ជាតិ
បទសម្ភាសន៍
វីដេអូ
ឆ្នាំនេះទឹកឃ្មុំ សម្បូរជាងឆ្នាំមុន ដោយសារមានភ្លៀងកក់ខែច្រើន
× ភ្នំពេញ៖ អាកាសធាតុអំណោយផល បានធ្វើឲ្យទឹកឃ្មុំព្រៃ ទទួលបានផលច្រើនជាងបណ្ដាឆ្នាំមុនៗ។ ភ្លៀងធ្លាក់ខែច្រើន ធ្វើឲ្យរុក្ខជាតិនានានៅក្នុងព្រៃលូតលាស់ ដែលផ្ដល់ឱកាសឲ្យឃ្មុំអាចក្រេបលម្អងផ្កា ឬរុក្ខជាតិផ្សេងៗកាន់តែច្រើន។ បើលោក សាត វីរ៉ៃ មន្ត្រីអភិវឌ្ឍសហគ្រាសជាន់ខ្ពស់នៃអង្គការ NTFP-EP ការប្រមូលទឹកឃ្មុំក្នុងឆ្នាំនេះ ទទួលបានផលច្រើន ដោយសារកត្តាធនធានព្រៃឈើ និងអាកាសធាតុ។ លោក វីរ៉ែ បន្ថែមថា ខេត្តដែលសម្បូរទឹកឃ្មុំច្រើនជាងគេ រួមមានខេត្តមណ្ឌលគិរី និងខេត្តកោះកុង។
ក្នុងបទសម្ភាសន៍ជាមួយសារព័ត៌មាន Thmeythmey លោក សាត វីរ៉ៃ មន្ត្រីអភិវឌ្ឍសហគ្រាសជាន់ខ្ពស់នៃអង្គការ NTFP-EP បានបញ្ជាក់ថា ទឹកឃ្មុំនៅតាមបណ្ដាខេត្តមួយចំនួន មានរសជាតិខុសគ្នាៗ ប៉ុន្តែភាពជាឱសថរបស់វានៅតែល្អ។ លោក សាត វីរ៉ៃ បន្តថា ទឹកឃ្មុំខេត្តមណ្ឌលគិរី មានរសជាតិផ្អែមមុត ដោយខុសពីខេត្តព្រះវិហារ ដែលមានរសជាតិផ្អែមស្រាល ឯខេត្តកោះកុងវិញ មានរសជាតិផ្អែមតិចៗនិងជាតិល្វីង។
ដើម្បីជ្រាបច្បាស់ សូមអញ្ជើញទស្សនាបទសម្ភាសន៍រវាងកញ្ញា ញឹក ស្រីល័ក្ខ អ្នកយកព័ត៌មាន thmeythmey.com ជាមួយលោក សាត វីរ៉ៃ មន្ត្រីអភិវឌ្ឍសហគ្រាសជាន់ខ្ពស់នៃអង្គការ NTFP-EP ដូចតទៅ៖
Tag:
ទឹកឃ្មុំ
សម្បូរ
ភ្លៀង
© រក្សាសិទ្ធិដោយ thmeythmey.com