កីឡាអន្តរជាតិ
អន្តរជាតិ
អាវដែល Neymar ពាក់លេងឲ្យ PSG ក្នុងប្រកួតដំបូង លក់បានជិត ៣សែនដុល្លារ
× អាវដែល Neymar ពាក់លេងក្នុងការប្រកួតដំបូងសម្រាប់ក្រុម Paris Saint-Germain លក់បានក្នុងតម្លៃជិត ២៥០.០០០ អឺរ៉ូ (២៩៥០០០ដុល្លារ) នៅឯការដេញថ្លៃសប្បុរសធម៌មួយរបស់ក្លិបដែលមានមូលដ្ឋានក្នុងក្រុងបារីស។
Neymar បានបង្ហាញខ្លួនជាលើកដំបូងសម្រាប់ PSG កាលពីខែសីហាឆ្នាំ២០១៧ ក្រោយចាកចេញពី Barcelona ក្នុងតម្លៃកប់ពពក ១៩៨លានផោន (២៦០លានដុល្លារ) ដែលកាលនោះរូបគេបានស៊ុតបញ្ចូលទី១គ្រាប់ក្នុងជ័យជម្នះលើក្រុម Guingamp ៣-០។
ក្នុងកម្មវិធីមូលនិធិរបស់ក្លិប PSG ដែលបានរៀបចំការដេញថ្លៃមួយនៅទី១៥ ខែឧសភា ឆ្នាំ២០១៨ នៅឯកីឡដ្ឋាន Parc de Princes ឯកសណ្ឋានពណ៌លឿងដែលខ្សែប្រយុទ្ធសញ្ជាតិប្រេស៊ីលពាក់ដំបូងគេ ត្រូវបានលក់ចេញក្នុងតម្លៃដេញថ្លៃជិត៣សែនដុល្លារ ហើយមិត្តរួមក្រុមរបស់គេ Kylian Mbappe បានចំណាយទឹកប្រាក់ផ្ទាល់ខ្លួនប្រហែល៦សែនដុល្លារសម្រាប់រូបសំណាកឃីងកុងរបស់លោក Richard Orlinski។
ថវិកាសរុបជិត ២លានដុល្លារដែលទទួលបានពីកម្មវិធីនេះនឹងត្រូវយកទៅជួយដល់កុមារ និងក្មេងៗ៕
Tag:
បាល់ទាត់
Paris Saint-Germain
Neymar
© រក្សាសិទ្ធិដោយ thmeythmey.com