អន្តរជាតិ
×![]()
ដោយ: ថ្មីៗ
Op-Ed ពីលោកស្រី Federica Mogheriniតំណាងជាន់ខ្ពស់សហភាពអឺរ៉ុប ទទួលបន្ទុកកិច្ចការបរទេស និងគោលនយោបាយសន្តិសុខ/និងជាអនុប្រធានគណៈកម្មាការអឺរ៉ុប
អឺរ៉ុប និងអាស៊ី មិនដែលនៅកៀកគ្នាបែបនេះឡើយកន្លងមក។ សេដ្ឋកិច្ចរបស់យើង បានផ្សារភ្ជាប់ទំនាក់ទំនងជាមួយគ្នាទៅវិញទៅមក។ វប្បធម៌របស់យើងក៏បានផ្សារភ្ជាប់ទំនាក់ទំនងជាមួយគ្នាទៅវិញទៅមក ហើយសន្តិសុខរបស់យើងក៏បានផ្សារភ្ជាប់ទំនាក់ទំនងជាមួយគ្នា៖ យើងជួបប្រទះបញ្ហាប្រឈមដូចគ្នា យើងប្រឈមនឹងការគំរាមកំហែងស្រដៀងគ្នា ហើយយើងមានគោលបំណងដូចគ្នា ក្នុងការរក្សាសន្តិភាពនៅក្នុងតំបន់របស់យើង ក៏ដូចជា កិច្ចសហប្រតិបត្តិការអន្តរជាតិនៅទូទាំងសកលលោកទាំងមូល។
កាលពីម្សិលមិញ រដ្ឋមន្ត្រីនៃរដ្ឋជាសមាជិកទាំង ២៨ របស់សហភាពអឺរ៉ុប បានសម្រេចចិត្តរួមគ្នាថា យើងនឹងបង្កើនកិច្ចសហប្រតិបត្តិការផ្នែកសន្តិសុខរបស់យើង នៅក្នុងអាស៊ី និងជាមួយអាស៊ី ជាផ្នែកមួយនៃយុទ្ធសាស្ត្រអឺរ៉ុប-អាស៊ី ដែលកាន់តែមានលក្ខណៈទូលំទូលាយជាងមុន។ ពេលដែលអ្នកនៅអឺរ៉ុប និងអ្នកនៅអាស៊ីចាត់ទុកខ្លួនឯងថា ជាមិត្តភក្តិដែលស្ថិតនៅឆ្ងាយពីគ្នា លែងមានទៀតហើយ។ ដើម្បីរក្សា និងពង្រឹងកិច្ចសហប្រតិបត្តិការសេដ្ឋកិច្ចរបស់យើង យើងក៏ចាំបាច់ត្រូវផ្តោតការយកចិត្តទុកដាក់រួមគ្នា លើសន្តិសុខពិភពលោកផងដែរ។
នៅអាស៊ី ក៏ដូចជានៅកន្លែងដទៃទៀតដែរ មុខមាត់ផ្នែកសេដ្ឋកិច្ចរបស់អឺរ៉ុប គឺជាមុខមាត់ដែលមនុស្សស្គាល់ភាគច្រើន ។ វាមានទំនាក់ទំនងជាមួយនឹងតួនាទីរបស់យើង ក្នុងនាមជាប្លុកពាណិជ្ជកម្មធំជាងគេរបស់ពិភពលោក ដោយសារតែយើង គឺជាអ្នកវិនិយោគលេខ ១ ឬលេខ ២ ក្នុងបណ្ដាប្រទេសអាស៊ីភាគច្រើន ហើយដោយសារយើង គឺជាអ្នកផ្ដល់ជំនួយអភិវឌ្ឍន៍ធំជាងគេរបស់ពិភពលោក។
ប៉ុន្តែ អ្វីដែលគួរឱ្យភ្ញាក់ផ្អើល នោះគឺកិច្ចសហប្រតិបត្តិការរួមគ្នារបស់យើងក្នុងវិស័យសន្តិសុខ បែរជាក្លាយទៅជាវិស័យ ដែលកំពុងមានការរីកចម្រើនជាងគេទៅវិញ បើគិតពីការពង្រីកកិច្ចសហប្រតិបត្តិការរបស់យើង ជាមួយនឹងដៃគូនៅអាស៊ី។ ការបង្កើនកិច្ចសហប្រតិបត្តិការក្នុងវិស័យសន្តិសុខនេះ ឆ្លុះបញ្ចាំងការផ្លាស់ប្ដូរចំនួនពីរ។ ទី ១ ដៃគូរបស់យើងនៅអាស៊ី កាន់តែចង់ឱ្យសហភាពអឺរ៉ុបមានវត្តមានក្នុងតំបន់នេះ និងពង្រឹងកិច្ចសហប្រតិបត្តិការបន្ថែមទៀតនៅក្នុងតំបន់នេះ។ គុណតម្លៃបន្ថែមរបស់យើង កើតចេញជាពិសេសពីបទពិសោធន៍របស់យើង ជាមួយនឹងការប្រើប្រាស់អភិក្រមសហប្រតិបត្តិការក្នុងវិស័យសន្តិសុខនៅថ្នាក់តំបន់ ក្នុងការគ្រប់គ្រងវិបត្តិ ហើយជំនាញប្រភេទនេះ កំពុងមានតម្រូវការខ្ពស់។ ទី ២ សហភាពអឺរ៉ុបខ្លួនឯង បានបោះជំហានប្រកបដោយមហិច្ឆតាខ្ពស់ ដើម្បីពង្រឹងសមត្ថភាពរបស់ខ្លួន ក្នុងវិស័យការពារជាតិ។ យើងមិនត្រឹមតែជាដៃគូពាណិជ្ជកម្ម ដែលអាចជឿទុកចិត្តបានប៉ុណ្ណោះទេ ហើយក៏មិនត្រឹមតែជាសសរស្ដម្ភនៃកិច្ចសហប្រតិបត្តិការពហុភាគីប៉ុណ្ណោះទេ សហភាពអឺរ៉ុប ក៏ជាតួអង្គការសំខាន់ក្នុងវិស័យសន្តិសុខផងដែរ។
បច្ចុប្បន្ននេះ សហភាពអឺរ៉ុបមានបេសកកម្មស៊ីវិល និងយោធា ចំនួន ១៦ ទូទាំងសកលលោក៖ យើង ផ្តល់ការបំពាក់បំប៉នដល់កម្លាំងប្រដាប់អាវុធក្នុងប្រទេសម៉ាលី, យើងផ្ដល់ដំបូន្មានដល់អាជ្ញាធរអ៊ុយក្រែន និង អ៊ីរ៉ាក់អំពីកំណែទម្រង់វិស័យសន្តិសុខស៊ីវិលរបស់ពួកគេ, យើងប្រយុទ្ធប្រឆាំងនឹងចោរសមុទ្រនៅសមុទ្រឥណ្ឌា។ កាលពីពេលថ្មីៗនេះ រួមគ្នាជាមួយនឹងរដ្ឋជាសមាជិកសហភាពអឺរ៉ុប យើងបានប្រកាសចាប់ផ្ដើមកម្មវិធី “សហប្រតិបត្តិការអចិន្ត្រៃយ៍ ដោយមានរចនាសម្ព័ន្ធច្បាស់លាស់ (Permanent Structured Cooperation)” សម្រាប់ វិស័យសន្តិសុខ និងវិស័យការពារជាតិ, យើងកំពុងរួមកម្លាំងគ្នា ដើម្បីក្លាយជាអ្នកផ្ដល់សេវាសន្តិសុខ ដែលកាន់តែអាចជឿទុកចិត្តខ្ពស់ជាងមុន។ រដ្ឋជាសមាជិករបស់យើងបានប្ដេជ្ញាធ្វើការវិនិយោគរួមគ្នាលើគម្រោងជាច្រើន ចាប់ពីការឆ្លើយតបបែបរហ័ស ចំពោះការវាយប្រហារតាមប្រព័ន្ធអ៊ិនធឺណែត រហូតដល់ការបង្កើតប្រព័ន្ធប្រើប្រាស់នវានុវត្តន៍ សម្រាប់សន្តិសុខផ្ទៃសមុទ្រ រហូតដល់មជ្ឈមណ្ឌលបណ្ដុះបណ្ដាលអឺរ៉ុបសម្រាប់កងកម្លាំងរបស់យើង ដែលធ្វើអន្តរាគមន៍ក្នុងករណីមានគ្រោះមហន្តរាយធម្មជាតិកើតមានឡើង។ ខ្ញុំក៏បានលើកស្នើឱ្យមានការបង្កើតមូលនិធិថ្មីមួយ ក្រៅក្របខ័ណ្ឌថវិការបស់សហភាពអឺរ៉ុប ដើម្បីជួយពង្រឹងសមត្ថភាពសន្តិសុខដៃគូរបស់យើងផងដែរ។
រួមគ្នាសហភាពអឺរ៉ុប និងរដ្ឋជាសមាជិក មានថវិកាការពារជាតិច្រើនជាងគេលំដាប់ទី ២ នៅក្នុងពិភពលោក ដូច្នេះសហភាពអឺរ៉ុបមានសក្ដានុពលយ៉ាងធំធេងក្នុងកិច្ចសហប្រតិបត្តិការលើវិស័យការពារជាតិ។ យើងក៏បានបោះជំហានធំៗសំខាន់ៗជាច្រើននៅក្នុងឆ្នាំកន្លងទៅនេះ ដែលជាការឆ្លុះបញ្ចាំងថា ប្រជាពលរដ្ឋនៅអឺរ៉ុប ក៏ដូចជា ប្រជាពលរដ្ឋនៅក្នុងពិភពលោកទាំងមូល កាន់តែពឹងអាស្រ័យលើសហភាពអឺរ៉ុបក្នុងការផ្ដល់ការការពារដល់ពួកគេ ហើយនិន្នាការនេះនឹងនៅតែបន្តមានទៀត។
ចាប់តាំងពីការសហការដំបូងរបស់យើងក្នុងដំណើរការការពារសន្តិភាពនៅក្នុងខេត្តអាឆេ ប្រទេសឥណ្ឌូនេស៊ី ប្រមាណជិត ១៥ ឆ្នាំកន្លងទៅនេះ យើងបានពង្រីកកិច្ចសហប្រតិបត្តិការផ្នែកសន្តិសុខរបស់យើងនៅអាស៊ី និងជាមួយអាស៊ី ក្នុងកម្រិតធំធេង៖ យើងកំពុងធ្វើការងាររួមគ្នាក្នុងវិស័យសន្តិសុខតាមប្រព័ន្ធអ៊ិនធឺណែត ការប្រឆាំងអំពើភេរវកម្ម ការទប់ស្កាត់ការសាយភាយអាវុធប្រល័យលោក ក៏ដូចជា គាំទ្រដល់ដំណើរការរក្សាសន្តិភាពនៅក្នុងតំបន់ទាំងមូល ចាប់ពីប្រទេសអាហ្កានីស្ថាន រហូតដល់តំបន់មីណាណាវ រហូតដល់ប្រទេសមីយ៉ានម៉ា។ យើងក៏បានទទួលការរួមចំណែកជាក់លាក់ពីដៃគូជាច្រើននៅអាស៊ី ក្នុងការប្រយុទ្ធនឹងចោរសមុទ្រ នៅតាមបណ្ដោយឆ្នេរសុម៉ាលីផងដែរ។ នៅក្នុងបរិបទនៃវេទិកាប្រចាំតំបន់អាស៊ានវិញ យើងកំពុងធ្វើការងាររួមគ្នាជាមួយប្រទេសវៀតណាម និងអូស្ត្រាលី ក្នុងវិស័យសន្តិសុខលើផ្ទៃសមុទ្រ។ យើងក៏បានចុះកិច្ចសន្យាក្នុងវិស័យយោធាកាន់តែច្រើនជាងមុន ជាមួយនឹងប្រទេសនានានៅអាស៊ីផងដែរ ឧទាហរណ៍ ប្រធានគណៈកម្មាធិការយោធារបស់សហភាពអឺរ៉ុប បានធ្វើការពិភាក្សាជាមួយនឹងសមភាគីរបស់លោកនៅក្នុងទីក្រុងប៉េកាំង អ៊ិស្លាមបាត និងសេអ៊ូល។ល។ ដែលនេះគ្រាន់តែជាដៃគូមួយចំនួនតូចតែប៉ុណ្ណោះ។ យើងក៏បានពង្រាយអ្នកជំនាញខាងសន្តិសុខទៅកាន់ស្ថានទូតសហភាពអឺរ៉ុបជាច្រើន នៅអាស៊ីផងដែរ។
ប្រហែលជាបញ្ហាសំខាន់ និងបន្ទាន់ជាងគេក្នុងកិច្ចសហប្រតិបត្តិវិស័យសន្តិសុខរវាងសហភាពអឺរ៉ុប និងអាស៊ីនៅពេលនេះ គឺការទប់ស្កាត់ការសាយភាយអាវុធនុយក្លេអ៊ែរ។ យើងមានចំណាប់អារម្មណ៍រួមគ្នាក្នុងការជួយបង្កើតឱ្យមានកិច្ចព្រមព្រៀងនុយក្លេអ៊ែរជាមួយប្រទេសអឺរ៉ង់ និងគាំទ្រដល់កិច្ចចរចាបង្ការការសាយភាយអាវុធនុយក្លេអ៊ែរនៅក្នុងឧបទ្វីបកូរ៉េ។ នេះគឺជាមូលហេតុ ដែលសហភាពអឺរ៉ុបបានសហការយ៉ាងពេញលេញជាមួយនឹងបណ្ដាដៃគូនានា នៅអាស៊ីជុំវិញបញ្ហាបន្ទាន់ទាំងពីរនេះ។ ប្រទេសចិនគឺជាហត្ថលេខីមួយនៃផែនការសកម្មភាពគ្រប់ជ្រុងជ្រោយរួមគ្នា ហើយក្នុងពេលជាមួយគ្នា ចិនក៏ជាប្រទេសដ៏សំខាន់ក្នុងកិច្ចខិតខំប្រឹងប្រែងជាសកល ដើម្បីលុបបំបាត់ការសាយភាយអាវុធនុយក្លេអ៊ែរក្នុងឧបទ្វីបកូរ៉េឱ្យបានពេញលេញ អាចផ្ទៀងផ្ទាត់បាន និងមិនអាចប្តូរត្រឡប់ទៅរកអតីតកាលវិញបាន។ ដូចគ្នានេះដែរ ប្រទេសជប៉ុន សាធារណរដ្ឋកូរ៉េ និងប្រទេសដទៃទៀត សុទ្ធតែជាប្រទេសដែលទទួលបានប្រយោជន៍ខ្ពស់ក្នុងការធានាយ៉ាងណាឱ្យកិច្ចព្រមព្រៀងនុយក្លេអ៊ែរជាមួយនឹងប្រទេសអឺរ៉ង់ត្រូវបានរក្សា និងលុបបំបាត់ការសាយភាយអាវុធនុយក្លេអ៊ែរក្នុងឧបទ្វីបកូរ៉េ។ យើងទាំងអស់គ្នាសុទ្ធតែជាអ្នកធ្វើកិច្ចការទាំងអស់នេះ។ សន្តិភាពពិភពលោកតម្រូវឱ្យមានកិច្ចខិតខំប្រែងទូទាំងសកលលោក។
ជាជំហានបន្ទាប់ ដូចដែលគូសបញ្ជាក់ដោយរដ្ឋមន្ត្រីក្រសួងការបរទេសសហភាពអឺរ៉ុបកាលពីម្សិលមិញ នេះ យើងចាំបាច់ត្រូវបន្តអនុវត្តសកម្មភាពថ្មីៗ។ សហភាពអឺរ៉ុបនឹងពង្រីកកិច្ចសហប្រតិបត្តិការរបស់ខ្លួនជាមួយដៃគូនៅអាស៊ីក្នុងវិស័យផ្សេងៗ ដូចជា កសាងសមត្ថភាពកម្មវិធីបណ្ដុះបណ្ដាល រាប់បញ្ចូលទាំងបេសកកម្មរក្សាសន្តិភាព របស់សហប្រជាជាតិផង និងការធ្វើសមយុទ្ធរួមគ្នាជាដើម។
ក្នុងនាមជាសហភាពអឺរ៉ុប យើងដឹងថាបន្ទាប់ពីជម្លោះរាប់សតវត្សរ៍បានធ្វើឱ្យទ្វីបរបស់យើងជួបប្រទះនឹងការបែកបាក់ កិច្ចសហប្រតិបត្តិការមានសារៈសំខាន់យ៉ាងខ្លាំងចំពោះសន្តិភាព ហើយសន្តិភាពនឹងនាំមកនូវវិបុលភាព។ ប៉ុន្តែ នៅក្នុងពិភពលោកនាពេលបច្ចុប្បន្ននេះ ជារឿយៗការគិតជាឯកតោភាគី តែងទទួលបានអាទិភាពជាងការស្វែងរកគោលជំហររួមគ្នា។ តួអង្គច្រើនពន់ពេក ដែលប្រើប្រាស់ការប្រឈមមុខដាក់គ្នា ដើម្បីសម្រេចគោលដៅរយៈពេលខ្លីរបស់ពួកគេ ចៀសជាងកសាងដំណោះស្រាយប្រកបដោយចីរភាព តាមរយៈការផ្សះផ្សារគ្នា។ ជាមួយនឹងបរិការណ៍នេះ អ្នកដែលជឿលើលំដាប់លំដោយក្នុងពិភពលោក ក្នុងលក្ខណៈពហុភាគី គឺជាអ្នកដែលនឹងទទួលបានផលប្រយោជន៍ និងមានកាតព្វកិច្ចចូលរួមកម្លាំងគ្នា។ អឺរ៉ុប និងអាស៊ីរួមគ្នាអាចក្លាយជាកម្លាំងចលករក្នុងការប្រើប្រាស់អភិក្រមលើកកម្ពស់កិច្ចសហប្រតិបត្តិការក្នុងនយោបាយរបស់ពិភពលោក។
អឺរ៉ុប និងអាស៊ី មិនដែលនៅកៀកគ្នាបែបនេះឡើយកន្លងមក។ សេដ្ឋកិច្ចរបស់យើង បានផ្សារភ្ជាប់ទំនាក់ទំនងជាមួយគ្នាទៅវិញទៅមក។ វប្បធម៌របស់យើងក៏បានផ្សារភ្ជាប់ទំនាក់ទំនងជាមួយគ្នាទៅវិញទៅមក ហើយសន្តិសុខរបស់យើងក៏បានផ្សារភ្ជាប់ទំនាក់ទំនងជាមួយគ្នា៖ យើងជួបប្រទះបញ្ហាប្រឈមដូចគ្នា យើងប្រឈមនឹងការគំរាមកំហែងស្រដៀងគ្នា ហើយយើងមានគោលបំណងដូចគ្នា ក្នុងការរក្សាសន្តិភាពនៅក្នុងតំបន់របស់យើង ក៏ដូចជា កិច្ចសហប្រតិបត្តិការអន្តរជាតិនៅទូទាំងសកលលោកទាំងមូល។
កាលពីម្សិលមិញ រដ្ឋមន្ត្រីនៃរដ្ឋជាសមាជិកទាំង ២៨ របស់សហភាពអឺរ៉ុប បានសម្រេចចិត្តរួមគ្នាថា យើងនឹងបង្កើនកិច្ចសហប្រតិបត្តិការផ្នែកសន្តិសុខរបស់យើង នៅក្នុងអាស៊ី និងជាមួយអាស៊ី ជាផ្នែកមួយនៃយុទ្ធសាស្ត្រអឺរ៉ុប-អាស៊ី ដែលកាន់តែមានលក្ខណៈទូលំទូលាយជាងមុន។ ពេលដែលអ្នកនៅអឺរ៉ុប និងអ្នកនៅអាស៊ីចាត់ទុកខ្លួនឯងថា ជាមិត្តភក្តិដែលស្ថិតនៅឆ្ងាយពីគ្នា លែងមានទៀតហើយ។ ដើម្បីរក្សា និងពង្រឹងកិច្ចសហប្រតិបត្តិការសេដ្ឋកិច្ចរបស់យើង យើងក៏ចាំបាច់ត្រូវផ្តោតការយកចិត្តទុកដាក់រួមគ្នា លើសន្តិសុខពិភពលោកផងដែរ។
នៅអាស៊ី ក៏ដូចជានៅកន្លែងដទៃទៀតដែរ មុខមាត់ផ្នែកសេដ្ឋកិច្ចរបស់អឺរ៉ុប គឺជាមុខមាត់ដែលមនុស្សស្គាល់ភាគច្រើន ។ វាមានទំនាក់ទំនងជាមួយនឹងតួនាទីរបស់យើង ក្នុងនាមជាប្លុកពាណិជ្ជកម្មធំជាងគេរបស់ពិភពលោក ដោយសារតែយើង គឺជាអ្នកវិនិយោគលេខ ១ ឬលេខ ២ ក្នុងបណ្ដាប្រទេសអាស៊ីភាគច្រើន ហើយដោយសារយើង គឺជាអ្នកផ្ដល់ជំនួយអភិវឌ្ឍន៍ធំជាងគេរបស់ពិភពលោក។
ប៉ុន្តែ អ្វីដែលគួរឱ្យភ្ញាក់ផ្អើល នោះគឺកិច្ចសហប្រតិបត្តិការរួមគ្នារបស់យើងក្នុងវិស័យសន្តិសុខ បែរជាក្លាយទៅជាវិស័យ ដែលកំពុងមានការរីកចម្រើនជាងគេទៅវិញ បើគិតពីការពង្រីកកិច្ចសហប្រតិបត្តិការរបស់យើង ជាមួយនឹងដៃគូនៅអាស៊ី។ ការបង្កើនកិច្ចសហប្រតិបត្តិការក្នុងវិស័យសន្តិសុខនេះ ឆ្លុះបញ្ចាំងការផ្លាស់ប្ដូរចំនួនពីរ។ ទី ១ ដៃគូរបស់យើងនៅអាស៊ី កាន់តែចង់ឱ្យសហភាពអឺរ៉ុបមានវត្តមានក្នុងតំបន់នេះ និងពង្រឹងកិច្ចសហប្រតិបត្តិការបន្ថែមទៀតនៅក្នុងតំបន់នេះ។ គុណតម្លៃបន្ថែមរបស់យើង កើតចេញជាពិសេសពីបទពិសោធន៍របស់យើង ជាមួយនឹងការប្រើប្រាស់អភិក្រមសហប្រតិបត្តិការក្នុងវិស័យសន្តិសុខនៅថ្នាក់តំបន់ ក្នុងការគ្រប់គ្រងវិបត្តិ ហើយជំនាញប្រភេទនេះ កំពុងមានតម្រូវការខ្ពស់។ ទី ២ សហភាពអឺរ៉ុបខ្លួនឯង បានបោះជំហានប្រកបដោយមហិច្ឆតាខ្ពស់ ដើម្បីពង្រឹងសមត្ថភាពរបស់ខ្លួន ក្នុងវិស័យការពារជាតិ។ យើងមិនត្រឹមតែជាដៃគូពាណិជ្ជកម្ម ដែលអាចជឿទុកចិត្តបានប៉ុណ្ណោះទេ ហើយក៏មិនត្រឹមតែជាសសរស្ដម្ភនៃកិច្ចសហប្រតិបត្តិការពហុភាគីប៉ុណ្ណោះទេ សហភាពអឺរ៉ុប ក៏ជាតួអង្គការសំខាន់ក្នុងវិស័យសន្តិសុខផងដែរ។
បច្ចុប្បន្ននេះ សហភាពអឺរ៉ុបមានបេសកកម្មស៊ីវិល និងយោធា ចំនួន ១៦ ទូទាំងសកលលោក៖ យើង ផ្តល់ការបំពាក់បំប៉នដល់កម្លាំងប្រដាប់អាវុធក្នុងប្រទេសម៉ាលី, យើងផ្ដល់ដំបូន្មានដល់អាជ្ញាធរអ៊ុយក្រែន និង អ៊ីរ៉ាក់អំពីកំណែទម្រង់វិស័យសន្តិសុខស៊ីវិលរបស់ពួកគេ, យើងប្រយុទ្ធប្រឆាំងនឹងចោរសមុទ្រនៅសមុទ្រឥណ្ឌា។ កាលពីពេលថ្មីៗនេះ រួមគ្នាជាមួយនឹងរដ្ឋជាសមាជិកសហភាពអឺរ៉ុប យើងបានប្រកាសចាប់ផ្ដើមកម្មវិធី “សហប្រតិបត្តិការអចិន្ត្រៃយ៍ ដោយមានរចនាសម្ព័ន្ធច្បាស់លាស់ (Permanent Structured Cooperation)” សម្រាប់ វិស័យសន្តិសុខ និងវិស័យការពារជាតិ, យើងកំពុងរួមកម្លាំងគ្នា ដើម្បីក្លាយជាអ្នកផ្ដល់សេវាសន្តិសុខ ដែលកាន់តែអាចជឿទុកចិត្តខ្ពស់ជាងមុន។ រដ្ឋជាសមាជិករបស់យើងបានប្ដេជ្ញាធ្វើការវិនិយោគរួមគ្នាលើគម្រោងជាច្រើន ចាប់ពីការឆ្លើយតបបែបរហ័ស ចំពោះការវាយប្រហារតាមប្រព័ន្ធអ៊ិនធឺណែត រហូតដល់ការបង្កើតប្រព័ន្ធប្រើប្រាស់នវានុវត្តន៍ សម្រាប់សន្តិសុខផ្ទៃសមុទ្រ រហូតដល់មជ្ឈមណ្ឌលបណ្ដុះបណ្ដាលអឺរ៉ុបសម្រាប់កងកម្លាំងរបស់យើង ដែលធ្វើអន្តរាគមន៍ក្នុងករណីមានគ្រោះមហន្តរាយធម្មជាតិកើតមានឡើង។ ខ្ញុំក៏បានលើកស្នើឱ្យមានការបង្កើតមូលនិធិថ្មីមួយ ក្រៅក្របខ័ណ្ឌថវិការបស់សហភាពអឺរ៉ុប ដើម្បីជួយពង្រឹងសមត្ថភាពសន្តិសុខដៃគូរបស់យើងផងដែរ។
រួមគ្នាសហភាពអឺរ៉ុប និងរដ្ឋជាសមាជិក មានថវិកាការពារជាតិច្រើនជាងគេលំដាប់ទី ២ នៅក្នុងពិភពលោក ដូច្នេះសហភាពអឺរ៉ុបមានសក្ដានុពលយ៉ាងធំធេងក្នុងកិច្ចសហប្រតិបត្តិការលើវិស័យការពារជាតិ។ យើងក៏បានបោះជំហានធំៗសំខាន់ៗជាច្រើននៅក្នុងឆ្នាំកន្លងទៅនេះ ដែលជាការឆ្លុះបញ្ចាំងថា ប្រជាពលរដ្ឋនៅអឺរ៉ុប ក៏ដូចជា ប្រជាពលរដ្ឋនៅក្នុងពិភពលោកទាំងមូល កាន់តែពឹងអាស្រ័យលើសហភាពអឺរ៉ុបក្នុងការផ្ដល់ការការពារដល់ពួកគេ ហើយនិន្នាការនេះនឹងនៅតែបន្តមានទៀត។
ចាប់តាំងពីការសហការដំបូងរបស់យើងក្នុងដំណើរការការពារសន្តិភាពនៅក្នុងខេត្តអាឆេ ប្រទេសឥណ្ឌូនេស៊ី ប្រមាណជិត ១៥ ឆ្នាំកន្លងទៅនេះ យើងបានពង្រីកកិច្ចសហប្រតិបត្តិការផ្នែកសន្តិសុខរបស់យើងនៅអាស៊ី និងជាមួយអាស៊ី ក្នុងកម្រិតធំធេង៖ យើងកំពុងធ្វើការងាររួមគ្នាក្នុងវិស័យសន្តិសុខតាមប្រព័ន្ធអ៊ិនធឺណែត ការប្រឆាំងអំពើភេរវកម្ម ការទប់ស្កាត់ការសាយភាយអាវុធប្រល័យលោក ក៏ដូចជា គាំទ្រដល់ដំណើរការរក្សាសន្តិភាពនៅក្នុងតំបន់ទាំងមូល ចាប់ពីប្រទេសអាហ្កានីស្ថាន រហូតដល់តំបន់មីណាណាវ រហូតដល់ប្រទេសមីយ៉ានម៉ា។ យើងក៏បានទទួលការរួមចំណែកជាក់លាក់ពីដៃគូជាច្រើននៅអាស៊ី ក្នុងការប្រយុទ្ធនឹងចោរសមុទ្រ នៅតាមបណ្ដោយឆ្នេរសុម៉ាលីផងដែរ។ នៅក្នុងបរិបទនៃវេទិកាប្រចាំតំបន់អាស៊ានវិញ យើងកំពុងធ្វើការងាររួមគ្នាជាមួយប្រទេសវៀតណាម និងអូស្ត្រាលី ក្នុងវិស័យសន្តិសុខលើផ្ទៃសមុទ្រ។ យើងក៏បានចុះកិច្ចសន្យាក្នុងវិស័យយោធាកាន់តែច្រើនជាងមុន ជាមួយនឹងប្រទេសនានានៅអាស៊ីផងដែរ ឧទាហរណ៍ ប្រធានគណៈកម្មាធិការយោធារបស់សហភាពអឺរ៉ុប បានធ្វើការពិភាក្សាជាមួយនឹងសមភាគីរបស់លោកនៅក្នុងទីក្រុងប៉េកាំង អ៊ិស្លាមបាត និងសេអ៊ូល។ល។ ដែលនេះគ្រាន់តែជាដៃគូមួយចំនួនតូចតែប៉ុណ្ណោះ។ យើងក៏បានពង្រាយអ្នកជំនាញខាងសន្តិសុខទៅកាន់ស្ថានទូតសហភាពអឺរ៉ុបជាច្រើន នៅអាស៊ីផងដែរ។
ប្រហែលជាបញ្ហាសំខាន់ និងបន្ទាន់ជាងគេក្នុងកិច្ចសហប្រតិបត្តិវិស័យសន្តិសុខរវាងសហភាពអឺរ៉ុប និងអាស៊ីនៅពេលនេះ គឺការទប់ស្កាត់ការសាយភាយអាវុធនុយក្លេអ៊ែរ។ យើងមានចំណាប់អារម្មណ៍រួមគ្នាក្នុងការជួយបង្កើតឱ្យមានកិច្ចព្រមព្រៀងនុយក្លេអ៊ែរជាមួយប្រទេសអឺរ៉ង់ និងគាំទ្រដល់កិច្ចចរចាបង្ការការសាយភាយអាវុធនុយក្លេអ៊ែរនៅក្នុងឧបទ្វីបកូរ៉េ។ នេះគឺជាមូលហេតុ ដែលសហភាពអឺរ៉ុបបានសហការយ៉ាងពេញលេញជាមួយនឹងបណ្ដាដៃគូនានា នៅអាស៊ីជុំវិញបញ្ហាបន្ទាន់ទាំងពីរនេះ។ ប្រទេសចិនគឺជាហត្ថលេខីមួយនៃផែនការសកម្មភាពគ្រប់ជ្រុងជ្រោយរួមគ្នា ហើយក្នុងពេលជាមួយគ្នា ចិនក៏ជាប្រទេសដ៏សំខាន់ក្នុងកិច្ចខិតខំប្រឹងប្រែងជាសកល ដើម្បីលុបបំបាត់ការសាយភាយអាវុធនុយក្លេអ៊ែរក្នុងឧបទ្វីបកូរ៉េឱ្យបានពេញលេញ អាចផ្ទៀងផ្ទាត់បាន និងមិនអាចប្តូរត្រឡប់ទៅរកអតីតកាលវិញបាន។ ដូចគ្នានេះដែរ ប្រទេសជប៉ុន សាធារណរដ្ឋកូរ៉េ និងប្រទេសដទៃទៀត សុទ្ធតែជាប្រទេសដែលទទួលបានប្រយោជន៍ខ្ពស់ក្នុងការធានាយ៉ាងណាឱ្យកិច្ចព្រមព្រៀងនុយក្លេអ៊ែរជាមួយនឹងប្រទេសអឺរ៉ង់ត្រូវបានរក្សា និងលុបបំបាត់ការសាយភាយអាវុធនុយក្លេអ៊ែរក្នុងឧបទ្វីបកូរ៉េ។ យើងទាំងអស់គ្នាសុទ្ធតែជាអ្នកធ្វើកិច្ចការទាំងអស់នេះ។ សន្តិភាពពិភពលោកតម្រូវឱ្យមានកិច្ចខិតខំប្រែងទូទាំងសកលលោក។
ជាជំហានបន្ទាប់ ដូចដែលគូសបញ្ជាក់ដោយរដ្ឋមន្ត្រីក្រសួងការបរទេសសហភាពអឺរ៉ុបកាលពីម្សិលមិញ នេះ យើងចាំបាច់ត្រូវបន្តអនុវត្តសកម្មភាពថ្មីៗ។ សហភាពអឺរ៉ុបនឹងពង្រីកកិច្ចសហប្រតិបត្តិការរបស់ខ្លួនជាមួយដៃគូនៅអាស៊ីក្នុងវិស័យផ្សេងៗ ដូចជា កសាងសមត្ថភាពកម្មវិធីបណ្ដុះបណ្ដាល រាប់បញ្ចូលទាំងបេសកកម្មរក្សាសន្តិភាព របស់សហប្រជាជាតិផង និងការធ្វើសមយុទ្ធរួមគ្នាជាដើម។
ក្នុងនាមជាសហភាពអឺរ៉ុប យើងដឹងថាបន្ទាប់ពីជម្លោះរាប់សតវត្សរ៍បានធ្វើឱ្យទ្វីបរបស់យើងជួបប្រទះនឹងការបែកបាក់ កិច្ចសហប្រតិបត្តិការមានសារៈសំខាន់យ៉ាងខ្លាំងចំពោះសន្តិភាព ហើយសន្តិភាពនឹងនាំមកនូវវិបុលភាព។ ប៉ុន្តែ នៅក្នុងពិភពលោកនាពេលបច្ចុប្បន្ននេះ ជារឿយៗការគិតជាឯកតោភាគី តែងទទួលបានអាទិភាពជាងការស្វែងរកគោលជំហររួមគ្នា។ តួអង្គច្រើនពន់ពេក ដែលប្រើប្រាស់ការប្រឈមមុខដាក់គ្នា ដើម្បីសម្រេចគោលដៅរយៈពេលខ្លីរបស់ពួកគេ ចៀសជាងកសាងដំណោះស្រាយប្រកបដោយចីរភាព តាមរយៈការផ្សះផ្សារគ្នា។ ជាមួយនឹងបរិការណ៍នេះ អ្នកដែលជឿលើលំដាប់លំដោយក្នុងពិភពលោក ក្នុងលក្ខណៈពហុភាគី គឺជាអ្នកដែលនឹងទទួលបានផលប្រយោជន៍ និងមានកាតព្វកិច្ចចូលរួមកម្លាំងគ្នា។ អឺរ៉ុប និងអាស៊ីរួមគ្នាអាចក្លាយជាកម្លាំងចលករក្នុងការប្រើប្រាស់អភិក្រមលើកកម្ពស់កិច្ចសហប្រតិបត្តិការក្នុងនយោបាយរបស់ពិភពលោក។
Tag:
សហភាពអឺរ៉ុប
Federica Mogherini
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
