អន្តរជាតិ
លោកស្រី Gina Haspel (រូបភាព AFP)
×![]()
ដោយ: តន ចាន់រិទ្ធារ៉ា
ព្រឹទ្ធសភាអាមេរិក នៅថ្ងៃទី១៧ ខែឧសភា បានបោះឆ្នោតគាំទ្រលោកស្រី Gina Haspel ជានាយកទីភ្នាក់ងារចារកម្មកណ្ដាល (CIA) ថ្មីហើយ។ លោកស្រី Haspel ដែលជាមន្ត្រី CIA យូរឆ្នាំមកហើយនោះ នឹងដឹកនាំស្ថាប័នមួយនេះជំនួសលោក Mike Pompeo ដែលក្លាយជារដ្ឋមន្ត្រីការបរទេសអាមេរិកថ្មី។ ដោយសារមានប្រវត្តិដឹកនាំគុកសម្ងាត់ដែលប្រើវីធីសាស្ត្រសួរចម្លើយឃោរឃៅ លោកស្រី Haspel ត្រូវសមាជិកព្រឹទ្ធសភាដេញដោលខ្លាំង មុនទទួលបានការគាំទ្រ។
លោកស្រី Gina Haspel ទទួលបានសំឡេងគាំទ្រចំនួន៥៤ ទល់នឹងសំឡេងប្រឆាំងចំនួន៤៥ ដើម្បីក្លាយជាស្ត្រីទីមួយដែលដឹកនាំទីភ្នាក់ងារចារកម្មកណ្ដាល (CIA) ជាប្រវត្តិសាស្ត្រ។ មុនបោះឆ្នោតគាំទ្រក្នុងកិច្ចប្រជុំថ្ងៃទី១៧ ខែឧសភា សមាជិកព្រឹទ្ធសភាអាមេរិកបានជជីកដេញដោលលោកស្រីជុំវិញការប្រើប្រាស់វិធីសាស្ត្រធ្វើទារុណកម្មដើម្បីសួរចម្លើយ ពេលលោកស្រីគ្រប់គ្រងគុកសម្ងាត់មួយកន្លែងនៅទឹកដីថៃ។
សមាជិកព្រឹទ្ធសភាបក្សប្រជាធិបតេយ្យចំនួន៦នាក់ បានគាំទ្រលោកស្រី តែសមាជិកមកពីបក្សសាធារណរដ្ឋចំនួន២នាក់បោះឆ្នោតប្រឆាំង។ លោក John McCain សមាជិកព្រឹទ្ធសភាមានឥទ្ធិពលមួយរបស់បក្សសាធារណរដ្ឋបានអំពាវនាវឲ្យព្រឹទ្ធសភាកុំបោះឆ្នោតលើបេក្ខភាពលោកស្រី Haspel ។ ជាអតីតឈ្លើយសឹករបស់វៀតណាម លោក McCain ចាត់ទុកការគាំទ្រលោកស្រី Haspel ជាការផ្ញើសារខុស។
មានវ័យ៦១ឆ្នាំ និងជំនាញខាងកិច្ចការរុស្ស៊ី លោកស្រី Haspel ត្រូវគោរពជាទូទៅជាភ្នាក់ងារ CIA ដែលគោរពវិន័យ និងមិនពាក់ព័ន្ធនយោបាយ ហើយក៏ក្លាយជាអនុប្រធានស្ថាប័នដ៏ធំនេះកាលពីឆ្នាំមុន។ ជាមួយនឹងការលេចមុខភ្លាមៗបែបនេះ លោកស្រី Haspel ប្រឈមមុខនឹងសួរចម្លើយយ៉ាងលម្អិតលើការងាររបស់លោកស្រីក្រោយព្រឹត្តការណ៍ថ្ងៃទី១១ កញ្ញា ឆ្នាំ២០០១ ពេលលោកស្រីដឹកនាំមន្ទីរឃុំឃាំងនៅថៃ ដែលជាកន្លែងឃុំខ្លួនជនភេរវករកាលពីឆ្នាំ២០០២ ។
យោងតាមទីភ្នាក់ងារព័ត៌មាន AFP គុកនោះហើយជាទីដែលជនសង្ស័យអាល់កៃដា Abu Zubaydah និង Abd al-Rahim al-Nashiri ត្រូវបានសួរចម្លើយដោយប្រើវិធីសាស្ត្រយកកន្សែងគ្របមុខរួចចាក់ទឹកពីលើ (Waterboarding) ។ វិធីសាស្ត្របែបនេះត្រូវបានចាត់ទុកជាការធ្វើទារុណកម្ម។ លោកស្រី Haspel បានសន្យាចំពោះមុខសមាជិកព្រឹទ្ធសភាអាមេរិកថា លោកស្រីនឹងមិនត្រឡប់ទៅប្រើប្រាស់វិធីសាស្ត្រសួរចម្លើយបែបនេះទៀតឡើយ។
យ៉ាងណាមិញ សមាជិកព្រឹទ្ធសភាអាមេរិកខ្លះមិនទាន់ជឿថា ប្រមុខ CIA ថ្មីរូបនេះអាចគោរពពាក្យសន្យារបស់ខ្លួនបានឬអត់ឡើយ ព្រោះប្រធានាធិបតី ដូណាល់ ត្រាំ ដែលជាតែងតាំងលោកស្រីនោះ មានជំហរគាំទ្រការប្រើប្រាស់ទណ្ឌកម្មចាក់ទឹកខាងលើ។ កាលពីឆ្នាំ២០១៦ លោក ត្រាំ បានប្រាប់អ្នកគាំទ្ររបស់ខ្លួនថា ទារុណកម្មមានប្រយោជន៍ ហើយលោកចង់ឃើញវិធីសាស្ត្រធ្វើទារុណកម្មដែលខ្លាំងការចាក់ទឹកលើមុខនេះ៕
លោកស្រី Gina Haspel ទទួលបានសំឡេងគាំទ្រចំនួន៥៤ ទល់នឹងសំឡេងប្រឆាំងចំនួន៤៥ ដើម្បីក្លាយជាស្ត្រីទីមួយដែលដឹកនាំទីភ្នាក់ងារចារកម្មកណ្ដាល (CIA) ជាប្រវត្តិសាស្ត្រ។ មុនបោះឆ្នោតគាំទ្រក្នុងកិច្ចប្រជុំថ្ងៃទី១៧ ខែឧសភា សមាជិកព្រឹទ្ធសភាអាមេរិកបានជជីកដេញដោលលោកស្រីជុំវិញការប្រើប្រាស់វិធីសាស្ត្រធ្វើទារុណកម្មដើម្បីសួរចម្លើយ ពេលលោកស្រីគ្រប់គ្រងគុកសម្ងាត់មួយកន្លែងនៅទឹកដីថៃ។
សមាជិកព្រឹទ្ធសភាបក្សប្រជាធិបតេយ្យចំនួន៦នាក់ បានគាំទ្រលោកស្រី តែសមាជិកមកពីបក្សសាធារណរដ្ឋចំនួន២នាក់បោះឆ្នោតប្រឆាំង។ លោក John McCain សមាជិកព្រឹទ្ធសភាមានឥទ្ធិពលមួយរបស់បក្សសាធារណរដ្ឋបានអំពាវនាវឲ្យព្រឹទ្ធសភាកុំបោះឆ្នោតលើបេក្ខភាពលោកស្រី Haspel ។ ជាអតីតឈ្លើយសឹករបស់វៀតណាម លោក McCain ចាត់ទុកការគាំទ្រលោកស្រី Haspel ជាការផ្ញើសារខុស។
មានវ័យ៦១ឆ្នាំ និងជំនាញខាងកិច្ចការរុស្ស៊ី លោកស្រី Haspel ត្រូវគោរពជាទូទៅជាភ្នាក់ងារ CIA ដែលគោរពវិន័យ និងមិនពាក់ព័ន្ធនយោបាយ ហើយក៏ក្លាយជាអនុប្រធានស្ថាប័នដ៏ធំនេះកាលពីឆ្នាំមុន។ ជាមួយនឹងការលេចមុខភ្លាមៗបែបនេះ លោកស្រី Haspel ប្រឈមមុខនឹងសួរចម្លើយយ៉ាងលម្អិតលើការងាររបស់លោកស្រីក្រោយព្រឹត្តការណ៍ថ្ងៃទី១១ កញ្ញា ឆ្នាំ២០០១ ពេលលោកស្រីដឹកនាំមន្ទីរឃុំឃាំងនៅថៃ ដែលជាកន្លែងឃុំខ្លួនជនភេរវករកាលពីឆ្នាំ២០០២ ។
យោងតាមទីភ្នាក់ងារព័ត៌មាន AFP គុកនោះហើយជាទីដែលជនសង្ស័យអាល់កៃដា Abu Zubaydah និង Abd al-Rahim al-Nashiri ត្រូវបានសួរចម្លើយដោយប្រើវិធីសាស្ត្រយកកន្សែងគ្របមុខរួចចាក់ទឹកពីលើ (Waterboarding) ។ វិធីសាស្ត្របែបនេះត្រូវបានចាត់ទុកជាការធ្វើទារុណកម្ម។ លោកស្រី Haspel បានសន្យាចំពោះមុខសមាជិកព្រឹទ្ធសភាអាមេរិកថា លោកស្រីនឹងមិនត្រឡប់ទៅប្រើប្រាស់វិធីសាស្ត្រសួរចម្លើយបែបនេះទៀតឡើយ។
យ៉ាងណាមិញ សមាជិកព្រឹទ្ធសភាអាមេរិកខ្លះមិនទាន់ជឿថា ប្រមុខ CIA ថ្មីរូបនេះអាចគោរពពាក្យសន្យារបស់ខ្លួនបានឬអត់ឡើយ ព្រោះប្រធានាធិបតី ដូណាល់ ត្រាំ ដែលជាតែងតាំងលោកស្រីនោះ មានជំហរគាំទ្រការប្រើប្រាស់ទណ្ឌកម្មចាក់ទឹកខាងលើ។ កាលពីឆ្នាំ២០១៦ លោក ត្រាំ បានប្រាប់អ្នកគាំទ្ររបស់ខ្លួនថា ទារុណកម្មមានប្រយោជន៍ ហើយលោកចង់ឃើញវិធីសាស្ត្រធ្វើទារុណកម្មដែលខ្លាំងការចាក់ទឹកលើមុខនេះ៕
Tag:
អាមេរិក
Gina Haspel
CIA
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
