កីឡាជាតិ
ជាតិ
ស៊ូ យ៉ាទី ត្រូវអវត្តមានដោយសាររបួស ស្របពេលបឹងកេតបន្តប្រជែងពិន្ទុជាមួយណាហ្គា
×![]()
អ្នកចាំទីដៃទី១របស់បឹងកេត ស៊ូ យ៉ាទី អាចបាត់មុខពីលីគកំពូលកម្ពុជាយ៉ាងតិចពីរសប្តាហ៍ ក្រោយរងរបួសភ្លាត់សសៃពួរសាច់ដុំភ្លៅខាងក្រោយ និងដាច់សសៃតូចៗកំភ្លួនជើងក្នុងជំនួបបឹងកេតយកឈ្នះព្រះខ័នរាជស្វាយរៀង ៣-១។ សម្រាប់ការប្រកួតកាលពីថ្ងៃអាទិត្យ ទី២០ ឧសភានោះដែរ កីឡាករ សារី ម៉ាត់ណូរ៉ូទីន សម្រេចបាន៣គ្រាប់ម្នាក់ឯង ដើម្បីជួយណាហ្គាវើលបន្តឈរកំពូលតារាងបណ្តោះអាសន្នក្នុងសប្តាហ៍ទី៦។
អ្នកចាំទី ស៊ូ យ៉ាទី ត្រូវបានប្តូរចេញភ្លាមៗ ក្រោយរងរបួសភ្លាត់សសៃសាច់ដុំភ្លៅខាងក្រោយ និងដាច់សសៃតូចៗកំភ្លួនជើងពេលរូបគេព្យាយាមទាត់បាល់ចេញពីមុខទី។ បញ្ហារបួស ស៊ូ យ៉ាទី បានកើតឡើងក្នុងពេលបឹងកេតប្រកួតតទល់ជាមួយក្រុមព្រះខ័នរាជស្វាយរៀង សម្រាប់ជំនួបសប្តាហ៍ទី៦នៃពានរង្វាន់លីគកំពូលកម្ពុជាកាលពីថ្ងៃទី២០ ឧសភា នៅកីឡដ្ឋានស្តាតចាស់។
បើតាមការអះអាងរបស់ លោក ហៅ សុជាតិ គ្រូបង្វឹកក្រុមបឹងកេត បញ្ហារបួសនេះអាចធ្វើឲ្យ ស៊ូ យ៉ាទី អវត្តមានក្នុងលីគកំពូលកម្ពុជាយ៉ាងតិចពីរសប្តាហ៍ ព្រោះបើវេជ្ជបញ្ជារបស់គ្រូពេទ្យក្រោយការពិនិត្យ ស៊ូ យ៉ាទី ត្រូវសម្រាកព្យាបាលពី១ទៅ២សប្តាហ៍ទើបអាចចូលហ្វឹកហាត់វិញបាន។
ទោះបីអវត្តមានអ្នកចាំទីដៃទី១រូបនេះក៏ដោយ តែបឹងកេតបានយកឈ្នះព្រះខ័នរាជស្វាយរៀងក្នុងលទ្ធផល ៣-១ ដើម្បីបន្តឈរលេខរៀងទី២ដោយមាន១៦ពិន្ទុ។ ខ្សែប្រយុទ្ធ Booysen Shane បានរកគ្រាប់បាល់នាំមុខ ១-០ សម្រាប់ស្វាយរៀងនៅនាទីទី១៣ ក្រោយមកកីឡាករ Silva CaliJuri Maycon រកគ្រាប់បាល់តាមស្មើ ១-១ សម្រាប់បឹងកេតនៅនាទីទី៨៤។ បន្ទាប់មកកីឡាករ Ajayi Gbenga Samuel និង Julius Oiboh សម្រេចបានម្នាក់១គ្រាប់ជាបន្តបន្ទាប់នៅនាទី៨៧ និង៩៦ ដើម្បីនាំជ័យជម្នះ ៣-១ សម្រាប់បឹងកេត។
នៅកីឡដ្ឋានស្តាតចាស់នោះដែរ ក្រុមណាហ្គាវើលបានយកឈ្នះក្រុមចំណូលថ្មីសូលទីឡូអង្គរ ៤-១ ដើម្បីបន្តឈរកំពូលតារាងបណ្តោះអាសន្នក្នុងសប្តាហ៍ទី៦នៃលីគកំពូលកម្ពុជាដោយមាន១៦ពិន្ទុ។ ជ័យជម្នះរបស់ណាហ្គាវើល មានការរួមចំណែកយ៉ាងធំធេងពីកីឡាករ សារី ម៉ាត់ណូរ៉ូទីន ដោយរូបគេរកបាន៣គ្រាប់ម្នាក់ឯងនៅនាទីទី៣, ៣៤ និង៤៤ និងកីឡាករ សុះ ស៊ូហាណា រកបាន១មួយនៅនាទី៨៦ ខណៈមួយគ្រាប់របស់សូលទីឡូអង្គររកបានដោយកីឡាករ Kento Fujihara។
ចំណែកការប្រកួតនៅកីឡដ្ឋាន RSN កីឡាករ អ៊ុក សុវណ្ណ បានរកគ្រាប់បាល់នាំមុខ ១-០ សម្រាប់ម្ចាស់ផ្ទះភ្នំពេញក្រោននៅនាទីទី៣៦ មុនខ្សែបម្រើ ស៊ិន កក្កដា សម្រេចគ្រាប់ទី២នៅនាទីទី៥៤។ ក្រោយមកកីឡាករ អ៊ុក សុវណ្ណ បានសម្រេចគ្រាប់ទីពីររបស់ខ្លួននៅនាទីទី៧៩ មុនកីឡាករ Atsushi Shirota សម្រេចគ្រាប់ទី៤ ដែលជាគ្រាប់ជ័យជម្នះ ៤-០ សម្រាប់ម្ចាស់ផ្ទះភ្នំពេញក្រោនលើក្រុមភ្ញៀវអគ្គស្នងការនគរបាលជាតិ។ ជ័យជម្នះនេះបានជួយឲ្យបឹងកេតឡើងទៅឈរលេខរៀងទី៤ ដោយមាន១០ពិន្ទុ។
ចំណែកអគ្គិសនីកម្ពុជាបានស្គាល់ជ័យជម្នះជាលើកទីដំបូង ក្រោយយកឈ្នះម្ចាស់ផ្ទះវេស្ទើនភ្នំពេញក្នុងលទ្ធផល ២-០ ដោយគ្រាប់បាល់ជ័យជម្នះនេះរួមចំណែកម្នាក់១គ្រាប់ពីកីឡាករ ផាន់នី អ៊ីរដ្ឋា និងកីឡាករ ជិន ជុំ។ អគ្គិសនីកម្ពុជាបន្តឈរតំបន់គ្រោះថ្នាក់បន្ទាប់ពីបាតតារាងវេស្ទើនភ្នំពេញដោយមាន៣ពិន្ទុ៕
អ្នកចាំទី ស៊ូ យ៉ាទី ត្រូវបានប្តូរចេញភ្លាមៗ ក្រោយរងរបួសភ្លាត់សសៃសាច់ដុំភ្លៅខាងក្រោយ និងដាច់សសៃតូចៗកំភ្លួនជើងពេលរូបគេព្យាយាមទាត់បាល់ចេញពីមុខទី។ បញ្ហារបួស ស៊ូ យ៉ាទី បានកើតឡើងក្នុងពេលបឹងកេតប្រកួតតទល់ជាមួយក្រុមព្រះខ័នរាជស្វាយរៀង សម្រាប់ជំនួបសប្តាហ៍ទី៦នៃពានរង្វាន់លីគកំពូលកម្ពុជាកាលពីថ្ងៃទី២០ ឧសភា នៅកីឡដ្ឋានស្តាតចាស់។
បើតាមការអះអាងរបស់ លោក ហៅ សុជាតិ គ្រូបង្វឹកក្រុមបឹងកេត បញ្ហារបួសនេះអាចធ្វើឲ្យ ស៊ូ យ៉ាទី អវត្តមានក្នុងលីគកំពូលកម្ពុជាយ៉ាងតិចពីរសប្តាហ៍ ព្រោះបើវេជ្ជបញ្ជារបស់គ្រូពេទ្យក្រោយការពិនិត្យ ស៊ូ យ៉ាទី ត្រូវសម្រាកព្យាបាលពី១ទៅ២សប្តាហ៍ទើបអាចចូលហ្វឹកហាត់វិញបាន។
ទោះបីអវត្តមានអ្នកចាំទីដៃទី១រូបនេះក៏ដោយ តែបឹងកេតបានយកឈ្នះព្រះខ័នរាជស្វាយរៀងក្នុងលទ្ធផល ៣-១ ដើម្បីបន្តឈរលេខរៀងទី២ដោយមាន១៦ពិន្ទុ។ ខ្សែប្រយុទ្ធ Booysen Shane បានរកគ្រាប់បាល់នាំមុខ ១-០ សម្រាប់ស្វាយរៀងនៅនាទីទី១៣ ក្រោយមកកីឡាករ Silva CaliJuri Maycon រកគ្រាប់បាល់តាមស្មើ ១-១ សម្រាប់បឹងកេតនៅនាទីទី៨៤។ បន្ទាប់មកកីឡាករ Ajayi Gbenga Samuel និង Julius Oiboh សម្រេចបានម្នាក់១គ្រាប់ជាបន្តបន្ទាប់នៅនាទី៨៧ និង៩៦ ដើម្បីនាំជ័យជម្នះ ៣-១ សម្រាប់បឹងកេត។
នៅកីឡដ្ឋានស្តាតចាស់នោះដែរ ក្រុមណាហ្គាវើលបានយកឈ្នះក្រុមចំណូលថ្មីសូលទីឡូអង្គរ ៤-១ ដើម្បីបន្តឈរកំពូលតារាងបណ្តោះអាសន្នក្នុងសប្តាហ៍ទី៦នៃលីគកំពូលកម្ពុជាដោយមាន១៦ពិន្ទុ។ ជ័យជម្នះរបស់ណាហ្គាវើល មានការរួមចំណែកយ៉ាងធំធេងពីកីឡាករ សារី ម៉ាត់ណូរ៉ូទីន ដោយរូបគេរកបាន៣គ្រាប់ម្នាក់ឯងនៅនាទីទី៣, ៣៤ និង៤៤ និងកីឡាករ សុះ ស៊ូហាណា រកបាន១មួយនៅនាទី៨៦ ខណៈមួយគ្រាប់របស់សូលទីឡូអង្គររកបានដោយកីឡាករ Kento Fujihara។
ចំណែកការប្រកួតនៅកីឡដ្ឋាន RSN កីឡាករ អ៊ុក សុវណ្ណ បានរកគ្រាប់បាល់នាំមុខ ១-០ សម្រាប់ម្ចាស់ផ្ទះភ្នំពេញក្រោននៅនាទីទី៣៦ មុនខ្សែបម្រើ ស៊ិន កក្កដា សម្រេចគ្រាប់ទី២នៅនាទីទី៥៤។ ក្រោយមកកីឡាករ អ៊ុក សុវណ្ណ បានសម្រេចគ្រាប់ទីពីររបស់ខ្លួននៅនាទីទី៧៩ មុនកីឡាករ Atsushi Shirota សម្រេចគ្រាប់ទី៤ ដែលជាគ្រាប់ជ័យជម្នះ ៤-០ សម្រាប់ម្ចាស់ផ្ទះភ្នំពេញក្រោនលើក្រុមភ្ញៀវអគ្គស្នងការនគរបាលជាតិ។ ជ័យជម្នះនេះបានជួយឲ្យបឹងកេតឡើងទៅឈរលេខរៀងទី៤ ដោយមាន១០ពិន្ទុ។
ចំណែកអគ្គិសនីកម្ពុជាបានស្គាល់ជ័យជម្នះជាលើកទីដំបូង ក្រោយយកឈ្នះម្ចាស់ផ្ទះវេស្ទើនភ្នំពេញក្នុងលទ្ធផល ២-០ ដោយគ្រាប់បាល់ជ័យជម្នះនេះរួមចំណែកម្នាក់១គ្រាប់ពីកីឡាករ ផាន់នី អ៊ីរដ្ឋា និងកីឡាករ ជិន ជុំ។ អគ្គិសនីកម្ពុជាបន្តឈរតំបន់គ្រោះថ្នាក់បន្ទាប់ពីបាតតារាងវេស្ទើនភ្នំពេញដោយមាន៣ពិន្ទុ៕
Tag:
ស៊ូ យ៉ាទី
Cambodian League 2018
© រក្សាសិទ្ធិដោយ thmeythmey.com
