អន្តរជាតិ
របបសឹកថៃដាក់បញ្ជាឲ្យបូលិសទូទាំងប្រទេសទប់ស្កាត់ការប្រមូលផ្តុំនៅ«ខួបបួនឆ្នាំនៃរដ្ឋប្រហារយោធា»
×![]()
រដ្ឋាភិបាលរបបសឹកថៃ បានព្រមានចាត់វិធានការលើចលនា ឬការប្រមូលផ្តុំ ដែលធ្វើឡើងដើម្បីប្រឆាំងនឹងការដឹកនាំរបស់រដ្ឋាភិបាលបច្ចុប្បន្ន។ ការព្រមាននេះ ធ្វើឡើងខណៈខួបបួនឆ្នាំ នៃការដឹកនាំរបស់រដ្ឋាភិបាលរដ្ឋប្រហារយោធារបស់លោកនាយករដ្ឋមន្ត្រីប្រាយុទ្ធ ចន្ទអូចា ក៏កាន់តែជិតមកដល់ផងដែរនោះ ។
អគ្គស្នងការរងនៃនគរបាលជាតិថៃ លោកឧត្តមសេនីយ៍ Srivara Rangsibrahmanakul នៅថ្ងៃ១៩ ឧសភា បានឲ្យដឹងថា រដ្ឋាភិបាលបានដាក់បទបញ្ជាឲ្យប៉ូលិសទាំងអស់ដាក់តម្រួតពិនិត្យសុវត្ថិភាព និងតាមដានរាល់សកម្មភាពដើម្បីធ្វើអន្តរាគមន៍ទាន់ពេលវេលាក្នុងករណីមានកើតហិង្សា ជាពិសេសនៅក្នុងថ្ងៃ គម្រប់ខួបបួនឆ្នាំនៃរដ្ឋប្រហារយោធា។ នេះបើយោងតាមការចុះផ្សាយរបស់ The Nation។
តាមប្រភពព័ត៌មានដដែលនោះ លោកឧត្តមសេនីយ៍បានអះអាងថាចំណាត់ការដែលរាប់បញ្ចូលទាំងការឆែកឆេរអាវុធគ្រប់ប្រភេទនេះ ត្រូវបានអនុវត្តចាប់ពីថ្ងៃ១៨ ខែឧសភារហូតដល់ដាច់នៃខែនេះ ។ លោកឧត្តមសេនីយ៍ ក៏ព្រមានចាត់វិធានការផ្នែកច្បាប់ប្រឆាំងនឹងក្រុមបាតុករដែលបានបំពាននឹងបម្រាមរបស់រដ្ឋាភិបាលស្តីពីការប្រមូលផ្តុំ ។
ការចេញសារព្រមានពីអង្គការសន្តិសុខផ្ទៃក្នុងថៃនេះដែរ ធ្វើឡើងក្រោយពីមានក្រុម ដែលអះអាងខ្លួនថា ជាអ្នកចង់បានការបោះឆ្នោត ព្រមានប្រមូលផ្តុំគ្នានៅវិមានរដ្ឋាភិបាលថៃដើម្បីដាក់ញ្ញត្តិទាមទារឲ្យលោកនាយករដ្ឋមន្ត្រី ប្រាយុទ្ធ ចន្ទ អូចា រៀបចំការបោះឆ្នោត នៅខែវិច្ឆិកាខាងមុខ តាមការសន្យារបស់លោក ពីមុន។ ការប្រកាសចុងក្រោយរបស់លោក ប្រាយុទ្ធ ការបោះឆ្នោតនឹងត្រូវប្រព្រឹត្តនៅខែកុម្ភៈឆ្នាំក្រោយ ។
គួរជម្រាបផងដែរ នៅថ្ងៃ២២ ឧសភា ខាងមុខនេះ គឺជាខួបបួនឆ្នាំហើយនៃការដឹកនាំប្រទេសថៃ តាមរយៈប្រព័ន្ធរបបសឹក របស់លោកនាយករដ្ឋមន្ត្រី ប្រាយុទ្ធ ចន្ទអូចា។ ដើម្បីគម្រប់ខួបនេះផងដែរ រដ្ឋាភិបាលរបបសឹកក៏បានរៀបចំបោះផ្សាយសៀវភៅ និងផ្សព្វផ្សាយពីសមិទ្ធផលនៃការខិតខំកសាងប្រទេស ដែលលោក ប្រាយុទ្ធ ធ្លាប់លើកឡើងថា ត្រូវបានបែកខ្ញែកគ្នាដោយសារអ្នកនយោបាយ ។
កាលពីពេលថ្មីៗនេះ គណបក្សដ៏មានឥទ្ធិពលរបស់ថៃ គឺភឿថៃ ក៏បានចេញសេចក្តីថ្លែងការណ៍មួយ រិះគន់រដ្ឋាភិបាលរបបសឹក ដែលបរាជ័យក្នុងការអនុវត្តតាមការកិច្ចសន្យារបស់ខ្លួនថាស្តារប្រទេសឲ្យល្អប្រសើរឡើង។ បក្សនេះបានអះអាងថា របបសឹកបានធ្វើឲ្យប្រជាធិបតេយ្យ ដើរថយក្រោយ ខណៈសេដ្ឋកិច្ចជាតិថៃ ក៏កាន់តែអាក្រក់ជាងមុនផង។ បក្សនេះ ក៏ទទួលបានសារព្រមានពីរដ្ឋាភិបាលរួចហើយដែរ ក្រោយនៃការចេញសេចក្តីថែ្លងការណ៍រួច៕
អគ្គស្នងការរងនៃនគរបាលជាតិថៃ លោកឧត្តមសេនីយ៍ Srivara Rangsibrahmanakul នៅថ្ងៃ១៩ ឧសភា បានឲ្យដឹងថា រដ្ឋាភិបាលបានដាក់បទបញ្ជាឲ្យប៉ូលិសទាំងអស់ដាក់តម្រួតពិនិត្យសុវត្ថិភាព និងតាមដានរាល់សកម្មភាពដើម្បីធ្វើអន្តរាគមន៍ទាន់ពេលវេលាក្នុងករណីមានកើតហិង្សា ជាពិសេសនៅក្នុងថ្ងៃ គម្រប់ខួបបួនឆ្នាំនៃរដ្ឋប្រហារយោធា។ នេះបើយោងតាមការចុះផ្សាយរបស់ The Nation។
តាមប្រភពព័ត៌មានដដែលនោះ លោកឧត្តមសេនីយ៍បានអះអាងថាចំណាត់ការដែលរាប់បញ្ចូលទាំងការឆែកឆេរអាវុធគ្រប់ប្រភេទនេះ ត្រូវបានអនុវត្តចាប់ពីថ្ងៃ១៨ ខែឧសភារហូតដល់ដាច់នៃខែនេះ ។ លោកឧត្តមសេនីយ៍ ក៏ព្រមានចាត់វិធានការផ្នែកច្បាប់ប្រឆាំងនឹងក្រុមបាតុករដែលបានបំពាននឹងបម្រាមរបស់រដ្ឋាភិបាលស្តីពីការប្រមូលផ្តុំ ។
ការចេញសារព្រមានពីអង្គការសន្តិសុខផ្ទៃក្នុងថៃនេះដែរ ធ្វើឡើងក្រោយពីមានក្រុម ដែលអះអាងខ្លួនថា ជាអ្នកចង់បានការបោះឆ្នោត ព្រមានប្រមូលផ្តុំគ្នានៅវិមានរដ្ឋាភិបាលថៃដើម្បីដាក់ញ្ញត្តិទាមទារឲ្យលោកនាយករដ្ឋមន្ត្រី ប្រាយុទ្ធ ចន្ទ អូចា រៀបចំការបោះឆ្នោត នៅខែវិច្ឆិកាខាងមុខ តាមការសន្យារបស់លោក ពីមុន។ ការប្រកាសចុងក្រោយរបស់លោក ប្រាយុទ្ធ ការបោះឆ្នោតនឹងត្រូវប្រព្រឹត្តនៅខែកុម្ភៈឆ្នាំក្រោយ ។
គួរជម្រាបផងដែរ នៅថ្ងៃ២២ ឧសភា ខាងមុខនេះ គឺជាខួបបួនឆ្នាំហើយនៃការដឹកនាំប្រទេសថៃ តាមរយៈប្រព័ន្ធរបបសឹក របស់លោកនាយករដ្ឋមន្ត្រី ប្រាយុទ្ធ ចន្ទអូចា។ ដើម្បីគម្រប់ខួបនេះផងដែរ រដ្ឋាភិបាលរបបសឹកក៏បានរៀបចំបោះផ្សាយសៀវភៅ និងផ្សព្វផ្សាយពីសមិទ្ធផលនៃការខិតខំកសាងប្រទេស ដែលលោក ប្រាយុទ្ធ ធ្លាប់លើកឡើងថា ត្រូវបានបែកខ្ញែកគ្នាដោយសារអ្នកនយោបាយ ។
កាលពីពេលថ្មីៗនេះ គណបក្សដ៏មានឥទ្ធិពលរបស់ថៃ គឺភឿថៃ ក៏បានចេញសេចក្តីថ្លែងការណ៍មួយ រិះគន់រដ្ឋាភិបាលរបបសឹក ដែលបរាជ័យក្នុងការអនុវត្តតាមការកិច្ចសន្យារបស់ខ្លួនថាស្តារប្រទេសឲ្យល្អប្រសើរឡើង។ បក្សនេះបានអះអាងថា របបសឹកបានធ្វើឲ្យប្រជាធិបតេយ្យ ដើរថយក្រោយ ខណៈសេដ្ឋកិច្ចជាតិថៃ ក៏កាន់តែអាក្រក់ជាងមុនផង។ បក្សនេះ ក៏ទទួលបានសារព្រមានពីរដ្ឋាភិបាលរួចហើយដែរ ក្រោយនៃការចេញសេចក្តីថែ្លងការណ៍រួច៕
Tag:
ថៃ
នយោបាយ
អាស៊ាន
© រក្សាសិទ្ធិដោយ thmeythmey.com
