អន្តរជាតិ
ប្រមុខការទូតសិង្ហបុរី៖ សិង្ហបុរីមិនបានសុំធ្វើម្ចាស់ផ្ទះឡើយ តែអាមេរិកនិងកូរ៉េខាងជើងជាអ្នកស្នើ
រដ្ឋមន្ត្រីការបរទេសសិង្ហបុរី Vivian Balakrishan ជួបជាមួយរដ្ឋមន្រ្តីការបរទេសអាមេរិក Mike Pompeo (រូបភាព AFP)
×![]()
ដោយ: តន ចាន់រិទ្ធារ៉ា
រដ្ឋអាស៊ានសិង្ហបុរីបានក្លាយជាផ្ទះនៃជំនួបប្រវត្តិសាស្ត្ររវាងប្រធានាធិបតី ដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុន នៅថ្ងៃទី១២ ខែមិថុនា។ រដ្ឋមន្ត្រីការបរទេសសិង្ហបុរី Vivian Balakrishnan និយាយថា សិង្ហបុរីមិនបានស្ម័គ្រចិត្តទទួលរៀបចំជំនួបនេះឡើយ តែអាមេរិក និងកូរ៉េខាងជើងជាអ្នកជ្រើសរើសសិង្ហបុរីដោយខ្លួនឯង។ យ៉ាងណាមិញ សិង្ហបុរីមានមោទកភាព និងត្រៀមខ្លួនរួមចំណែកសម្រាប់ពិភពលោក។
ដ្បិតជាប្រទេសដែនកោះតូចមួយ សិង្ហបុរីត្រូវបានជ្រើសរើសឲ្យធ្វើជាម្ចាស់ផ្ទះជំនួបដ៏ធំមិនធ្លាប់មានរវាងមេដឹកនាំអាមេរិក និងកូរ៉េខាងជើង ដើម្បីដោះស្រាយបញ្ហានុយក្លេអ៊ែរនៅឧបទ្វីបកូរ៉េ។ ប្រទេសមួយនេះបានផ្ដួលបេក្ខភាពជាច្រើនទៀតដូចជាស្វ៊ីស អាល្លឺម៉ង់ ម៉ុងហ្គោលី និងស៊ុយអែតផងក្នុងការទទួលស្វាគមន៍ប្រធានាធិបតីអាមេរិក ដូណាល់ ត្រាំ និងមេដឹកនាំកំពូលកូរ៉េខាងជើង គីម ជុងអ៊ុន នៅសប្ដាហ៍ក្រោយនេះ។
ជុំវិញការទទួលរៀបចំជំនួបប្រវត្តិសាស្ត្រនេះ រដ្ឋមន្ត្រីការបរទេសសិង្ហបុរី Vivian Balakrishnan និយាយថា សិង្ហបុរីមិនបានស្នើសុំរៀបចំឡើយ តែត្រូវបានអាមេរិក និងកូរ៉េខាងជើងជាអ្នកស្នើឲ្យធ្វើជាម្ចាស់ផ្ទះតែម្ដង។ ថ្លែងអំឡុងពេលទស្សនកិច្ចនៅអាមេរិកនៅថ្ងៃទី៥ ខែមិថុនា លោក Vivian បញ្ជាក់ថា ទាំងអាមេរិក ទាំងកូរ៉េខាងជើងមានអារម្មណ៍ថា សិង្ហបុរីមានសន្តិសុខ ហើយអាមេរិកជាអ្នករកសិង្ហបុរីមុនគេ។ នេះបើតាមការផ្សាយរបស់ទូរទស្សន៍សិង្ហបុរី Channel NewAsia ។
សម្រាប់ហេតុផលវិញ ប្រមុខការទូតសិង្ហបុរីរូបនេះអះអាងថា អាមេរិក និងកូរ៉េខាងជើងរើសយកសិង្ហបុរី ព្រោះសិង្ហបុរីជាប្រទេសអព្យាក្រឹត្យ គួរទុកចិត្តបាន និងមានសុវត្ថិភាព។ សិង្ហបុរីត្រៀមខ្លួនរួចស្រេចដើម្បីធ្វើម្ចាស់ផ្ទះនៃជំនួបនេះ និងរួមចំណែកសម្រាប់សន្តិភាពពិភពលោក ខណៈការរៀបចំទាំងអស់ដូចជាការដឹកជញ្ជូន សន្តិសុខ ពិធីការការទូតស្ថិតក្នុងដំណើរការទាំងអស់។ លោកសង្ឃឹមថា ជំនួបនពនឹងមានលទ្ធផលវិជ្ជមានមិនខាន។
សូមរំឭកដែរថា ខណៈមានការជជែកពីការចំណាយថ្លៃស្នាក់នៅរបស់ប្រតិភូកូរ៉េខាងជើង ក្នុងនាមជាម្ចាស់ផ្ទះ សិង្ហបុរីក៏មានបំណងចេញថ្លៃឲ្យផងដែរ។ កាលពីចុងសប្ដាហ៍មុន រដ្ឋមន្ត្រីការពារជាតិសិង្ហបុរី Ng Eng Hen បានថ្លែងក្នុងកិច្ចប្រជុំសន្ទនាសន្តិសុខ Shangri-La ថា សិង្ហបុរីក៏មានឆន្ទៈចេញថ្លៃរៀបចំជំនួបនេះដែរដើម្បីរួមចំណែកដល់ជោគជ័យនៃការជួបគ្នាលើកទីមួយរវាងលោក ត្រាំ និងលោក គីម ។
លោក ត្រាំ និងលោក គីម នឹងចាប់ផ្ដើមជំនួបនៅព្រឹកថ្ងៃទី១២ ខែមិថុនា នៅឯសណ្ឋាគារ Capella លើកោះ Sentosa មិនមែននៅសណ្ឋាគារ Shangri-La ឬ Fullerton ឡើយ។ ជំនួបលើកទីមួយដែលគេឯងអន្ទះសាចង់ឃើញនេះ បានទាក់ទាញអ្នកសារព័ត៌មានជិតបីពាន់នាក់មកពីជុំវិញពិភពលោក៕
ដ្បិតជាប្រទេសដែនកោះតូចមួយ សិង្ហបុរីត្រូវបានជ្រើសរើសឲ្យធ្វើជាម្ចាស់ផ្ទះជំនួបដ៏ធំមិនធ្លាប់មានរវាងមេដឹកនាំអាមេរិក និងកូរ៉េខាងជើង ដើម្បីដោះស្រាយបញ្ហានុយក្លេអ៊ែរនៅឧបទ្វីបកូរ៉េ។ ប្រទេសមួយនេះបានផ្ដួលបេក្ខភាពជាច្រើនទៀតដូចជាស្វ៊ីស អាល្លឺម៉ង់ ម៉ុងហ្គោលី និងស៊ុយអែតផងក្នុងការទទួលស្វាគមន៍ប្រធានាធិបតីអាមេរិក ដូណាល់ ត្រាំ និងមេដឹកនាំកំពូលកូរ៉េខាងជើង គីម ជុងអ៊ុន នៅសប្ដាហ៍ក្រោយនេះ។
ជុំវិញការទទួលរៀបចំជំនួបប្រវត្តិសាស្ត្រនេះ រដ្ឋមន្ត្រីការបរទេសសិង្ហបុរី Vivian Balakrishnan និយាយថា សិង្ហបុរីមិនបានស្នើសុំរៀបចំឡើយ តែត្រូវបានអាមេរិក និងកូរ៉េខាងជើងជាអ្នកស្នើឲ្យធ្វើជាម្ចាស់ផ្ទះតែម្ដង។ ថ្លែងអំឡុងពេលទស្សនកិច្ចនៅអាមេរិកនៅថ្ងៃទី៥ ខែមិថុនា លោក Vivian បញ្ជាក់ថា ទាំងអាមេរិក ទាំងកូរ៉េខាងជើងមានអារម្មណ៍ថា សិង្ហបុរីមានសន្តិសុខ ហើយអាមេរិកជាអ្នករកសិង្ហបុរីមុនគេ។ នេះបើតាមការផ្សាយរបស់ទូរទស្សន៍សិង្ហបុរី Channel NewAsia ។
សម្រាប់ហេតុផលវិញ ប្រមុខការទូតសិង្ហបុរីរូបនេះអះអាងថា អាមេរិក និងកូរ៉េខាងជើងរើសយកសិង្ហបុរី ព្រោះសិង្ហបុរីជាប្រទេសអព្យាក្រឹត្យ គួរទុកចិត្តបាន និងមានសុវត្ថិភាព។ សិង្ហបុរីត្រៀមខ្លួនរួចស្រេចដើម្បីធ្វើម្ចាស់ផ្ទះនៃជំនួបនេះ និងរួមចំណែកសម្រាប់សន្តិភាពពិភពលោក ខណៈការរៀបចំទាំងអស់ដូចជាការដឹកជញ្ជូន សន្តិសុខ ពិធីការការទូតស្ថិតក្នុងដំណើរការទាំងអស់។ លោកសង្ឃឹមថា ជំនួបនពនឹងមានលទ្ធផលវិជ្ជមានមិនខាន។
សូមរំឭកដែរថា ខណៈមានការជជែកពីការចំណាយថ្លៃស្នាក់នៅរបស់ប្រតិភូកូរ៉េខាងជើង ក្នុងនាមជាម្ចាស់ផ្ទះ សិង្ហបុរីក៏មានបំណងចេញថ្លៃឲ្យផងដែរ។ កាលពីចុងសប្ដាហ៍មុន រដ្ឋមន្ត្រីការពារជាតិសិង្ហបុរី Ng Eng Hen បានថ្លែងក្នុងកិច្ចប្រជុំសន្ទនាសន្តិសុខ Shangri-La ថា សិង្ហបុរីក៏មានឆន្ទៈចេញថ្លៃរៀបចំជំនួបនេះដែរដើម្បីរួមចំណែកដល់ជោគជ័យនៃការជួបគ្នាលើកទីមួយរវាងលោក ត្រាំ និងលោក គីម ។
លោក ត្រាំ និងលោក គីម នឹងចាប់ផ្ដើមជំនួបនៅព្រឹកថ្ងៃទី១២ ខែមិថុនា នៅឯសណ្ឋាគារ Capella លើកោះ Sentosa មិនមែននៅសណ្ឋាគារ Shangri-La ឬ Fullerton ឡើយ។ ជំនួបលើកទីមួយដែលគេឯងអន្ទះសាចង់ឃើញនេះ បានទាក់ទាញអ្នកសារព័ត៌មានជិតបីពាន់នាក់មកពីជុំវិញពិភពលោក៕
Tag:
សិង្ហបុរី
អាមេរិក
កូរ៉េខាងជើង
Vivian Balakhrishan
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
