អន្តរជាតិ
លោក អាន់វ៉ា អ៊ីប្រាហ៊ីម ចាប់ដៃលោក មហាធៀ មហាម៉ាត់ (រូបភាព Reuters)
×![]()
ដោយ: តន ចាន់រិទ្ធារ៉ា
ទំនាក់ទំនងរវាងអ្នកនយោបាយដ៏មានឥទ្ធិពលរបស់ម៉ាឡេស៊ី គឺលោក អាន់វ៉ា អ៊ីប្រាហ៊ីម និងលោក មហាធៀ មហាម៉ាត់ បានប្រែពីគូប្រជែងទៅជាសម្ព័ន្ធមិត្តរឹងមាំរហូតយកឈ្នះក្នុងការបោះឆ្នោតដ៏គួរឲ្យភ្ញាក់ផ្អើល។ ពីសត្រូវទៅជាមិត្ត លោក អាន់វ៉ា ដែលទើបរួចទោស បានផ្ដល់គុណសម្បត្តិទៅឲ្យភរិយារបស់លោក និងភរិយាលោកមហាធៀ ដែលជួយឲ្យលោកត្រូវរ៉ូវជាមួយលោក មហាធៀ វិញ។ មិនត្រឹមកប់ទុកគំនុំចាស់ លោក អាន់វ៉ា ក៏គាំទ្រលោក មហាធៀ ដឹកនាំម៉ាឡេស៊ីដែរ។
លោក អាន់វ៉ា អ៊ីប្រាហ៊ីម អ្នកនយោបាយដ៏មានប្រជាប្រិយរបស់ម៉ាឡេស៊ី ធ្លាប់ជាឧបនាយករដ្ឋមន្ត្រីក្នុងរដ្ឋាភិបាលនាយករដ្ឋមន្ត្រី មហាធៀ មហាម៉ាត់ ក្នុងទសវត្សរ៍ឆ្នាំ១៩៩០ ។ ប្រជាប្រិយភាពរបស់លោកបង្កជាការព្រួយបារម្ភសម្រាប់លោក មហាធៀ ដែលបន្ទាប់មកបានបញ្ចប់តំណែងឧបនាយករដ្ឋមន្ត្រីរបស់លោក អាន់វ៉ា ហើយលោក អាន់វ៉ា ក៏ជាប់ទោសទណ្ឌតែម្ដង។ ក្រោយផុតទោសរួច លោក អាន់វ៉ា ក៏បង្កើតបក្សប្រឆាំង ដែលធ្វើព្យុះធ្វើភ្លៀងក្នុងឆាកនយោបាយម៉ាឡេស៊ី។
យ៉ាងណាមិញ លោក អាន់វ៉ា និងលោក មហាធៀ ក៏បែរជាត្រូវគ្នាវិញ នៅមុនការបោះឆ្នោតខែឧសភា ឆ្នាំ២០១៨ នេះ។ មុនការបោះឆ្នោតនេះ លោក មហាធៀ បានចាកចេញពីបក្សសម្ព័ន្ធភាពកាន់អំណាច BN ដោយសារមិនត្រូវគ្នាជាមួយលោក ណាជីប រ៉ាហ្សាក់។ លោក មហាធៀ ក៏បានបង្កើតបក្សថ្មី រួចចូលរួមជាមួយសម្ព័ន្ធភាពប្រឆាំង PH ដែលមានបក្សលោក អាន់វ៉ា ជាម្ចាស់សម្ព័ន្ធ។ អតីតនាយករដ្ឋមន្ត្រី មហាធៀ ក៏ត្រូវបានជ្រើសរើសបេក្ខភាពនាយករដ្ឋមន្ត្រីតែម្ដង។
សម្ព័ន្ធភាពបក្សប្រឆាំងបានទទួលជ័យជម្នះលើសម្ព័ន្ធភាពកាន់អំណាច BN ហើយក៏លោក មហាធៀ ក៏ក្លាយជានាយករដ្ឋមន្ត្រី ហើយលោកក៏ជួយឲ្យលោក អាន់វ៉ា ទទួលបានការលើកលែងទោសពីមហាក្សត្រម៉ាឡេស៊ីផង។ ក្នុងកិច្ចសម្ភាសជាមួយសារព័ត៌មាន Malay Mail នៅថ្ងៃទី១៦ ខែឧសភា លោក អាន់វ៉ា និយាយថា លោកត្រូវគ្នាជាមួយលោក មហាធៀ វិញ ក៏មានចំណែករបស់ភរិយារបស់លោក គឺលោកស្រី Wan Azizah Wan Ismail និងលោកស្រី Siti Hasmah Ali ភរិយាលោក មហាធៀ ។
តាមរយៈកិច្ចសម្ភាសដដែល លោក អាន់វ៉ា បានសារភាពថា ពីដំបូង លោកជួបការលំបាកក្នុងការលុបកប់អតីតកាល និងធ្វើការជាមួយលោក មហាធៀ វិញ។ ប៉ុន្តែលោកត្រូវបង្ខំចិត្តធ្វើរឿងនេះ បន្ទាប់ពីឃើញភរិយារបស់លោក និងភរិយាលោក មហាធៀ ត្រូវគ្នា ហើយចេះយល់ពីអតីតកាលរបស់ខ្លួន។ លោកបញ្ជាក់ថា៖ «បុរសអាចមិនចង់បំភ្លេចរឿងចាស់ឡើយ តែវាជារឿងងាយស្រួលសម្រាប់នារីភេទ ព្រោះវាគ្មានរនាំងបិទបាំងមិត្តភាព ហើយពួកគេពិតជាគួរឲ្យស្រឡាញ់មែន»។
អតីតឧបនាយករដ្ឋមន្ត្រីរូបនេះក៏ប្រកាសជំហរគាំទ្រលោក មហាធៀ ជានាយករដ្ឋមន្ត្រីដើម្បីដឹកនាំម៉ាឡេស៊ី ខណៈប្រពន្ធខ្លួនធ្វើជាឧបនាយករដ្ឋមន្ត្រី។ ម្យ៉ាងលោក អាន់វ៉ា ចង់ចំណាយពេលជាមួយគ្រួសារសិន ហើយម្យ៉ាងលោក មហាធៀ នឹងអង្គុយកៅអីនេះពីរឆ្នាំសិន មុននឹងផ្ទេរតំណែងនេះទៅឲ្យលោក អាន់វ៉ា តាមក្រោយ។ ដើម្បីក្លាយជានាយករដ្ឋមន្ត្រីបាន លោក អាន់វ៉ា ត្រូវមានឈ្មោះជាសមាជិកសភា ឬព្រឹទ្ធសភាសិនដែរ៕
លោក អាន់វ៉ា អ៊ីប្រាហ៊ីម អ្នកនយោបាយដ៏មានប្រជាប្រិយរបស់ម៉ាឡេស៊ី ធ្លាប់ជាឧបនាយករដ្ឋមន្ត្រីក្នុងរដ្ឋាភិបាលនាយករដ្ឋមន្ត្រី មហាធៀ មហាម៉ាត់ ក្នុងទសវត្សរ៍ឆ្នាំ១៩៩០ ។ ប្រជាប្រិយភាពរបស់លោកបង្កជាការព្រួយបារម្ភសម្រាប់លោក មហាធៀ ដែលបន្ទាប់មកបានបញ្ចប់តំណែងឧបនាយករដ្ឋមន្ត្រីរបស់លោក អាន់វ៉ា ហើយលោក អាន់វ៉ា ក៏ជាប់ទោសទណ្ឌតែម្ដង។ ក្រោយផុតទោសរួច លោក អាន់វ៉ា ក៏បង្កើតបក្សប្រឆាំង ដែលធ្វើព្យុះធ្វើភ្លៀងក្នុងឆាកនយោបាយម៉ាឡេស៊ី។
យ៉ាងណាមិញ លោក អាន់វ៉ា និងលោក មហាធៀ ក៏បែរជាត្រូវគ្នាវិញ នៅមុនការបោះឆ្នោតខែឧសភា ឆ្នាំ២០១៨ នេះ។ មុនការបោះឆ្នោតនេះ លោក មហាធៀ បានចាកចេញពីបក្សសម្ព័ន្ធភាពកាន់អំណាច BN ដោយសារមិនត្រូវគ្នាជាមួយលោក ណាជីប រ៉ាហ្សាក់។ លោក មហាធៀ ក៏បានបង្កើតបក្សថ្មី រួចចូលរួមជាមួយសម្ព័ន្ធភាពប្រឆាំង PH ដែលមានបក្សលោក អាន់វ៉ា ជាម្ចាស់សម្ព័ន្ធ។ អតីតនាយករដ្ឋមន្ត្រី មហាធៀ ក៏ត្រូវបានជ្រើសរើសបេក្ខភាពនាយករដ្ឋមន្ត្រីតែម្ដង។
សម្ព័ន្ធភាពបក្សប្រឆាំងបានទទួលជ័យជម្នះលើសម្ព័ន្ធភាពកាន់អំណាច BN ហើយក៏លោក មហាធៀ ក៏ក្លាយជានាយករដ្ឋមន្ត្រី ហើយលោកក៏ជួយឲ្យលោក អាន់វ៉ា ទទួលបានការលើកលែងទោសពីមហាក្សត្រម៉ាឡេស៊ីផង។ ក្នុងកិច្ចសម្ភាសជាមួយសារព័ត៌មាន Malay Mail នៅថ្ងៃទី១៦ ខែឧសភា លោក អាន់វ៉ា និយាយថា លោកត្រូវគ្នាជាមួយលោក មហាធៀ វិញ ក៏មានចំណែករបស់ភរិយារបស់លោក គឺលោកស្រី Wan Azizah Wan Ismail និងលោកស្រី Siti Hasmah Ali ភរិយាលោក មហាធៀ ។
តាមរយៈកិច្ចសម្ភាសដដែល លោក អាន់វ៉ា បានសារភាពថា ពីដំបូង លោកជួបការលំបាកក្នុងការលុបកប់អតីតកាល និងធ្វើការជាមួយលោក មហាធៀ វិញ។ ប៉ុន្តែលោកត្រូវបង្ខំចិត្តធ្វើរឿងនេះ បន្ទាប់ពីឃើញភរិយារបស់លោក និងភរិយាលោក មហាធៀ ត្រូវគ្នា ហើយចេះយល់ពីអតីតកាលរបស់ខ្លួន។ លោកបញ្ជាក់ថា៖ «បុរសអាចមិនចង់បំភ្លេចរឿងចាស់ឡើយ តែវាជារឿងងាយស្រួលសម្រាប់នារីភេទ ព្រោះវាគ្មានរនាំងបិទបាំងមិត្តភាព ហើយពួកគេពិតជាគួរឲ្យស្រឡាញ់មែន»។
អតីតឧបនាយករដ្ឋមន្ត្រីរូបនេះក៏ប្រកាសជំហរគាំទ្រលោក មហាធៀ ជានាយករដ្ឋមន្ត្រីដើម្បីដឹកនាំម៉ាឡេស៊ី ខណៈប្រពន្ធខ្លួនធ្វើជាឧបនាយករដ្ឋមន្ត្រី។ ម្យ៉ាងលោក អាន់វ៉ា ចង់ចំណាយពេលជាមួយគ្រួសារសិន ហើយម្យ៉ាងលោក មហាធៀ នឹងអង្គុយកៅអីនេះពីរឆ្នាំសិន មុននឹងផ្ទេរតំណែងនេះទៅឲ្យលោក អាន់វ៉ា តាមក្រោយ។ ដើម្បីក្លាយជានាយករដ្ឋមន្ត្រីបាន លោក អាន់វ៉ា ត្រូវមានឈ្មោះជាសមាជិកសភា ឬព្រឹទ្ធសភាសិនដែរ៕
Tag:
ម៉ាឡេស៊ី
អាន់វ៉ា អ៊ីប្រាហ៊ីម
មហាធៀ មហាម៉ាត់
© រក្សាសិទ្ធិដោយ thmeythmey.com
