Apple ប្រើប្រាស់រថយន្តគ្មានមនុស្សបើកដល់ទៅ ៥៥ គ្រឿងនៅកាលីហ្វ័រនីញ៉ា

រថយន្ត

អន្តរជាតិ

21, May 2018 , 7:19 pm

រូបភាព

ក្រុមហ៊ុន Apple កាលពីពេលថ្មីកន្លងមកនេះ ទើបទទួលបានការអនុញ្ញាតពីនាយកដ្ឋានយានយន្តរដ្ឋកាលីហ្វ័រនីញ៉ា (DMV) សហរដ្ឋអាមេរិក លើការដាក់សាកល្បងរថយន្តដែលគ្មានមនុស្សបើក (Self-driving cars) បីគ្រឿងបន្ថែមទៀតដែលនាំឲ្យចំនួនសរុបឡើងដល់៥៥ ។

យោងតាមការផ្សាយរបស់សារព័ត៌មានបច្ចេកវិទ្យា Mac Reports ក្រុមបច្ចេកវិទ្យាដែលមានមូលដ្ឋាននៅ Cupertino រដ្ឋកាលីហ្វ័រនីញ៉ា នេះ បានប្រជែងតំណែងពី Tesla និង Waymo សម្រាប់ចំណាត់ថ្នាក់លេខ២ ដែលទទួលបានការអនុញ្ញាត្តឲ្យសាកល្បងបច្ចេកវិទ្យារថយន្តដែលគ្មានមនុស្សបើក នៅក្នុងរដ្ឋកាលីហ្វ័រនីញ៉ា។

របាយការណ៍ DMV បានឲ្យដឹងថា ក្រុមហ៊ុនចំនួន៥៣ ទទួលបានការអនុញ្ញាតឲ្យសាកល្បងយានយន្តគ្មានមនុស្សបើក នៅក្នុងរដ្ឋកាលីហ្វ័រនីញ៉ា។ ចំនួនរថយន្តគ្មានមនុស្សបើក ដែល Apple ប្រើប្រាស់ដើម្បីសាកល្បងបច្ចេកវិទ្យា កើនពី២៧ទៅ៥៥គ្រឿងយ៉ាងឆាប់រហ័ស។

General Motor’s Cruise កំពុងឈរចំណាត់ថ្នាក់លេខ១ ដោយមាន១០៤គ្រឿង។ បន្ទាប់ពី Apple ក្រុមហ៊ុនផ្សេងទៀតដែលបានចុះបញ្ជីរួមមាន Waymo (៥១) Tesla (៣៩) Drive.ai (១៤) Toyota (១១) NVIDIA (៨) Lyft (៤) Aurora (៤) Voyage (៣) និង Didi (១)។

កាលពីខែមិថុនា ឆ្នាំ២០១៧ លោក Tim Cook អគ្គនាយក Apple បានបញ្ជាក់ឲ្យដឹងថា ក្រុមហ៊ុនរបស់លោកកំពុងអភិវឌ្ឍន៍លើសូហ្វែរទាក់ទងនឹងការបើកបរដោយស្វ័យប្រវត្តិ ដោយប្រើប្រាស់ផ្លូវនៅកាលីហ្វ័រនីញ៉ាសម្រាប់ការសាកល្បងបច្ចេកវិទ្យារបស់ខ្លួន៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

អត្ថបទពេញនិយមបន្ថែម