រថយន្ត
អន្តរជាតិ
×![]()
ដោយ: ធីតា
PodRide ជាទោចក្រយានអគ្គិសនី (e-bike) ដែលមានកង់៤ និងមានទម្រង់ជារថយន្ត។ វាត្រូវបានរចនាដោយលោក Mikael Kjellman អ្នកជំនាញជនជាតិស៊ុយអែត អស់រយៈពេលជាង២ឆ្នាំមកហើយ ប៉ុន្តែមិនទាន់បង្ហាញវត្តមានលើទីផ្សាឡើយ។
«គំនិតដើមនៃការបង្កើត PodRide គឺដើម្បីចូលរួមចំណែកថែរក្សាអាកាសធាតុ និងផ្តល់នូវយានជំនិះប្រកបដោយផាសុកភាពមួយ»។ លោក Kjellman បានថ្លែងយ៉ាងដូច្នេះក្នុងបទសម្ភាសជាមួយ Daily Mail។ បុរសស៊ុយអែតរូបនេះ បានលើកថា PodRide នឹងជួយពង្រឹងផ្នែកសុខភាព ការសន្សំសំចៃ ជាពិសេសការយកចិត្តទុកដាក់លើបរិស្ថាន។
PodRide ដែលមានទម្រង់ដូចជារថយន្តដែលក្មេងៗជិះលេងនេះ មានកម្លាំងម៉ាស៊ីន២៥០វ៉ាត់ ដែលអាចបើកក្នុងល្បឿនប្រមាណ២៥គីឡូម៉ែត្រក្នុង១ម៉ោង។ ល្បឿននឹងអាចលឿនជាងនេះ ទៅតាមកម្លាំងធាក់របស់អ្នកជិះ។
តាមរយៈគេហទំព័ររបស់ខ្លួន PodRide http://mypodride.com/ ក៏ប្រកាសស្វែងរកដៃគូវិនិយោគផងដែរ ដោយបើកឱកាសសម្រាប់មនុស្សទាំងអស់លើពិភពលោក (លើកលែងសហរដ្ឋអាមេរិក កាណដា ឬ British Virgin Islands) ដាក់ពាក្យស្នើសុំធ្វើជាម្ចាស់ភាគហ៊ុន។
ដោយគិតត្រឹមថ្ងៃទី២៥ ខែមេសា គម្រោង PodRide ទទួលបានអ្នកគាំទ្រហិរញ្ញវត្ថុ៣៧នាក់ មកពី១៥ប្រទេសដោយមានទឹកប្រាក់ជាង១១ម៉ឺនដុល្លារអាមេរិក ខណៈគោលដៅដែលក្រុមហ៊ុន StartUp នេះ ជាអប្បបរមា គឺក្នុងរង្វង់៣០ម៉ឺនដុល្លារអាមេរិក។
តម្លៃកង់ PodRide ដែលគ្រោងដាក់លក់នៅដំណាច់ឆ្នាំ២០១៨នេះ មិនទាន់ត្រូវបានបង្ហើបឲ្យដឹងនោះឡើយ៕
«គំនិតដើមនៃការបង្កើត PodRide គឺដើម្បីចូលរួមចំណែកថែរក្សាអាកាសធាតុ និងផ្តល់នូវយានជំនិះប្រកបដោយផាសុកភាពមួយ»។ លោក Kjellman បានថ្លែងយ៉ាងដូច្នេះក្នុងបទសម្ភាសជាមួយ Daily Mail។ បុរសស៊ុយអែតរូបនេះ បានលើកថា PodRide នឹងជួយពង្រឹងផ្នែកសុខភាព ការសន្សំសំចៃ ជាពិសេសការយកចិត្តទុកដាក់លើបរិស្ថាន។
PodRide ដែលមានទម្រង់ដូចជារថយន្តដែលក្មេងៗជិះលេងនេះ មានកម្លាំងម៉ាស៊ីន២៥០វ៉ាត់ ដែលអាចបើកក្នុងល្បឿនប្រមាណ២៥គីឡូម៉ែត្រក្នុង១ម៉ោង។ ល្បឿននឹងអាចលឿនជាងនេះ ទៅតាមកម្លាំងធាក់របស់អ្នកជិះ។
តាមរយៈគេហទំព័ររបស់ខ្លួន PodRide http://mypodride.com/ ក៏ប្រកាសស្វែងរកដៃគូវិនិយោគផងដែរ ដោយបើកឱកាសសម្រាប់មនុស្សទាំងអស់លើពិភពលោក (លើកលែងសហរដ្ឋអាមេរិក កាណដា ឬ British Virgin Islands) ដាក់ពាក្យស្នើសុំធ្វើជាម្ចាស់ភាគហ៊ុន។
ដោយគិតត្រឹមថ្ងៃទី២៥ ខែមេសា គម្រោង PodRide ទទួលបានអ្នកគាំទ្រហិរញ្ញវត្ថុ៣៧នាក់ មកពី១៥ប្រទេសដោយមានទឹកប្រាក់ជាង១១ម៉ឺនដុល្លារអាមេរិក ខណៈគោលដៅដែលក្រុមហ៊ុន StartUp នេះ ជាអប្បបរមា គឺក្នុងរង្វង់៣០ម៉ឺនដុល្លារអាមេរិក។
តម្លៃកង់ PodRide ដែលគ្រោងដាក់លក់នៅដំណាច់ឆ្នាំ២០១៨នេះ មិនទាន់ត្រូវបានបង្ហើបឲ្យដឹងនោះឡើយ៕
© រក្សាសិទ្ធិដោយ thmeythmey.com
