សេដ្ឋកិច្ចអន្តរជាតិ
អន្តរជាតិ
លោក ប្រាយុទ្ធ ចាន់អូចា នាយករដ្ឋមន្ត្រីថៃ
×![]()
រដ្ឋាភិបាលថៃនឹងគ្រប់គ្រងតម្លៃប្រេងម៉ាស៊ូតក្នុងប្រទេសរបស់ខ្លួន មិនឲ្យលើសពី ៣០បាតក្នុង១លីត្រនោះឡើយ តាមរយៈការបញ្ចេញប្រាក់ឧបត្ថម្ភធនរបស់រដ្ឋ។ នេះបើតាមការចុះផ្សាយរបស់កាសែតបាងកកប៉ុស្ដិ៍ នៅថ្ងៃទី២៣ខែឧសភា។
ក្រសួងថាមពលថៃ បានប្រកាសនៅថ្ងៃទី២២ខែឧសភាថា តម្លៃប្រេងឥន្ធនៈពិភពលោកបានកើនឡើងយ៉ាងខ្លាំងក្នុងរយៈពេលពីរខែចុងក្រោយនេះ។ ហើយតម្លៃប្រេងម៉ាស៊ូតក្នុងតំបន់អាស៊ីអាគ្នេយ៍បានកើនឡើងដល់ ៩៣,២៤ដុល្លារក្នុង១បារ៉ែល ពីតម្លៃចាស់ត្រឹមតែ ១៧ដុល្លារ។
ប្រេងម៉ាស៊ូតក្នុងប្រទេសថៃ បានរងឥទ្ធិពលពីទីផ្សារអន្តរជាតិ ដោយតម្លៃប្រេងបានហក់ឡើង ៣,៨២ បាតក្នុង១លីត្រក្នុង១ថ្ងៃ។ ហើយនៅថ្ងៃអង្គារ ប្រេងម៉ាស៊ូតបានឡើងថ្លៃដល់ ២៩,៧៩បាតក្នុង១លីត្រ។
នៅប្រទេសថៃ ប្រេងម៉ាស៊ូត គឺជាថាមពលចម្បង សម្រាប់វិស័យដឹកជញ្ជូន និងឧស្សាហកម្ម។ តម្លៃប្រេងកើនឡើង នឹងប៉ះពាល់ដល់តម្លៃផលិតកម្ម និងសេវាកម្ម។
ដើម្បីទប់ទល់នឹងការឡើងថ្លៃប្រេងម៉ាស៊ូតយ៉ាងគំហុកនេះ ក្រសួងថាមពលថៃ នឹងប្រើប្រាស់មូលនិធិប្រេងឥន្ធនៈរបស់រដ្ឋ ដើម្បីកំណត់ពិដានតម្លៃប្រេងម៉ាស៊ូត មិនឲ្យលើសពី ៣០បាតក្នុង១លីត្រ។
កាសែតបាងកកប៉ុស្តិ៍រាយការណ៍ថា ការដាក់ពិដាននេះ នឹងត្រូវធ្វើឡើងរហូតដល់មានការអនុវត្តថាមពល B20 ។ B20 ជាថាមពលជម្រើសថ្មីមួយទៀត ដែលត្រូវបានបង្កើតឡើងដោយលាយបញ្ចូលគ្នារវាងប្រេងម៉ាស៊ូត និងប្រេងជីវៈម៉ាស៊ូត ដែលផលិតចេញពីកសិផល។ ហើយតម្លៃរបស់ B20 នេះថោកជាង ៣បាត ធៀបនឹងតម្លៃប្រេងម៉ាស៊ូតសព្វថ្ងៃ។ ថាមពលថ្មីនេះ ត្រូវបានរំពឹងថានឹងចេញលក់លើទីផ្សារនៅដើមខែកក្កដា ខាងមុខនេះ។
ក្នុងគោលដៅបន្ថយឥទ្ធិពលនៃការឡើងថ្លៃប្រេងម៉ាស៊ូត មូលនិធិរបស់រដ្ឋ នឹងឧបត្ថម្ភធន ៥០ភាគរយនៃតម្លៃដែលកើនឡើង។ ឧទាហរណ៍ថា ថ្លៃប្រេងឡើងថ្លៃ ២បាត មូលនិធិនេះនឹងចេញថ្លៃជំនួស ១បាត ដូចនេះថ្លៃប្រេងត្រូវដំឡើងតែ១បាតនោះទេសម្រាប់អ្នកប្រើប្រាស់។
បើតាមរដ្ឋមន្ត្រីក្រសួងថាមពលថៃ រដ្ឋាភិបាលបានបម្រុងប្រាក់ ៣០ពាន់លានបាត (ប្រហែលជាង ៩៣០លានដុល្លារ) សម្រាប់ការឧបត្ថម្ភធនខាងលើ។ ហើយបើសិនណាតម្លៃប្រេងម៉ាស៊ូតហក់ឡើងខ្លាំងពេក រហូតដល់ ១០៥ដុល្លារក្នុង១ប៉ារ៉ែល ប្រាក់បម្រុងនេះអាចឧបត្ថម្ភធនក្នុងរយៈពេល ១០ខែ។
ក្រសួងថាមពល នឹងលើកយកផែនការឧបត្ថម្ភធននេះមកពិភាក្សា និងស្នើសុំអនុវត្តក្នុងសប្ដាហ៍នេះ ពីគណៈកម្មាធិការគ្រប់គ្រងគោលនយោបាយថាមពលថៃ។
តាមពិត ថៃបានដាក់ពិដានតម្លៃប្រេងម៉ាស៊ូត តាំងពីឆ្នាំ២០១១ មកម្លេះ ប៉ុន្តែគោលនយោបាយនេះត្រូវរំលាយទៅវិញក្នុងឆ្នាំ២០១៤ នៅពេលលោកនាយករដ្ឋមន្ត្រី ប្រាយុទ្ធ ចាន់អូចា ឡើងកាន់តំណែង៕
ក្រសួងថាមពលថៃ បានប្រកាសនៅថ្ងៃទី២២ខែឧសភាថា តម្លៃប្រេងឥន្ធនៈពិភពលោកបានកើនឡើងយ៉ាងខ្លាំងក្នុងរយៈពេលពីរខែចុងក្រោយនេះ។ ហើយតម្លៃប្រេងម៉ាស៊ូតក្នុងតំបន់អាស៊ីអាគ្នេយ៍បានកើនឡើងដល់ ៩៣,២៤ដុល្លារក្នុង១បារ៉ែល ពីតម្លៃចាស់ត្រឹមតែ ១៧ដុល្លារ។
ប្រេងម៉ាស៊ូតក្នុងប្រទេសថៃ បានរងឥទ្ធិពលពីទីផ្សារអន្តរជាតិ ដោយតម្លៃប្រេងបានហក់ឡើង ៣,៨២ បាតក្នុង១លីត្រក្នុង១ថ្ងៃ។ ហើយនៅថ្ងៃអង្គារ ប្រេងម៉ាស៊ូតបានឡើងថ្លៃដល់ ២៩,៧៩បាតក្នុង១លីត្រ។
នៅប្រទេសថៃ ប្រេងម៉ាស៊ូត គឺជាថាមពលចម្បង សម្រាប់វិស័យដឹកជញ្ជូន និងឧស្សាហកម្ម។ តម្លៃប្រេងកើនឡើង នឹងប៉ះពាល់ដល់តម្លៃផលិតកម្ម និងសេវាកម្ម។
ដើម្បីទប់ទល់នឹងការឡើងថ្លៃប្រេងម៉ាស៊ូតយ៉ាងគំហុកនេះ ក្រសួងថាមពលថៃ នឹងប្រើប្រាស់មូលនិធិប្រេងឥន្ធនៈរបស់រដ្ឋ ដើម្បីកំណត់ពិដានតម្លៃប្រេងម៉ាស៊ូត មិនឲ្យលើសពី ៣០បាតក្នុង១លីត្រ។
កាសែតបាងកកប៉ុស្តិ៍រាយការណ៍ថា ការដាក់ពិដាននេះ នឹងត្រូវធ្វើឡើងរហូតដល់មានការអនុវត្តថាមពល B20 ។ B20 ជាថាមពលជម្រើសថ្មីមួយទៀត ដែលត្រូវបានបង្កើតឡើងដោយលាយបញ្ចូលគ្នារវាងប្រេងម៉ាស៊ូត និងប្រេងជីវៈម៉ាស៊ូត ដែលផលិតចេញពីកសិផល។ ហើយតម្លៃរបស់ B20 នេះថោកជាង ៣បាត ធៀបនឹងតម្លៃប្រេងម៉ាស៊ូតសព្វថ្ងៃ។ ថាមពលថ្មីនេះ ត្រូវបានរំពឹងថានឹងចេញលក់លើទីផ្សារនៅដើមខែកក្កដា ខាងមុខនេះ។
ក្នុងគោលដៅបន្ថយឥទ្ធិពលនៃការឡើងថ្លៃប្រេងម៉ាស៊ូត មូលនិធិរបស់រដ្ឋ នឹងឧបត្ថម្ភធន ៥០ភាគរយនៃតម្លៃដែលកើនឡើង។ ឧទាហរណ៍ថា ថ្លៃប្រេងឡើងថ្លៃ ២បាត មូលនិធិនេះនឹងចេញថ្លៃជំនួស ១បាត ដូចនេះថ្លៃប្រេងត្រូវដំឡើងតែ១បាតនោះទេសម្រាប់អ្នកប្រើប្រាស់។
បើតាមរដ្ឋមន្ត្រីក្រសួងថាមពលថៃ រដ្ឋាភិបាលបានបម្រុងប្រាក់ ៣០ពាន់លានបាត (ប្រហែលជាង ៩៣០លានដុល្លារ) សម្រាប់ការឧបត្ថម្ភធនខាងលើ។ ហើយបើសិនណាតម្លៃប្រេងម៉ាស៊ូតហក់ឡើងខ្លាំងពេក រហូតដល់ ១០៥ដុល្លារក្នុង១ប៉ារ៉ែល ប្រាក់បម្រុងនេះអាចឧបត្ថម្ភធនក្នុងរយៈពេល ១០ខែ។
ក្រសួងថាមពល នឹងលើកយកផែនការឧបត្ថម្ភធននេះមកពិភាក្សា និងស្នើសុំអនុវត្តក្នុងសប្ដាហ៍នេះ ពីគណៈកម្មាធិការគ្រប់គ្រងគោលនយោបាយថាមពលថៃ។
តាមពិត ថៃបានដាក់ពិដានតម្លៃប្រេងម៉ាស៊ូត តាំងពីឆ្នាំ២០១១ មកម្លេះ ប៉ុន្តែគោលនយោបាយនេះត្រូវរំលាយទៅវិញក្នុងឆ្នាំ២០១៤ នៅពេលលោកនាយករដ្ឋមន្ត្រី ប្រាយុទ្ធ ចាន់អូចា ឡើងកាន់តំណែង៕
Tag:
ប្រេង
ថៃ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
