អន្តរជាតិ
អង់គ្លេស៖ អតីតចារកិច្ចរុស្ស៊ីដែលរងការបំពុល Skripal ចាកចេញពីមន្ទីរពេទ្យ
អតីតចារកម្មរុស្ស៊ី Sergei Skripal (រូបភាព TASS)
×![]()
ដោយ: តន ចាន់រិទ្ធារ៉ា
អតីតចារកិច្ចរុស្ស៊ីដែលធ្វើការឲ្យអង់គ្លេស Sergei Skripal បានចាកចេញពីមន្ទីរពេទ្យនៅថ្ងៃទី១៨ ខែឧសភា បន្ទាប់ពីទទួលបានការព្យាបាលតាំងពីខែមីនាមក។ នេះបើតាមការប្រកាសរបស់អង្គភាពសុខាភិបាលសាធារណៈ (NHS) ។ លោក Skripal និងកូនស្រីត្រូវបញ្ជូនទៅកាន់មន្ទីរពេទ្យនៅ Salisbury ភាគខាងត្បូងអង់គ្លេស ជាទីដែអ្នកទាំងពីរត្រូវបានរកឃើញថា ដួលសន្លប់ដោយសាររងការបំពុលសារធាតុគីមី Novichok ។ ករណីនេះបង្កជាវិបត្តិការទូតរវាងអង់គ្លេស និងសម្ព័ន្ធមិត្តជាមួយរុស្ស៊ី។
ជាងពីរខែក្រោយចូលសង្គ្រោះក្នុងមន្ទីរភាគខាងត្បូងអង់គ្លេស អតីតចារកិច្ចរុស្ស៊ី Sergei Skripal បានចាកចេញពីមន្ទីរពេទ្យ Salisbury District ហើយនៅថ្ងៃទី១៨ ខែឧសភា។ ឯកូនស្រីរបស់លោក គឺ Yulia Skripal បានចាកចេញពីមន្ទីរពេទ្យតាំងពីថ្ងៃទី១១ ខែមេសា មកម្ល៉េះ ព្រោះអាចនិយាយបាន ខណៈជនជាតិអង់គ្លេសម្នាក់ឈ្មោះ Nick Bailey ក៏បានចាកចេញពីមន្ទីរពេទ្យនេះដូចគ្នា។ អ្នកទាំងបីសុទ្ធតែរងការបំពុលដោយសារធាតុគីមី Novichok ។
លោក Skripal និងកូនស្រី ត្រូវបានរកឃើញសន្លប់មិនដឹងខ្លួននៅលើបង់អង្គុយមួយកន្លែងនៅឯ Salisbury កាលពីថ្ងៃទី៤ ខែមីនា។ ក្រោយការស៊ើបអង្កេត អាជ្ញាធរអង់គ្លេសអះអាងថា អ្នកទាំងពីររងការបំពុលដោយសារគីមី A-234 ឬ Novichok ដែលជាសារធាតុគីមីសម្រាប់វិស័យយោធា។ យោងតាមទីភ្នាក់ងារព័ត៌មាន AFP នាយកប្រតិបត្តិមន្ទីរពេទ្យ Cara Charles-Barks និយាយថា វាជារឿងអស្ចារ្យដែលលោក Skripal មានសុខភាពល្អគ្រប់គ្រាន់អាចចាកចេញពីមន្ទីរពេទ្យបាន។
បន្ទាប់ពីចាកចេញពីមន្ទីរពេទ្យ លោក Skripal និងកូនស្រីត្រូវបានបញ្ជូនទៅកាន់កន្លែងមានសុវត្ថិភាពមួយកន្លែង។
ករណីបំពុលអតីតចារកិច្ចរុស្ស៊ីធ្វើការឲ្យអង់គ្លេសរូបនេះ បាននាំទៅជាវិបត្តិការទូតធ្ងន់ធ្ងររវាងអង់គ្លេស និងរុស្ស៊ី។ ក្រុងឡុងដ៏ចោទក្រុងមូស្គូថា នៅពីក្រោយករណីបំពុលនេះ ព្រោះសារធាតុគីមីពុលនេះមានប្រភពពីរុស្ស៊ី តែរុស្ស៊ីបានបដិសេធដាច់ខាត និងទាមទាររកភស្តុតាងផងដែរ ប៉ុន្តែអង់គ្លេសមិនបានបង្ហាញភស្តុតាងជាក់លាក់ឡើយ។ រដ្ឋាភិបាលអង់គ្លេសក៏បានបណ្ដេញមន្ត្រីទូតរុស្ស៊ី២៣នាក់ចេញពីប្រទេស ឯរុស្ស៊ីក៏បញ្ជាឲ្យអ្នកការទូតអង់គ្លេសចេញពីទឹកដីខ្លួនដែរ។
សម្ព័ន្ធមិត្តអង់គ្លេសផ្សេងទៀតក៏ចេញមុខថ្កោលទោសរុស្ស៊ីដូចគ្នា ហើយថែមទាំងបណ្ដេញមន្ត្រីទូតរុស្ស៊ីប្រចាំប្រទេសពួកគេផង។ អាមេរិក ដែលជាសម្ព័ន្ធមិត្តរឹងមាំរបស់អង់គ្លេស ចាត់វិធានការប្រឆាំងរុស្ស៊ីតាមរយៈការបណ្ដេញមន្ត្រីទូតរុស្ស៊ីក្នុងចំនួនដ៏ច្រើន។ ក្រុងវ៉ាស៊ីនតោនបានអះអាងថា ខ្លួនមិនត្រូវការភស្តុតាងដើម្បីបញ្ជាក់កំហុសរបស់រុស្ស៊ីឡើយ។ ពោល គឺអាមេរិកជឿជាក់លើសម្ដីរបស់អង់គ្លេសទាំងស្រុងតែម្ដង៕
ជាងពីរខែក្រោយចូលសង្គ្រោះក្នុងមន្ទីរភាគខាងត្បូងអង់គ្លេស អតីតចារកិច្ចរុស្ស៊ី Sergei Skripal បានចាកចេញពីមន្ទីរពេទ្យ Salisbury District ហើយនៅថ្ងៃទី១៨ ខែឧសភា។ ឯកូនស្រីរបស់លោក គឺ Yulia Skripal បានចាកចេញពីមន្ទីរពេទ្យតាំងពីថ្ងៃទី១១ ខែមេសា មកម្ល៉េះ ព្រោះអាចនិយាយបាន ខណៈជនជាតិអង់គ្លេសម្នាក់ឈ្មោះ Nick Bailey ក៏បានចាកចេញពីមន្ទីរពេទ្យនេះដូចគ្នា។ អ្នកទាំងបីសុទ្ធតែរងការបំពុលដោយសារធាតុគីមី Novichok ។
លោក Skripal និងកូនស្រី ត្រូវបានរកឃើញសន្លប់មិនដឹងខ្លួននៅលើបង់អង្គុយមួយកន្លែងនៅឯ Salisbury កាលពីថ្ងៃទី៤ ខែមីនា។ ក្រោយការស៊ើបអង្កេត អាជ្ញាធរអង់គ្លេសអះអាងថា អ្នកទាំងពីររងការបំពុលដោយសារគីមី A-234 ឬ Novichok ដែលជាសារធាតុគីមីសម្រាប់វិស័យយោធា។ យោងតាមទីភ្នាក់ងារព័ត៌មាន AFP នាយកប្រតិបត្តិមន្ទីរពេទ្យ Cara Charles-Barks និយាយថា វាជារឿងអស្ចារ្យដែលលោក Skripal មានសុខភាពល្អគ្រប់គ្រាន់អាចចាកចេញពីមន្ទីរពេទ្យបាន។
បន្ទាប់ពីចាកចេញពីមន្ទីរពេទ្យ លោក Skripal និងកូនស្រីត្រូវបានបញ្ជូនទៅកាន់កន្លែងមានសុវត្ថិភាពមួយកន្លែង។
ករណីបំពុលអតីតចារកិច្ចរុស្ស៊ីធ្វើការឲ្យអង់គ្លេសរូបនេះ បាននាំទៅជាវិបត្តិការទូតធ្ងន់ធ្ងររវាងអង់គ្លេស និងរុស្ស៊ី។ ក្រុងឡុងដ៏ចោទក្រុងមូស្គូថា នៅពីក្រោយករណីបំពុលនេះ ព្រោះសារធាតុគីមីពុលនេះមានប្រភពពីរុស្ស៊ី តែរុស្ស៊ីបានបដិសេធដាច់ខាត និងទាមទាររកភស្តុតាងផងដែរ ប៉ុន្តែអង់គ្លេសមិនបានបង្ហាញភស្តុតាងជាក់លាក់ឡើយ។ រដ្ឋាភិបាលអង់គ្លេសក៏បានបណ្ដេញមន្ត្រីទូតរុស្ស៊ី២៣នាក់ចេញពីប្រទេស ឯរុស្ស៊ីក៏បញ្ជាឲ្យអ្នកការទូតអង់គ្លេសចេញពីទឹកដីខ្លួនដែរ។
សម្ព័ន្ធមិត្តអង់គ្លេសផ្សេងទៀតក៏ចេញមុខថ្កោលទោសរុស្ស៊ីដូចគ្នា ហើយថែមទាំងបណ្ដេញមន្ត្រីទូតរុស្ស៊ីប្រចាំប្រទេសពួកគេផង។ អាមេរិក ដែលជាសម្ព័ន្ធមិត្តរឹងមាំរបស់អង់គ្លេស ចាត់វិធានការប្រឆាំងរុស្ស៊ីតាមរយៈការបណ្ដេញមន្ត្រីទូតរុស្ស៊ីក្នុងចំនួនដ៏ច្រើន។ ក្រុងវ៉ាស៊ីនតោនបានអះអាងថា ខ្លួនមិនត្រូវការភស្តុតាងដើម្បីបញ្ជាក់កំហុសរបស់រុស្ស៊ីឡើយ។ ពោល គឺអាមេរិកជឿជាក់លើសម្ដីរបស់អង់គ្លេសទាំងស្រុងតែម្ដង៕
Tag:
អង់គ្លេស
រុស្ស៊ី
Sergei Skripal
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
