ពេទ្យគន្ធបុប្ផា បានព្យាបាលកុមារីក្រីក្រម្នាក់ពីជំងឺដុំសាច់នៅក្នុងខួរក្បាល

ជាតិ

សុខភាព

ពេទ្យគន្ធបុប្ផា បានព្យាបាលកុមារីក្រីក្រម្នាក់ពីជំងឺដុំសាច់នៅក្នុងខួរក្បាល

19, May 2018 , 11:29 pm

រូបភាព

ដោយ:

ភ្នំពេញ៖ កុមារីម្នាក់ ដែលមកពីខេត្តព្រៃវែង ដែលពិនិត្យឃើញថា មានជំងឺដុះដុំសាច់នៅក្នុងខួរក្បាលមួយយ៉ាងធំ។ បន្ទាប់ពីបានពិនិត្យឃើញថាមានដុំសាច់ គ្រូពេទ្យជំនាញនៅមន្ទីរពេទ្យគន្ធបុប្ផាទី៤ បានវះកាត់យកចេញបានយ៉ាងជោគជ័យ។

កុមារីវ័យ ១២ឆ្នាំម្នាក់ ដែលមកពីខេត្តព្រៃវែង ដែលតែងតែមានអាការៈឈឺក្បាលខ្លាំង និងងៀងករ ត្រូវបានមន្ទីរពេទ្យគន្ធបុប្ផា ពិនិត្យឃើញថាមានជំងឺដុះដុំសាច់នៅក្នុងខួរក្បាលមួយយ៉ាងធំ ដែលហៅថា «អេប៉ង់ឌីម៉ូម» ។ យ៉ាងណាដុំសាច់នេះ ត្រូវបានក្រុមគ្រូពេទ្យជំនាញកម្ពុជា នៅមន្ទីរពេទ្យគន្ធបុប្ផាទី៤ នៅភ្នំពេញ វះកាត់ចេញដោយជោគជ័យ កាលពីខែកក្កដា ឆ្នាំ២០១៧។

អស់រយៈពេល ១០ខែក្រោយមក មន្ទីរពេទ្យគន្ធបុប្ផាបានពិនិត្យ និងឆ្លុះខួរក្បាលឡើងវិញ ហើយបានវាយតម្លៃថា កុមារីខាងលើ មានសុខភាពល្អ និងពុំមានដុះដុំសាច់ឡើងវិញនោះទេ។ ការព្យាបាលរបស់កុមារីខាងលើ បានធ្វើឡើងដោយមិនគិតថ្លៃឡើយ៕