុនស៊ិនប៉ិច គណបក្សសម្ព័ន្ធដើម្បីប្រជាធិបតេយ្យ គណបក្សសំបុកឃ្មុំសង្គមប្រជាធិបតេយ្យ គណបក្សពន្លឺថ្មី និងគណបក្សខ្មែរអភិវឌ្ឍសេដ្ឋកិច្ច។ នេះបើតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត៕
Tag:
គ.ជ.ប
CNRP
គណបក្សយុវជនកម្ពុជា
© រក្សាសិទ្ធិដោយ thmeythmey.com