អត្ថបទពាណិជ្ជកម្ម
ពិរព័ណ៌ផលិតផលក្នុងស្រុក «គ្មានគីមី» លើកទី១ នឹងតាំងបង្ហាញនៅខេត្តព្រះសីហនុ ពីថ្ងៃទី១៨ដល់ថ្ងៃទី២០ ខែមិថុនា
×![]()
ដោយ: ជី ដាណា
កាលពីរសៀលថ្ងៃចន្ទទី២១ ខែឧសភា ឆ្នាំ២០១៨ ឯកឧត្តម យន្ត មីន អភិបាល នៃគណអភិបាលខេត្តព្រះសីហនុ បានផ្សព្វផ្សាយពីសុវត្ថិភាពចំណីអាហារ បន្លែ ផ្លែឈើ គ្មានសារធាតុគីមី ដោយមានការចូលរួមពីមន្ទីរទេសចរណ៍ខេត្ត មន្ទីរសុខាភិបាល សាខាកាំកុងត្រូល និងតំណាងម្ចាស់ភោជនីយដ្ឋាន អាហារដ្ឋាននានា នៅក្នុងខេត្តព្រះសីហនុ ។
ឯកឧត្តម យន្ត មីន មានប្រសាសន៍សំណេះសំណាលជាមួយម្ចាស់ភោជនីយដ្ឋាន អាហារដ្ឋានថា រដ្ឋបាលខេត្តព្រះសីហនុ មានគោលបំណងផ្សព្វផ្សាយដល់ម្ចាស់អាហារដ្ឋាន ភោជនីយដ្ឋានចូលរួមសហការដាក់តាំងផលិតផលម្ហូបអាហារ បន្លែ ផ្លែឈើ ដោយគ្មានសារធាតុគីមី ធានាបានសុវត្ថិភាព សុខមាលភាពរបស់ប្រជាពលរដ្ឋក៏ដូចជាភ្ញៀវទេសចរជាតិ និងអន្តរជាតិ ។
ដោយសារបច្ចុប្បន្នខេត្តព្រះសីហនុ កំពុងត្រូវបានចាប់អារម្មណ៍ពីអ្នកវិនិយោគ និងទេសចរណ៍ ដែលទាមទារឲ្យយើងធានាបាននូវសុវត្ថិភាពចំណីអាហារ បន្លែ ផ្លែឈើគ្មានសារធាតុគីមី និងបំផុសអោយប្រជាពលរដ្ឋចូលរួមថែរក្សាគុណភាពអនាម័យម្ហូបអាហារ ដោយគ្នានសារធាតុគីមី ។
ឯកឧត្តម យន្ត មីន បន្តថា រដ្ឋបាលខេត្តនឹងគ្រោងរៀបចំដាក់តាំងពិព័រណ៍ម្ហូបអាហារ បន្លែ ផ្លែឈើ និងផលិតផលក្នុងស្រុកលើកទី១ ដែលគ្មានសារធាតុគីមី ដើម្បីអបអរសាទរព្រះរាជពិធីបុណ្យចម្រើនព្រះជន្មសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែររយៈពេលបីថ្ងៃ គឺចាប់ពីថ្ងៃទី១៨ ដល់ថ្ងៃទី២០ ខែមិថុនា ឆ្នាំ២០១៨ខាងមុខ និងបំផុសស្មារតីប្រជាពលរដ្ឋឱ្យងាកមកចាប់អារម្មណ៍ម្ហូបអាហារ បន្លែ ផ្លែឈើគ្មានសារធាតុគីមី មិនប៉ះពាល់ ដល់សុខភាពអ្នកបរិភោគ ។ ដូច្នេះម្ចាស់ភោជនីយដ្ឋាន អាហារដ្ឋាន ម្ចាស់កសិដ្ឋានដាំបន្លែ ផ្លែឈើ និងចិញ្ចឹមសត្វ ចូលរួមយកផលិតផលរបស់ខ្លួន មកដាក់តាំងក្នុងពិពណ៍ម្ហូបអាហារ បន្លែ ផ្លែ ឈើគ្នានសារធាតុគីមី ដែលជាស្នាដៃរបស់ខ្លួនមកដាក់តាំងពិព័រណ៍ ដើម្បីបញ្ជាក់ថា ម្ហូបអាហារ បន្លែ ផ្លែឈើនៅខេត្តព្រះសីហនុ មិនមាន ការប្រើប្រាស់សារធាតុគីមីហាមឃាត់ប៉ះពាល់សុខភាព ។
គួរបញ្ចាក់ថាកន្លងមក ឯកឧត្តម យន់មីន ក៏ធ្លាប់បានបង្ហោះសារលើបណ្តាយសង្គមហ្វេសប៊ុក ដែលបង្ហាញពីអារម្មណ៍របស់លោកទាំងស្រុងក្នុងការគិតគូរសុវត្តិភាពម្ហូបអាហារដល់ប្រជាជនក្នុងខេត្តព្រះសីហនុថា៖
«ខ្ញុំមានក្តីប្រាថ្នា ចង់អោយខេត្តព្រះសីហនុក្លាយជាខេត្តមួយដែលមានសុវត្ថិភាព ម្ហូមអាហារ ត្បិតអី ម្ហូបអាហារជាប្រភពឬសគល់នៃបញ្ហាសុខភាពដែលជាចំនុចសំខាន់បំផុតសំរាប់គ្រប់ក្រុមគ្រួសារ ហើយខេត្តព្រះសីហនុជាខេត្តទេសចរណ៌ មានការពាក់ព័ន្ធយ៉ាងស៊ីជម្រៅលើវិស័យម្ហូមអាហារផងដែរ។ ដើម្បីសម្រេចក្តីប្រាថ្នានេះ ខ្ញុំមានផែនការជំរុញអោយគ្រប់អាហារដ្ឋានទាំងអស់ប្រែក្លាយពីការប្រកួតប្រជែងគ្នាដើម្បីតែប្រាក់ចំណេញ មកជាការប្រកួតប្រជែងគ្នាផ្តល់សេវាម្ហូមអាហារដែលមានសុវត្ថិភាពដល់សុខភាព(អត់គីមី អនាម័យល្អ សេវាល្អ...)ដើម្បីប្រាក់ចំណេញវិញ។
ក្នុងគោលដៅនេះ យើងខ្ញុំនឹងរៀបចំក្រុមការងារមួយ សម្រាប់ដំណើរការអនុវត្ត ហើយក្រុមការងារនឹងចុះដាក់ពិន្ទុ បិទសញ្ញាសំគាល់តាមអាហារដ្ឋាន និងទីតាំងផ្គត់ផ្គង់ម្ហូបអាហារនានា នូវកម្រិតសុវត្ថិភាពម្ហូបអាហារ ដើម្បីមានភាពងាយស្រួលដល់បងប្អូនធ្វើការជ្រើសរើស។
ជាការចាប់ផ្តើមនូវចលនានេះផង និងដើម្បីអោយថ្ងៃចំរើនព្រះជន្មសម្តេចវរាជមាតាជាតិខ្មែរនាពេលខាងមុខនេះមានភាពអធិកអធមផង យើងខ្ញុំគ្រោងនឹងរៀបចំពិធីពិពរណ៌ម្ហូបអាហារមួយ ដែលឆ្លៀតពេលនោះ ក្រុមការងារយើង នឹងធ្វើការពន្យល់លំអិតថែមទៀតនូវការងារបច្ចេកទេស។
ក្នុងនាមគណៈអភិបាលខេត្ត ខ្ញុំសូមអំពាវនាវដល់បងប្អូនទាំងអស់មេត្តាផ្តល់មតិយោបល់ថែមទៀត លើគំនិតផ្តួចផ្តើមនេះ ដើម្បីអោយផែនការនេះសម្រេចបានដោយជោគជ័យ ផ្លែផ្ការល្អ។
សូមបងប្អូនទាំងអស់មេត្តាត្រៀមចូលរួមក្នុងកម្មវិធីខាងលើ និងមេត្តាជួយគាំទ្រចលនានេះ ដើម្បីជាការការពារសុខភាពខ្លួនឯង និងក្រុមគ្រួសារ តាមរយៈលើកទឹកចិត្តអាហារដ្ឋានដែលផ្តល់សេវាម្ហូបអាហារដែលមានសុវត្ថិភាព។
សូមអំពាវនាវដល់ម្ចាស់អាហារដ្ឋានទាំងអស់មេត្តាចូលរួមគាំទ្រយ៉ាងពេញទំហឹងនូវចលនានេះ ហើយសូមអញ្ជើញ មករៀបចំតូបសំរាប់តាំងពិពណ៏ម្ហូបអាហាររបស់ខ្លួនអោយបានច្រើនកុះករក្នុងពិធីពិពណ៌ម្ហូបអាហារ តាមកម្មវិធីដែលនឹងជំរាបជូននៅពេលក្រោយ»៕
( អត្ថបទពាណិជ្ជកម្ម )
ឯកឧត្តម យន្ត មីន មានប្រសាសន៍សំណេះសំណាលជាមួយម្ចាស់ភោជនីយដ្ឋាន អាហារដ្ឋានថា រដ្ឋបាលខេត្តព្រះសីហនុ មានគោលបំណងផ្សព្វផ្សាយដល់ម្ចាស់អាហារដ្ឋាន ភោជនីយដ្ឋានចូលរួមសហការដាក់តាំងផលិតផលម្ហូបអាហារ បន្លែ ផ្លែឈើ ដោយគ្មានសារធាតុគីមី ធានាបានសុវត្ថិភាព សុខមាលភាពរបស់ប្រជាពលរដ្ឋក៏ដូចជាភ្ញៀវទេសចរជាតិ និងអន្តរជាតិ ។
ដោយសារបច្ចុប្បន្នខេត្តព្រះសីហនុ កំពុងត្រូវបានចាប់អារម្មណ៍ពីអ្នកវិនិយោគ និងទេសចរណ៍ ដែលទាមទារឲ្យយើងធានាបាននូវសុវត្ថិភាពចំណីអាហារ បន្លែ ផ្លែឈើគ្មានសារធាតុគីមី និងបំផុសអោយប្រជាពលរដ្ឋចូលរួមថែរក្សាគុណភាពអនាម័យម្ហូបអាហារ ដោយគ្នានសារធាតុគីមី ។
ឯកឧត្តម យន្ត មីន បន្តថា រដ្ឋបាលខេត្តនឹងគ្រោងរៀបចំដាក់តាំងពិព័រណ៍ម្ហូបអាហារ បន្លែ ផ្លែឈើ និងផលិតផលក្នុងស្រុកលើកទី១ ដែលគ្មានសារធាតុគីមី ដើម្បីអបអរសាទរព្រះរាជពិធីបុណ្យចម្រើនព្រះជន្មសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែររយៈពេលបីថ្ងៃ គឺចាប់ពីថ្ងៃទី១៨ ដល់ថ្ងៃទី២០ ខែមិថុនា ឆ្នាំ២០១៨ខាងមុខ និងបំផុសស្មារតីប្រជាពលរដ្ឋឱ្យងាកមកចាប់អារម្មណ៍ម្ហូបអាហារ បន្លែ ផ្លែឈើគ្មានសារធាតុគីមី មិនប៉ះពាល់ ដល់សុខភាពអ្នកបរិភោគ ។ ដូច្នេះម្ចាស់ភោជនីយដ្ឋាន អាហារដ្ឋាន ម្ចាស់កសិដ្ឋានដាំបន្លែ ផ្លែឈើ និងចិញ្ចឹមសត្វ ចូលរួមយកផលិតផលរបស់ខ្លួន មកដាក់តាំងក្នុងពិពណ៍ម្ហូបអាហារ បន្លែ ផ្លែ ឈើគ្នានសារធាតុគីមី ដែលជាស្នាដៃរបស់ខ្លួនមកដាក់តាំងពិព័រណ៍ ដើម្បីបញ្ជាក់ថា ម្ហូបអាហារ បន្លែ ផ្លែឈើនៅខេត្តព្រះសីហនុ មិនមាន ការប្រើប្រាស់សារធាតុគីមីហាមឃាត់ប៉ះពាល់សុខភាព ។
គួរបញ្ចាក់ថាកន្លងមក ឯកឧត្តម យន់មីន ក៏ធ្លាប់បានបង្ហោះសារលើបណ្តាយសង្គមហ្វេសប៊ុក ដែលបង្ហាញពីអារម្មណ៍របស់លោកទាំងស្រុងក្នុងការគិតគូរសុវត្តិភាពម្ហូបអាហារដល់ប្រជាជនក្នុងខេត្តព្រះសីហនុថា៖
«ខ្ញុំមានក្តីប្រាថ្នា ចង់អោយខេត្តព្រះសីហនុក្លាយជាខេត្តមួយដែលមានសុវត្ថិភាព ម្ហូមអាហារ ត្បិតអី ម្ហូបអាហារជាប្រភពឬសគល់នៃបញ្ហាសុខភាពដែលជាចំនុចសំខាន់បំផុតសំរាប់គ្រប់ក្រុមគ្រួសារ ហើយខេត្តព្រះសីហនុជាខេត្តទេសចរណ៌ មានការពាក់ព័ន្ធយ៉ាងស៊ីជម្រៅលើវិស័យម្ហូមអាហារផងដែរ។ ដើម្បីសម្រេចក្តីប្រាថ្នានេះ ខ្ញុំមានផែនការជំរុញអោយគ្រប់អាហារដ្ឋានទាំងអស់ប្រែក្លាយពីការប្រកួតប្រជែងគ្នាដើម្បីតែប្រាក់ចំណេញ មកជាការប្រកួតប្រជែងគ្នាផ្តល់សេវាម្ហូមអាហារដែលមានសុវត្ថិភាពដល់សុខភាព(អត់គីមី អនាម័យល្អ សេវាល្អ...)ដើម្បីប្រាក់ចំណេញវិញ។
ក្នុងគោលដៅនេះ យើងខ្ញុំនឹងរៀបចំក្រុមការងារមួយ សម្រាប់ដំណើរការអនុវត្ត ហើយក្រុមការងារនឹងចុះដាក់ពិន្ទុ បិទសញ្ញាសំគាល់តាមអាហារដ្ឋាន និងទីតាំងផ្គត់ផ្គង់ម្ហូបអាហារនានា នូវកម្រិតសុវត្ថិភាពម្ហូបអាហារ ដើម្បីមានភាពងាយស្រួលដល់បងប្អូនធ្វើការជ្រើសរើស។
ជាការចាប់ផ្តើមនូវចលនានេះផង និងដើម្បីអោយថ្ងៃចំរើនព្រះជន្មសម្តេចវរាជមាតាជាតិខ្មែរនាពេលខាងមុខនេះមានភាពអធិកអធមផង យើងខ្ញុំគ្រោងនឹងរៀបចំពិធីពិពរណ៌ម្ហូបអាហារមួយ ដែលឆ្លៀតពេលនោះ ក្រុមការងារយើង នឹងធ្វើការពន្យល់លំអិតថែមទៀតនូវការងារបច្ចេកទេស។
ក្នុងនាមគណៈអភិបាលខេត្ត ខ្ញុំសូមអំពាវនាវដល់បងប្អូនទាំងអស់មេត្តាផ្តល់មតិយោបល់ថែមទៀត លើគំនិតផ្តួចផ្តើមនេះ ដើម្បីអោយផែនការនេះសម្រេចបានដោយជោគជ័យ ផ្លែផ្ការល្អ។
សូមបងប្អូនទាំងអស់មេត្តាត្រៀមចូលរួមក្នុងកម្មវិធីខាងលើ និងមេត្តាជួយគាំទ្រចលនានេះ ដើម្បីជាការការពារសុខភាពខ្លួនឯង និងក្រុមគ្រួសារ តាមរយៈលើកទឹកចិត្តអាហារដ្ឋានដែលផ្តល់សេវាម្ហូបអាហារដែលមានសុវត្ថិភាព។
សូមអំពាវនាវដល់ម្ចាស់អាហារដ្ឋានទាំងអស់មេត្តាចូលរួមគាំទ្រយ៉ាងពេញទំហឹងនូវចលនានេះ ហើយសូមអញ្ជើញ មករៀបចំតូបសំរាប់តាំងពិពណ៏ម្ហូបអាហាររបស់ខ្លួនអោយបានច្រើនកុះករក្នុងពិធីពិពណ៌ម្ហូបអាហារ តាមកម្មវិធីដែលនឹងជំរាបជូននៅពេលក្រោយ»៕
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com
