ជាតិ
អាមេរិក ផ្ដល់ថវិកាជាង១លានដុល្លារដល់កម្ពុជា សម្រាប់គម្រោងលុបបំបាត់គ្រាប់បែបចង្កោម
ពិធីចុះហត្ថលេខា លើកិច្ចព្រមព្រៀង កិច្ចសហប្រតិបត្តិការ ជាដៃគូរវាង អង្គការNPA និង CMAC នៅថ្ងៃទី៣១ ខែឧសភា ឆ្នាំ២០១៨
×![]()
ភ្នំពេញ៖ រដ្ឋាភិបាលអាមេរិក ផ្ដល់ថវិកា១,៦លានដុល្លារ ដល់មជ្ឈមណ្ឌលសកម្មភាពកំចាត់មីននៅកម្ពុជា(CMAC) ដែលជាជំនួយសម្រាប់រយៈពេល១ឆ្នាំ សម្រាប់គម្រោងបោសសម្អាតគ្រាប់បែបចង្កោម លើផ្ទៃដី២,២០០ហិកតា នៅភាគខេត្តខាងកើតប្រទេសកម្ពុជា។
លោក ហេង រតនា បានសរសេរលើគណនីហេ្វសប៊ុកថា តាមគម្រោងនេះស៊ីម៉ាក់នឹងពង្រាយកម្លាំងចំនួន១៩១នាក់ ដោយផ្តោតសំខាន់លើការងារស្រាវជ្រាវពត៌មាន និងបោសសម្អាតសំណល់គ្រាប់បែកចង្កោម នៅ៦៧៨ភូមិ នៃបណ្តាខេត្តភាគខាងកើតប្រទេសកម្ពុជា។
ទឹកប្រាក់ជាង១លានដុល្លារ ត្រូវបានចុះហត្ថលេខាដោយ លោក ហេង រតនា អគ្គនាយកស៊ីម៉ាក់ និងតំណាងអង្គភាពស៊ីម៉ាក់ និងអង្គការ NPA តាមរយៈការិយាល័យកាត់បន្ថយអាវុធ នៃក្រសួងការបរទេសអាមេរិក កាលពីថ្ងៃទី៣១ ខែឧសភា ឆ្នាំ២០១៨ ។
ជំនួយរបស់អាមេរិក ផ្តល់ដល់ស៊ីម៉ាកក្នុងមួយឆ្នាំៗ មានទឹកប្រាក់ពី២លាន ទៅ២,១ លានដុល្លារ។ នេះបើតាម អគ្គនាយកស៊ីម៉ាកដដែល។
គួរបញ្ជាក់ថា អាមេរិកបានទម្លាក់គ្រាប់បែកប្រមាណ ២លាន ៧សែនតោន ក្នុងអំឡុងសង្គ្រាមនាទសវត្ស១៩៧០ រវាងកងទ័ពសាធារណរដ្ឋកម្ពុជា ដែលគាំទ្រដោយសហរដ្ឋអាមេរិក និងកងទ័ពតស៊ូរបស់ខ្មែរក្រហម ក្រោយពេលពួកគេធ្វើរដ្ឋប្រហារទម្លាក់សម្តេច នរោត្តម សីហនុ នាថ្ងៃទី១៨ ខែមីនា ឆ្នាំ១៩៧០៕
លោក ហេង រតនា បានសរសេរលើគណនីហេ្វសប៊ុកថា តាមគម្រោងនេះស៊ីម៉ាក់នឹងពង្រាយកម្លាំងចំនួន១៩១នាក់ ដោយផ្តោតសំខាន់លើការងារស្រាវជ្រាវពត៌មាន និងបោសសម្អាតសំណល់គ្រាប់បែកចង្កោម នៅ៦៧៨ភូមិ នៃបណ្តាខេត្តភាគខាងកើតប្រទេសកម្ពុជា។
ទឹកប្រាក់ជាង១លានដុល្លារ ត្រូវបានចុះហត្ថលេខាដោយ លោក ហេង រតនា អគ្គនាយកស៊ីម៉ាក់ និងតំណាងអង្គភាពស៊ីម៉ាក់ និងអង្គការ NPA តាមរយៈការិយាល័យកាត់បន្ថយអាវុធ នៃក្រសួងការបរទេសអាមេរិក កាលពីថ្ងៃទី៣១ ខែឧសភា ឆ្នាំ២០១៨ ។
ជំនួយរបស់អាមេរិក ផ្តល់ដល់ស៊ីម៉ាកក្នុងមួយឆ្នាំៗ មានទឹកប្រាក់ពី២លាន ទៅ២,១ លានដុល្លារ។ នេះបើតាម អគ្គនាយកស៊ីម៉ាកដដែល។
គួរបញ្ជាក់ថា អាមេរិកបានទម្លាក់គ្រាប់បែកប្រមាណ ២លាន ៧សែនតោន ក្នុងអំឡុងសង្គ្រាមនាទសវត្ស១៩៧០ រវាងកងទ័ពសាធារណរដ្ឋកម្ពុជា ដែលគាំទ្រដោយសហរដ្ឋអាមេរិក និងកងទ័ពតស៊ូរបស់ខ្មែរក្រហម ក្រោយពេលពួកគេធ្វើរដ្ឋប្រហារទម្លាក់សម្តេច នរោត្តម សីហនុ នាថ្ងៃទី១៨ ខែមីនា ឆ្នាំ១៩៧០៕
Tag:
ហេង រតនា
NPA
CMAC
© រក្សាសិទ្ធិដោយ thmeythmey.com
