អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង មូន ចេអ៊ីន អាចនឹងធ្វើដំណើរទៅកាន់សិង្ហបុរីក្នុងខែមិថុនា ដើម្បីជួបជាមួយប្រធានាធិបតីអាមេរិក និងប្រមុខដឹកនាំកូរ៉េខាងជើងដែលគ្រោងជួបគ្នាជជែកពីការលុបបំបាត់នុយក្លេអ៊ែរ។ ប៉ុន្តែ បើតាមមន្ត្រីរដ្ឋាភិបាលកូរ៉េខាងត្បូង លោក មូន មិនទាន់ច្បាស់ថា ត្រូវទៅសិង្ហបុរីឬយ៉ាងណានោះឡើយ ដោយវាអាស្រ័យលើលទ្ធផលនៃការចរចារវាងអាមេរិក និងកូរ៉េខាងជើងដែលកំពុងធ្វើឡើង។
ជំនួបត្រីភាគីអាមេរិក-កូរ៉េខាងត្បូង-កូរ៉េខាងជើង អាចកើតឡើងនៅសិង្ហបុរី ស្របពេលគ្នានឹងជំនួបប្រវត្តិសាស្ត្ររវាងប្រធានាធិបតីអាមេរិក និងមេដឹកនាំកំពូលកូរ៉េខាងជើង។ ទីភ្នាក់ងារព័ត៌មាន Yonhap បានស្រង់សម្ដីមន្ត្រីរដ្ឋាភិបាលកូរ៉េខាងត្បូងថា លោកប្រធានាធិបតី មូន ចេអ៊ីន អាចនឹងហោះទៅកាន់សិង្ហបុរីនៅថ្ងៃទី១២ ខែមិថុនា ជាថ្ងៃដែលលោក ដូណាល់ ត្រាំ និងលោក គីម ជុងអ៊ុន គ្រោងជួបគ្នាជាលើកដំបូង។
យ៉ាងណាមិញ មន្ត្រីដដែលអះអាងនៅថ្ងៃទី២៨ ខែឧសភា ថា ជំនួបត្រីភាគីកើតឡើងឬអត់ គឺអាស្រ័យលើការចរចារវាងអាមេរិក និងកូរ៉េខាងជើងដែលទើបចាប់ម្ដងទៀត ក្រោយលោក ត្រាំ លុបចោលជំនួបរួចមក។ ក្នុងករណីការចរចាមានលទ្ធផលផ្លែផ្កា លោក មូន អាចចូលរួមជាមួយលោក ត្រាំ និងលោក គីម ក្នុងជំនួបត្រីភាគីអាមេរិក-កូរ៉េខាងត្បូង-កូរ៉េខាងជើងមិនខាន។ ចាប់ពីចុងសប្ដាហ៍មុន មន្ត្រីអាមេរិក និងកូរ៉េខាងជើងបានជួបគ្នានៅតំបន់គ្មានកងទ័ព DMZ ដើម្បីជជែកពីការរៀបចំជំនួបនៅសិង្ហបុរី។
ជំនួបត្រីភាគីនេះត្រូវបានលើកឡើងដោយលោក មូន និងលោក គីម ក្នុងជំនួបមេដឹកនាំកូរ៉េទាំងពីរកាលថ្ងៃទី២៧ ខែមេសា។ ប្រធានាធិបតីកូរ៉េខាងត្បូងបានលើកឡើងពីជំនួបមេដឹកនាំប្រទេសទាំងបីនៅថ្ងៃទី២៧ ខែឧសភា ក្នុងសន្និសីទសារព័ត៌មានស្ដីពីលទ្ធផលជំនួបជាមួយលោក គីម ដែលធ្វើឡើងមុនមួយថ្ងៃ។ លោកនិយាយថា បើជំនួបអាមេរិក-កូរ៉េខាងជើងជោគជ័យ លោកចង់ឃើញការបញ្ចប់សង្គ្រាមកូរ៉េផ្លូវការតាមរយៈជំនួបត្រីភាគី។
ក្នុងករណីកើតឡើងមែននោះ ក្រៅពីចង់បញ្ចប់សង្គ្រាម ជំនួបត្រីភាគីនេះក៏ផ្ដោតលើបញ្ហានុយក្លេអ៊ែរកូរ៉េខាងជើងផង។ តាមរយៈកិច្ចចរចានេះ កូរ៉េខាងជើងអាចទទួលបានការធានាសុវត្ថិភាពសម្រាប់របបដឹកនាំរបស់ខ្លួន បើយល់ព្រមរំសាយនុយក្លេអ៊ែរ ដោយសារលោក ត្រាំ ធ្លាប់បានសន្យាឲ្យលោក គីម អាចដឹកនាំកូរ៉េខាងជើងដដែល។ សម្រាប់បញ្ហានេះ លោក គីម ក៏ធ្លាប់អះអាងដែរថា កូរ៉េខាងជើងមិនចាំបាច់មាននុយក្លេអ៊ែរឡើយ បើមានការធានាសន្តិសុខនោះ។
ទោះជាការចរចារវាងមន្ត្រីអាមេរិក និងកូរ៉េខាងជើងធ្វើឡើងញាប់ដៃញាប់ជើងក្ដី គេនៅមិនទាន់ច្បាស់ពីជំនួបរវាងលោក ត្រាំ និងលោក គីម ដដែល។ ប៉ុន្តែលោក ត្រាំ ហាក់មានសុទិដ្ឋិនិយមខ្ពស់ចំពោះលទ្ធភាពដែលជំនួបនៅសិង្ហបុរីអាចកើតឡើងតាមការគ្រោងទុក ទោះជាលោកជាប់ឈ្មោះជាអ្នកលុបចោលជំនួបកាលពីសប្ដាហ៍មុនក៏ដោយចុះ៕
ជំនួបត្រីភាគីអាមេរិក-កូរ៉េខាងត្បូង-កូរ៉េខាងជើង អាចកើតឡើងនៅសិង្ហបុរី ស្របពេលគ្នានឹងជំនួបប្រវត្តិសាស្ត្ររវាងប្រធានាធិបតីអាមេរិក និងមេដឹកនាំកំពូលកូរ៉េខាងជើង។ ទីភ្នាក់ងារព័ត៌មាន Yonhap បានស្រង់សម្ដីមន្ត្រីរដ្ឋាភិបាលកូរ៉េខាងត្បូងថា លោកប្រធានាធិបតី មូន ចេអ៊ីន អាចនឹងហោះទៅកាន់សិង្ហបុរីនៅថ្ងៃទី១២ ខែមិថុនា ជាថ្ងៃដែលលោក ដូណាល់ ត្រាំ និងលោក គីម ជុងអ៊ុន គ្រោងជួបគ្នាជាលើកដំបូង។
យ៉ាងណាមិញ មន្ត្រីដដែលអះអាងនៅថ្ងៃទី២៨ ខែឧសភា ថា ជំនួបត្រីភាគីកើតឡើងឬអត់ គឺអាស្រ័យលើការចរចារវាងអាមេរិក និងកូរ៉េខាងជើងដែលទើបចាប់ម្ដងទៀត ក្រោយលោក ត្រាំ លុបចោលជំនួបរួចមក។ ក្នុងករណីការចរចាមានលទ្ធផលផ្លែផ្កា លោក មូន អាចចូលរួមជាមួយលោក ត្រាំ និងលោក គីម ក្នុងជំនួបត្រីភាគីអាមេរិក-កូរ៉េខាងត្បូង-កូរ៉េខាងជើងមិនខាន។ ចាប់ពីចុងសប្ដាហ៍មុន មន្ត្រីអាមេរិក និងកូរ៉េខាងជើងបានជួបគ្នានៅតំបន់គ្មានកងទ័ព DMZ ដើម្បីជជែកពីការរៀបចំជំនួបនៅសិង្ហបុរី។
ជំនួបត្រីភាគីនេះត្រូវបានលើកឡើងដោយលោក មូន និងលោក គីម ក្នុងជំនួបមេដឹកនាំកូរ៉េទាំងពីរកាលថ្ងៃទី២៧ ខែមេសា។ ប្រធានាធិបតីកូរ៉េខាងត្បូងបានលើកឡើងពីជំនួបមេដឹកនាំប្រទេសទាំងបីនៅថ្ងៃទី២៧ ខែឧសភា ក្នុងសន្និសីទសារព័ត៌មានស្ដីពីលទ្ធផលជំនួបជាមួយលោក គីម ដែលធ្វើឡើងមុនមួយថ្ងៃ។ លោកនិយាយថា បើជំនួបអាមេរិក-កូរ៉េខាងជើងជោគជ័យ លោកចង់ឃើញការបញ្ចប់សង្គ្រាមកូរ៉េផ្លូវការតាមរយៈជំនួបត្រីភាគី។
ក្នុងករណីកើតឡើងមែននោះ ក្រៅពីចង់បញ្ចប់សង្គ្រាម ជំនួបត្រីភាគីនេះក៏ផ្ដោតលើបញ្ហានុយក្លេអ៊ែរកូរ៉េខាងជើងផង។ តាមរយៈកិច្ចចរចានេះ កូរ៉េខាងជើងអាចទទួលបានការធានាសុវត្ថិភាពសម្រាប់របបដឹកនាំរបស់ខ្លួន បើយល់ព្រមរំសាយនុយក្លេអ៊ែរ ដោយសារលោក ត្រាំ ធ្លាប់បានសន្យាឲ្យលោក គីម អាចដឹកនាំកូរ៉េខាងជើងដដែល។ សម្រាប់បញ្ហានេះ លោក គីម ក៏ធ្លាប់អះអាងដែរថា កូរ៉េខាងជើងមិនចាំបាច់មាននុយក្លេអ៊ែរឡើយ បើមានការធានាសន្តិសុខនោះ។
ទោះជាការចរចារវាងមន្ត្រីអាមេរិក និងកូរ៉េខាងជើងធ្វើឡើងញាប់ដៃញាប់ជើងក្ដី គេនៅមិនទាន់ច្បាស់ពីជំនួបរវាងលោក ត្រាំ និងលោក គីម ដដែល។ ប៉ុន្តែលោក ត្រាំ ហាក់មានសុទិដ្ឋិនិយមខ្ពស់ចំពោះលទ្ធភាពដែលជំនួបនៅសិង្ហបុរីអាចកើតឡើងតាមការគ្រោងទុក ទោះជាលោកជាប់ឈ្មោះជាអ្នកលុបចោលជំនួបកាលពីសប្ដាហ៍មុនក៏ដោយចុះ៕
Tag:
ដូណាល់ ត្រាំ
គីម ជុងអ៊ុន
មូន ចេអ៊ីន
សិង្ហបុរី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
