អន្តរជាតិ
លោក ដូណាល់ ត្រាំ ធានាថា លោក គីម ជុងអ៊ុន អាចបន្តកាន់អំណាចបាន ឲ្យតែបោះបង់អាវុធនុយក្លេអ៊ែរ
×![]()
ដោយ: ថ្មីៗ
ប្រធានាធិបតីអាមេរិកលោក ដូណាល់ ត្រាំ បានប្រាប់កូរ៉េខាងជើងថា របបលោក គីម ជុងអ៊ុនបច្ចុប្បន្នអាចបន្តដឹកនាំកូរ៉េខាងជើងបានទៀត បើសិនជាគេព្រមបោះបង់កម្មវិធីនុយក្លេអ៊ែរ។ ប៉ុន្តែលោកព្រមានថា បើមិនព្រមលះបង់ទេ របបដឹកនាំកូរ៉េខាងជើងអាចនឹងប្រឈមមុខការផ្តួលរំលំផង។
ក្រោយពេលដែលកូរ៉េខាងជើងគំរាមលុបចោលកិច្ចប្រជុំជាមួយលោក ដូណាល់ ត្រាំ ចោលព្រោះមិនពេញចិត្តចំពោះការទាមទារឲ្យខ្លួនបោះបង់ចោលអាវុធនុយក្លេអ៊ែរជាឯកតោភាគី លោក ត្រាំ បានចេញមុខបញ្ជាក់ថា វាមិនមានអ្វីប្រែប្រួលឡើយ។ មន្ត្រីកូរ៉េខាងនៅបន្តចាត់ចែងកិច្ចប្រជុំនេះដដែលមកដល់បច្ចុប្បន្ន។
បើតាមទីភ្នាក់ងារព័ត៌មាន AFP លោក ត្រាំ បាននិយាយដូច្នេះ៖ បើសិនជាកិច្ចប្រជុំកើតឡើង វាកើតឡើងហើយ។ ប្រសិនវាមិនកើតឡើងទេ យើងនឹងបន្តជំហានថ្មីទៀត។ យើងប្រហែលជាមានកិច្ចប្រជុំ យើងក៏ប្រហែលជាមិនមនាកិច្ចប្រជុំដែរ។ បើសិនមិនមានទេ យើងនឹងឃើញហើយថា អ្វីនឹងកើតឡើងនោះ»។
ក្រៅពីបញ្ជាក់ថា គ្មានការប្រែប្រួលចំពោះកិច្ចប្រជុំដែលនឹងត្រូវរៀបចំឡើងនៅសិង្ហបុរីថ្ងៃ ១២ ខែមិថុនានៅសិង្ហបុរី លោក ត្រាំ ក៏បានឆ្លៀតឱកាសបញ្ជាក់ប្រាប់កូរ៉េខាងជើងថា ខ្លួនធានាសុវត្ថិភាពដល់របបដឹកនាំលោក គីម ជុងអ៊ុនឲ្យតែព្រមលះបង់កម្មវិធីនុយក្លេអ៊ែរ។
យ៉ាងណាក៏ដោយលោក ត្រាំ ហាក់ភាន់ច្រឡំចំពោះការលើកឡើងរបស់ទីប្រឹក្សាសន្តិសុខជាតិរបស់ខ្លួនគឺលោក ចន បុលតុន (John Bolton) ដែលបានផ្តល់យោបល់ថា គម្រូរំសាយនុយក្លេអ៊ែរលីប៊ីឆ្នាំ ២០០៣ និង ២០០៤ អាចប្រើប្រាស់សម្រាប់ដោះស្រាយបញ្ហាកូរ៉េខាងជើង។
លោក បុលតុន ចង់សំដៅលើការរំសាយអាវុធនុយក្លេអ៊ែររបស់លីប៊ី ក្រោមអាណត្តិលោក ចច ដាប៊ិលយូប៊ូស ប៉ុណ្ណោះ ខណៈដែលលោក ត្រាំ គិតដល់ការអន្តរាគមន៍របស់លោក បារ៉ាក់អូម៉ា ឆ្នាំ ២០១១ ដើម្បីផ្តួលរំលំលោក មូអាម៉ា ហ្កាដាហ្វីនោះ។
លោក ត្រាំ ថ្លែងបែបនេះ៖«គម្រូរំសាយនុយក្លេអ៊ែរលីប៊ីមិនមែនជាអ្វីដែលយើងគិតគូរសម្រាប់កូរ៉េខាងជើងឡើយ។ លោក គីម នឹងបន្តនៅក្នុងប្រទេស ហើយដឹកនាំប្រទេសរបស់គាត់ទៀត។ ប្រទេសកូរ៉េខាងជើងនឹងកាន់មានកាន់តែខ្លាំងឡើង»។
«គម្រូរំសាយនុយក្លេអ៊ែររបស់លីប៊ីគឺផ្សេងគ្នា។យើងកម្ទេចប្រទេសលីប៊ី ហើយយើងមិនដែលនិយាយទៅកាន់ ហ្កាដាហ្វីថា យើងនឹងផ្តល់ការការពារឡើយ។ យើងចូលផ្តួលរលំរបបដឹកនាំលីប៊ី ហើយយើងយើងបានធ្វើរឿងដូចគ្នានៅអ៊ីរ៉ាក់»។
យ៉ាងណាក៏ដោយចុះ ក្រៅពីធានាសុវត្ថិភាពដល់របបដឹកនាំលោក គីម ជុងអ៊ុន លោក ត្រាំ ក៏បានព្រមានជាមុនដែរ ក្នុងករណីដែលកូរ៉េខាងជើងមិនព្រមបោះបង់អាវុធ។ ប្រធានាធិបតីអាមេរិករូបនេះសង្កត់ធ្ងន់ថា កូរ៉េខាងជើងនឹងអាចរងការវាយប្រហារ ហើយលោក គីម នឹងត្រូវទម្លាក់ពីតំណែងផងដែរ៕
ក្រោយពេលដែលកូរ៉េខាងជើងគំរាមលុបចោលកិច្ចប្រជុំជាមួយលោក ដូណាល់ ត្រាំ ចោលព្រោះមិនពេញចិត្តចំពោះការទាមទារឲ្យខ្លួនបោះបង់ចោលអាវុធនុយក្លេអ៊ែរជាឯកតោភាគី លោក ត្រាំ បានចេញមុខបញ្ជាក់ថា វាមិនមានអ្វីប្រែប្រួលឡើយ។ មន្ត្រីកូរ៉េខាងនៅបន្តចាត់ចែងកិច្ចប្រជុំនេះដដែលមកដល់បច្ចុប្បន្ន។
បើតាមទីភ្នាក់ងារព័ត៌មាន AFP លោក ត្រាំ បាននិយាយដូច្នេះ៖ បើសិនជាកិច្ចប្រជុំកើតឡើង វាកើតឡើងហើយ។ ប្រសិនវាមិនកើតឡើងទេ យើងនឹងបន្តជំហានថ្មីទៀត។ យើងប្រហែលជាមានកិច្ចប្រជុំ យើងក៏ប្រហែលជាមិនមនាកិច្ចប្រជុំដែរ។ បើសិនមិនមានទេ យើងនឹងឃើញហើយថា អ្វីនឹងកើតឡើងនោះ»។
ក្រៅពីបញ្ជាក់ថា គ្មានការប្រែប្រួលចំពោះកិច្ចប្រជុំដែលនឹងត្រូវរៀបចំឡើងនៅសិង្ហបុរីថ្ងៃ ១២ ខែមិថុនានៅសិង្ហបុរី លោក ត្រាំ ក៏បានឆ្លៀតឱកាសបញ្ជាក់ប្រាប់កូរ៉េខាងជើងថា ខ្លួនធានាសុវត្ថិភាពដល់របបដឹកនាំលោក គីម ជុងអ៊ុនឲ្យតែព្រមលះបង់កម្មវិធីនុយក្លេអ៊ែរ។
យ៉ាងណាក៏ដោយលោក ត្រាំ ហាក់ភាន់ច្រឡំចំពោះការលើកឡើងរបស់ទីប្រឹក្សាសន្តិសុខជាតិរបស់ខ្លួនគឺលោក ចន បុលតុន (John Bolton) ដែលបានផ្តល់យោបល់ថា គម្រូរំសាយនុយក្លេអ៊ែរលីប៊ីឆ្នាំ ២០០៣ និង ២០០៤ អាចប្រើប្រាស់សម្រាប់ដោះស្រាយបញ្ហាកូរ៉េខាងជើង។
លោក បុលតុន ចង់សំដៅលើការរំសាយអាវុធនុយក្លេអ៊ែររបស់លីប៊ី ក្រោមអាណត្តិលោក ចច ដាប៊ិលយូប៊ូស ប៉ុណ្ណោះ ខណៈដែលលោក ត្រាំ គិតដល់ការអន្តរាគមន៍របស់លោក បារ៉ាក់អូម៉ា ឆ្នាំ ២០១១ ដើម្បីផ្តួលរំលំលោក មូអាម៉ា ហ្កាដាហ្វីនោះ។
លោក ត្រាំ ថ្លែងបែបនេះ៖«គម្រូរំសាយនុយក្លេអ៊ែរលីប៊ីមិនមែនជាអ្វីដែលយើងគិតគូរសម្រាប់កូរ៉េខាងជើងឡើយ។ លោក គីម នឹងបន្តនៅក្នុងប្រទេស ហើយដឹកនាំប្រទេសរបស់គាត់ទៀត។ ប្រទេសកូរ៉េខាងជើងនឹងកាន់មានកាន់តែខ្លាំងឡើង»។
«គម្រូរំសាយនុយក្លេអ៊ែររបស់លីប៊ីគឺផ្សេងគ្នា។យើងកម្ទេចប្រទេសលីប៊ី ហើយយើងមិនដែលនិយាយទៅកាន់ ហ្កាដាហ្វីថា យើងនឹងផ្តល់ការការពារឡើយ។ យើងចូលផ្តួលរលំរបបដឹកនាំលីប៊ី ហើយយើងយើងបានធ្វើរឿងដូចគ្នានៅអ៊ីរ៉ាក់»។
យ៉ាងណាក៏ដោយចុះ ក្រៅពីធានាសុវត្ថិភាពដល់របបដឹកនាំលោក គីម ជុងអ៊ុន លោក ត្រាំ ក៏បានព្រមានជាមុនដែរ ក្នុងករណីដែលកូរ៉េខាងជើងមិនព្រមបោះបង់អាវុធ។ ប្រធានាធិបតីអាមេរិករូបនេះសង្កត់ធ្ងន់ថា កូរ៉េខាងជើងនឹងអាចរងការវាយប្រហារ ហើយលោក គីម នឹងត្រូវទម្លាក់ពីតំណែងផងដែរ៕
Tag:
ដូណាល់ ត្រាំ
គីម ជុងអ៊ុន
នុយក្លេអ៊ែរ
© រក្សាសិទ្ធិដោយ thmeythmey.com
