ជាតិ
សេដ្ឋកិច្ច
៥ខែដើមឆ្នាំ២០១៨ កម្ពុជានាំអង្ករចេញជាង២៤ម៉ឺនតោន ដោយថយចុះជិត៧ភាគរយ
× រយៈពេល៥ខែដើមឆ្នាំ២០១៨នេះ កម្ពុជានាំអង្ករចេញទៅទីផ្សារអន្តរជាតិបានចំនួន ២៤០,២១៩តោន ។ ចំនួននេះធ្លាក់ចុះ ៦.៨ភាគរយ បើធៀបនឹងរយៈពេលដូចគ្នាកាលពីឆ្នាំ២០១៧ ដែលកម្ពុជាបាននាំចេញអង្ករបាន ២៥៧,៦៣៧តោន។ នេះបើតាមតួលេខពីលេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករ។
ក្នុងចំណោមបរិមាណអង្ករនាំចេញខាងលើ មានទៅកាន់សហភាពអឺរ៉ុបចំនួន១២០,២៣៤តោន តំបន់អាស៊ានចំនួន ២៤,៤១១តោន និងតំបន់ផ្សេងទៀតចំនួន៩៥,៥៧៤តោន។
ដោយឡែក ប្រទេសដែលនាំអង្ករចូលច្រើនជាងគេពីកម្ពុជា គឺប្រទេសចិន មានចំនួន៦១,៥៧៨តោន (លេខ១) ប្រទេសបារាំង មានចំនួន៣៣,០៧៧តោន (លេខ២) និងប្រទេសម៉ាឡេស៊ី មានចំនួន១៧,១២០តោន (លេខ៣)៕
© រក្សាសិទ្ធិដោយ thmeythmey.com