ជាតិ
សង្គមជាតិ
ក្រសួង នឹងចាត់វិធានការលើអ្នកលក់ថ្នាំបំប៉នផ្លូវភេទ Male Extra ព្រោះអាចប៉ះពាល់ដល់ជីវិត រូបពីទំព័រហ្វេសបុករបស់ក្រសួងសុខាភិបាល
× ភ្នំពេញ៖ ក្រសួងសុខាភិបាល នឹងចាត់វិធានការទៅតាមផ្លូវច្បាប់ចំពោះអ្នកនាំចូល និងលក់ឱសថបំប៉នសុខភាពផ្លូវភេទម្យ៉ាងឈ្មោះ Male Extra និងឱសថដទៃផ្សេងទៀត ដោយគ្មានការអនុញ្ញាត។ តាមរយៈសេចក្តីជូនដំណឹង ក្រសួងសុខាភិបាល បានបញ្ជាឲ្យបញ្ឈប់ការនាំចូល និងការលក់ជាបន្ទាន់នូវផលិតផលនេះ។
ការព្រមានចាត់វិធានការរបស់ក្រសួងសុខាភិបាល គឺក្រោយពីផលិតផលបំប៉នផ្លូវភេទ Male Extra ត្រូវបានផ្សព្វផ្សាយលើបណ្តាញសង្គមហ្វេសប៊ុក។ ក្រសួងសុខាភិបាល ព្រមានថា ផលិតផលខាងលើ អាចបណ្តាលឲ្យអ្នកប្រើប្រាស់គាំងបេះដូង ហើយអាចនឹងឈានទៅដល់បាត់បង់ជីវិត។
ក្រសួងសុខាភិបាល ប្រាប់សាធារណជនក្នុងសេចក្តីជូនដំណឹងយ៉ាងដូច្នេះថា៖«ក្នុងករណីបងប្អូនប្រជាពលរដ្ឋ ជួបប្រទះឃើញជនណាកំពុងប្រើប្រាស់ លក់ និងចែកចាយផលិតផលបំប៉នសុខភាពបុរស Male Extra សូមប្រញាប់ផ្តល់ព័ត៌មានទៅកាន់នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង តាមរយៈលេខ ០១១ ៥៧៤ ៧៨៧, ០៩៥ ៣៥៩ ៣៩៩, ០១២ ៩៨៣ ៣៣៤ និង ០១២ ៨៩២ ០២២»៕
© រក្សាសិទ្ធិដោយ thmeythmey.com