ជាតិ
EDC ផ្អាកចរន្តក្នុងសង្កាត់មួយចំនួននៅភ្នំពេញដល់ថ្ងៃទី២៧ ខែឧសភា
× អគ្គិសនីកម្ពុជា (EDC) ប្រកាសផ្អាកការផ្គត់ផ្គង់អគ្គិសនីបណ្តោះអាសន្ន នៅកន្លែងមួយចំនួនក្នុងរាជធានីភ្នំពេញ ចាប់ពីថ្ងៃទី២៥ ដល់ថ្ងៃទី២៧ ខែឧសភា ឆ្នាំ២០១៨ ដើម្បីដំឡើងបរិក្ខារអគ្គិសនីថ្មី ។
សេចក្តីជូនដំណឹង របស់អគ្គិសនីកម្ពុជា បានឲ្យដឹងថា តំបន់ភ្លើងដែលនឹងត្រូវបិទ នៅថ្ងៃទី២៥ ខែឧសភា មានតំបន់ភ្លើងលេខ PT០៣៧ ក្នុងសង្កាត់ចោមចៅ៣, តំបន់ភ្លើងមួយចំនួននៅក្នុងសង្កាត់ដង្កោ សង្កាត់ព្រៃស ,តំបន់មួយចំនួននៅសង្កាត់ភ្នំពេញថ្មី, សង្កាត់ក្រាំងធ្នង់ និងតំបន់ភ្លើងមួយចំនួននៅសង្កាត់ស្ទឹងមានជ័យទី១ និងទី២។
តំបន់ភ្លើងដែលនឹងត្រូវបិទ នៅថ្ងៃទី២៦ ខែឧសភា មានតំបន់ភ្លើងលេខ P១៩២៨, P១០១៩, P២០៣៩ ក្នុងសង្កាត់គោករកា , តំបន់ភ្លើងលេខ ប.ត០៦០, PT១២៤៤ ក្នុងសង្កាត់ជ្រោយចង្វារ, , តំបន់ភ្លើងមួយចំនួន នៅក្នុងសង្កាត់ចោមចៅទី៣ និងតំបន់ភ្លើងមួយចំនួនទៀតនៅក្នុងសង្កាត់និរោធ។
តំបន់ភ្លើងដែលនឹងត្រូវបិទ នៅថ្ងៃទី២៧ ខែឧសភា មានតំបន់ភ្លើងលេខ PT១២៦៥ នៅស្រុកកៀនស្វាយ, តំបន់ភ្លើងក្នុងសង្កាត់ជ្រោយចង្វារ, សង្កាត់ព្រែកលៀប, សង្កាត់តាសេក, តំបន់ភ្លើងនៅសង្កាត់ឬស្សីកែវ សង្កាត់គីឡូម៉ែត្រលេខ៦ សង្កាត់ច្រាំងចំរេះទី១-ទី២, តំបន់ភ្លើងក្នុងសង្កាត់ក្រាំធ្នង់, សង្កាត់កាកាបទី១-ទី២ និងតំបន់ភ្លើងនៅក្នុងសង្កាត់ច្បារអំពៅទី១-ទី២ ៕
© រក្សាសិទ្ធិដោយ thmeythmey.com