អគារមិត្តភាពកម្ពុជា-កូរ៉េ បានជួសជុលឡើងវិញ អស់ទឹកប្រាក់ ជាង៧លានដុល្លារ

ជាតិ

អគារមិត្តភាពកម្ពុជា-កូរ៉េ បានជួសជុលឡើងវិញ អស់ទឹកប្រាក់ ជាង៧លានដុល្លារ

14, May 2018 , 6:19 pm

រូបភាព

រូបភាពពី ហ្វេសប៊ុកផ្លូវការ សម្តេច ហ៊ុន សែន

ដោយ: អ៊ូ សុខមាន (OU Sokmean)

អគារមិត្តភាពកម្ពុជា-កូរ៉េ នៃមន្ទីរពេទ្យកុមារជាតិ ត្រូវបានជួសជុល កែលំអរឡើងវិញ និងដាក់សម្ពោធឲ្យប្រើប្រាស់ជាលើកទី២ នៅថ្ងៃទី១៤ ខែឧសភា ឆ្នាំ២០១៨។ អគារនេះ បានចំណាយថវិការអស់ ៧,២៨០,០០០ដុល្លារ ក្រោមជំនួយរបស់រដ្ឋាភិបាលកូរ៉េខាងត្បូង ។

អគារមិត្តភាពកម្ពុជា-កូរ៉េ នេះ មានសេវាកម្ម ពិគ្រោះជំងឺទូទៅ និងឯកទេស, សង្គ្រោះបន្ទាន់, ឱសថស្ថាន, វិទ្យុ និងអេកូសាស្ត្រ, ព្យាបាលជំងឺធ្ងន់, ជំងឺទារក, ជំងឺត្រចៀក ច្រមុះ និងបំពងក ជំងឺក្រពេញ និងតម្រងនោម, ជំងឺលោហិតវិទ្យា និងមហារីក ព្រមទាំងមានមន្ទីរពិសោធន៍ទំនើប ព្យាបាលជំងឺគ្រុនឈាម និងជំងឺឆ្លងផងដែរ។

អគារមិត្តភាពកម្ពុជា-កូរ៉េនេះ ត្រូវបានសាងសង់ និងសម្ពោធដាក់ឲ្យប្រើប្រាស់ លើកទី១ នៅថ្ងៃទី២២ ខែមករា ឆ្នាំ២០០៧៕