ជាតិ
លោក ចៅ វាសនា អ្នកស្រាវជ្រាវអក្សរសាស្ត្រពន្យល់ពីរបៀបប្រើភាសានៅក្នុងផ្ទះបាយខ្មែរ លោក ចៅ វាសនា សាស្ត្រាចារ្យផ្នែកអក្សរសាស្រ្តខ្មែរ កំពុងពន្យល់ពាក្យ ក្នងកម្មវិធី ភាសាក្នុងផ្ទះបាយខ្មែរ
× ភ្នំពេញ៖ លោក ចៅ វាសនា អ្នកស្រាវជ្រាវផ្នែកអក្សរសាស្ត្រខ្មែរ និងជាសាស្ត្រាចារ្យផ្នែកអក្សរសាស្ត្រខ្មែរនៅសាកលវិទ្យាល័យភូមិន្ទភ្នំពេញ បានចែករំលែកបទពិសោធន៍ពីរបៀបប្រើប្រាស់ភាសាខ្មែរ ដែលរៀបចំឡើងដោយពុទ្ធសាសនាបណ្ឌិត្យ នៃក្រសួងធម្មការ និងសាសនា ស្តីអំពី «ភាសាក្នុងផ្ទះបាយខ្មែរ» ក្នុងគោលបំណងសើរើពាក្យខ្មែរដែលមានតាំងពីយូរលង់ ដើម្បីឲ្យពលរដ្ឋខ្មែរ យល់ដឹងពីអក្សរសាស្ត្រខ្មែរ។
លោក ចៅ វាសនា បានឲ្យដឹងថា កម្មវិធីនេះ នឹងជួយឲ្យពលរដ្ឋដឹងច្បាស់ពីពាក្យពេចន៍ អក្សរខ្មែរ ក្នុងភាសាផ្ទះបាយ ឬជាភាសាទូទៅ និងបានយល់ដឹងពីអ្វីទៅជាពាក្យខ្មែរពីដើម និងអ្វីទៅជាពាក្យកម្ចីពីបរទេស។ សាស្ត្រាចារ្យផ្នែកអក្សរសាស្ត្រខ្មែររូបនេះ បានបន្ថែមថា ពាក្យជាច្រើនដែលពលរដ្ឋខ្មែរ ប្រើមិនបានត្រឹមត្រូវ ហើយក៏មានពាក្យកម្ចីជាច្រើនទៀតដែលខ្មែរ យកមកប្រើជាជាងពាក្យខ្មែរដើមផងដែរ។
ជាសាស្ត្រាចារ្យផ្នែកអក្សរសាស្ត្រខ្មែរ លោក ចៅ វាសនា បានពន្យល់ពាក្យ «ជើងកាន» ជាពាក្យខ្មែរ ហើយលោកបានបង្ហាញថា ពាក្យ «ជើងកាន» ពលរដ្ឋខ្មែរ បានប្រែពាក្យនេះ ទៅជាពាក្យ «ចង្ក្រាន» ជំនួសវិញ មានន័យថា ជារបស់តម្កល់ឆ្នាំង ដើម្បីចម្អិនអាហារ។ ហើយមានពាក្យដទៃទៀតដែលប្រើជា ភាសាក្នុងផ្ទះបាយ តែមិនមែនជាពាក្យខ្មែរទេ តែខ្មែរនិយមយកប្រើ ដោយពាក្យទាំងនោះរួមមានដូចជា ចុងភៅ,មីទាញ, មីតុងយុំា,សម្លការី, សម្លចាប់ឆាយ ជាដើម៕
Tag:
ចៅ វាសនា
ភាសាផ្ទះបាយខ្មែរ
© រក្សាសិទ្ធិដោយ thmeythmey.com