ជាតិ
បោះឆ្នោត
ហ៊្វុនស៊ិនប៉ិច៖ សម្តេចក្រុមព្រះឈរនៅកំពង់ចាម រីឯអ្នកម្នាងឈរនៅព្រៃវែង រូបពីគណនីហ្វេសបុកឈ្មោះ ព័ត៌មានសម្តេចក្រុមព្រះ
× គណបក្សហ្វ៊ុនស៊ិនប៉ិច ត្រូវបានចុះបញ្ជីជាផ្លូវការសម្រាប់ការប្រជែងក្នុងការបោះឆ្នោតជ្រើសរើសតំណាងរាស្ត្រនីតិកាលទី៥ នាថ្ងៃទី២៩ ខែកក្កដា ឆ្នាំ២០១៨ ខាងមុខ។ គណបក្សហ្វ៊ុនស៊ិនប៉ិច ដែលបច្ចុប្បន្នមានតំណាងរាស្ត្រ៤១រូប ក្នុងរដ្ឋសភា បន្ទាប់ពីការរំលាយគណបក្សសង្គ្រោះជាតិ បានដាក់បេក្ខជនឈរនៅគ្រប់រាជធានី-ខេត្ត។
សម្តេចក្រុមព្រះ នរោត្តម រណឫទ្ធិ ប្រធានគណបក្សបន្តឈរឈ្មោះជាបេក្ខភាពទីមួយប្រចាំមណ្ឌលខេត្តកំពង់ចាម ខណៈអ្នកម្នាង អ៊ុក ផល្លា មានឈ្មោះក្នុងបញ្ជីបេក្ខភាពលើកដំបូង ដោយឈរជាបេក្ខជនពេញសិទ្ធិលេខរៀងទីមួយ នៅមណ្ឌលខេត្តព្រៃវែង។
លោក យូ ហុកគ្រី អនុប្រធានទី១រដ្ឋសភា និងជាអនុប្រធានគណបក្សរាជានិយមមួយនេះ ទៅឈរឈ្មោះនៅមណ្ឌលខេត្តត្បូងឃ្មុំ ដែលទើបតែបង្កើតថ្មី ជាមួយ លោក យ៉ង់ សារឹម និងលោក ហុង ប៊ុនហ៊ាង ជាដើម៕
ថ្នាក់ដឹកនាំជាន់ខ្ពស់មួយចំនួនទៀតរបស់ ហ៊្វុនស៊ិនប៉ិច រួមមាន លោក ញ៉េប ប៊ុនជិន ឈរនៅខេត្តបាត់ដំបង លោក ប៉ោ ប៊ុនស្រ៊ឺ នៅកំពង់ធំ លោក ច័ន្ទ នរ៉ា លោកស្រី កង បូរាណ នៅកណ្តាល លោក ផាន់ សិទ្ធី លោក ចាប ញ៉ាលីវុធ លោក ថាវ គីមឡុង លោក រស់ សាផន នៅភ្នំពេញ។
លោក ឆឹង ចំរើន ឈរនៅតាកែវ លោក យឹម សាវី លោក សោម ណារិន្ទ ទៅឈរឈ្មោះនៅសៀមរាប លោក សាយ ហាក់ លោក យោគ ស៊ីថុន ទៅស្វាយរៀង ខណៈខេត្តព្រះសីហនុដែលឡើងដល់បីកៅអី ហ្វ៊ុនស៊ិនប៉ិច ដាក់បេក្ខជនដែលជាតំណាងរាស្ត្របច្ចុប្បន្នទាំងបីនាក់ ក្នុងនោះមាន លោក សៅ រ៉ានី លោក ហេង ចាន់ថា និងលោក ទេព វាសនា៕
Tag:
បោះឆ្នោត
ហ្វ៊ុនស៊ិនប៉ិច
© រក្សាសិទ្ធិដោយ thmeythmey.com