ជាតិ
បទសម្ភាសន៍
វីដេអូ
សុខភាព
បេះដូងលោតខុសចង្វាក់ ជាសញ្ញានៃជំងឺ«វិបត្តិចង្វាក់បេះដូង» ដែលអាចឲ្យអ្នកជំងឺស្លាប់ភ្លាមៗ
× អាការបុកដើមទ្រូង និងបេះដូងដើរភើតៗ ជាសញ្ញានៃ«ជំងឺវិបត្តិចង្វាក់បេះដូង» ដែលអាចធ្វើឲ្យអ្នកជំងឺស្លាប់ភ្លាមៗបាន។ ជំងឺនេះ កើតឡើងពីកត្តាជាច្រើន ដូចជាជំងឺទឹកនោមផ្អែម ជំងឺលើសឈាម ជំងឺរលាកបំពង់ករ៉ាំរ៉ៃ និងជំងឺពកក ការពិសាបារី ពិសាគ្រឿងស្រវឹង និងអាហារដែលមានជាតិខ្លាញ់ច្រើន។
បេះដូងលោតខុសចង្វាក់ ជាសញ្ញានៃ«ជំងឺវិបត្តិចង្វាក់បេះដូង» ដែលអាចកើតឡើងលើមនុស្សគ្រប់វ័យ មិនថាចាស់ ឬក្មេងនោះទេ។ «ជំងឺវិបត្តិចង្វាក់បេះដូង»អាចស្តែងឡើងតាមរយៈជាការញ័រដើមទ្រូង បុកដើមទ្រូង និងបេះដូងដើរភើតៗ។ ក្នុងបទសម្ភាសជាមួយសារព័ត៌មានថ្មីៗ លោកសាស្ត្រាចារ្យមហាបរិញ្ញា សារ៉ាក់ ផល្លី វេជ្ជបណ្ឌិតប្រចាំនៅគ្លីនិកវឌ្ឍនៈវិជ្ជា បានបញ្ជាក់ថា ប្រសិនបើបញ្ហាវិបត្តិចង្វាក់បេះដូងនេះ កើតលើអ្នកមានជំងឺទឹកនោមផ្អែម ឬអ្នកជំងឺលើសឈាម នោះអ្នកជំងឺប្រឈមនឹងគ្រោះថ្នាក់ដល់បាត់បង់ជីវិត បើបញ្ជូនទៅកាន់មន្ទីរពេទ្យជំនាញមិនទាន់ពេលវេលា។ ប៉ុន្តែ ប្រសិនបើបញ្ហាបញ្ហាវិបត្តិចង្វាក់បេះដូង កើតលើអ្នកគ្មានជំងឺប្រចាំកាយ ដូចជាទឹកនោមផ្អែម ឬលើសឈាមទេ អ្នកជំងឺអាចគ្មានគ្រោះថ្នាក់ខ្លាំងនោះទេ ហើយអ្នកជំងឺ ក៏ទទួលការជួយសង្គ្រោះពីវេជ្ជបណ្ឌិតបានដែរ។ នេះបើតាមលោក វេជ្ជបណ្ឌិតសារ៉ាក់ ផល្លី ដដែល។
ដើម្បីទទួលបានព័ត៌មានបន្ថែម សូមទស្សនាកិច្ចសម្ភាសរវាងកញ្ញា ថាន រស្មី អ្នកព័ត៌មាននៃសារព័ត៌មានថ្មីៗ ជាមួយលោកសាស្ត្រាចារ្យមហាបរិញ្ញា សារ៉ាក់ ផល្លី ដូចតទៅ៖
គ្លីនិកវឌ្ឍនៈវិជ្ជា មានទីតាំងនៅ ផ្ទះលេខ R24-26 ផ្លូវជាតិលេខ៦ ក្រុម១ ភូមិ ខ១ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។ ព័ត៌មានបន្ថែមសូមទូរស័ព្ទទៅកាន់លេខ៖ 098 792 223/ 097 379 9776/ 078 308 124/ 093 222 251៕
Tag:
នាទីសុខភាព
ពាណិជ្ជកម្ម
ស្ទះសរសៃឈាម
សន្លប់
ស្លាប់
© រក្សាសិទ្ធិដោយ thmeythmey.com