អន្តរជាតិ
នយោបាយអន្តរជាតិ
រូបភាព៖ គណនីហ្វេសប៊ុកផ្លូវការរបស់រដ្ឋមន្ត្រីការបរទេសសិង្ហបុរី
×![]()
ដោយ: ថ្មីៗ
មេដឹកនាំកំពូលកូរ៉េខាងជើងលោក គីម ជុងអ៊ុន ដើរកំសាន្តនៅទីតាំងសំខាន់ៗមួយចំនួននៅសិង្ហបុរីនៅយប់ថ្ងៃចន្ទទី ១១ ខែមិថុនានេះ មុនជួបពិភាក្សាជាប្រវត្តិសាស្ត្រជាលើកដំបូងជាមួយប្រធានាធិបតីអាមេរិក លោក ដូណាល់ ត្រាំ នៅព្រឹកស្អែក។ អ្វីដែលគួរឲ្យចាប់អារម្មណ៍លោក គីម ជុងអ៊ុន បានថតរូប Selfie ក្នុងទឹកមុខរីករាយមិនធ្លាប់ឃើញ ជាមួយរដ្ឋមន្ត្រីការបរទេសសិង្ហបុរីថែមទៀតផង។
នៅយប់ថ្ងៃចន្ទនេះ លោក គីម ជុងអ៊ុន អមដំណើរដោយរដ្ឋមន្ត្រីការបរទេសសិង្ហបុរីលោក វីវៀន បាឡាសគ្រីស្នាន់ ផងនោះ បានដើរកំសាន្តនៅកន្លែងសំខាន់ៗមួយចំនួននៅសិង្ហបុរីដូចជា Marina Bay ផង។ នេះបើតាមទូរទស្សន៍សិង្ហបុរី Channel News Asia។
គេសង្កេតឃើញមេដឹកនាំកំពូលកូរ៉េខាងជើងនេះ មានទឹកមុខសប្បាយរីករាយខ្លាំងក្នុងដំណើរកំសាន្តនេះ។ ហើយអ្វីដែលសំខាន់នោះ រដ្ឋមន្ត្រីការបរទេសសិង្ហបុរី បាឡាសគ្រីស្នាន់ ក៏បានថតរូប Selfies ជាមួយលោក គីម ថែមទៀតផង។
តាមពិតទៅលោក គីម បានអញ្ជើញមកដល់សិង្ហបុរីតាមយន្តហោះពិសេសរបស់ចិនធុនប៊ូអ៊ីង ៧៤៧ នៅរសៀលថ្ងៃអាទិត្យម្សិលមិញ។ លោក នឹងត្រូវជួបមុខគ្នាជាលើកដំបូងជាមួយប្រធានាធិបតីអាមេរិកលោក ដូណាល់ ត្រាំ នៅព្រឹកម៉ោង ៩ថ្ងៃស្អែកនេះ នៅឯសណ្ឋាគារ Capella លើកោះ Sentosa ។
ប្រធានបទសំខាន់នៃកិច្ចពិភាក្សាគឺ ការរំសាយអាវុធនុយក្លេអ៊ែរកូរ៉េខាងជើង។ ម៉ោង ២រសៀលថ្ងៃស្អែកក្រោយបញ្ចប់កិច្ចប្រជុំភ្លាម លោក គីម នឹងចាកចេញទៅកាន់កូរ៉េខាងជើងវិញដូចគ្នា។ អាចថា នេះជាមូលហេតុ ដែលលោក គីម ត្រូវដើរកំសាន្តទីក្រុងសិង្ហបុរីនៅពេលរាត្រីមុនថ្ងៃប្រជុំបែបនេះ។
ត្រឡប់មកវិញ ការជួបមុខគ្នាស្អែកនឹងនេះអាចត្រួសត្រាយផ្លូវសម្រាប់ការចរចាកម្រិតខ្ពស់ផ្សេងទៀតនៅពេលអនាគត។ ប៉ុន្តែលោក ត្រាំ បានបញ្ជាក់ហើយថា បើគ្មានផ្លែផ្កា លោកនឹងដើរចេញពីតុចរចាភ្លាម។ មុនចាកចេញពីកាណាដាមកសិង្ហបុរីថ្ងៃសៅរ៍ទី ៩ខែមិថុនា លោក ត្រាំ បានបញ្ជាក់ក្នុងសារដែលបង្ហោះតាមគណនី Twitter ខ្លួនដែរថា ជំនួបនេះជាបេសកកម្មស្វែងរកសន្តិភាព ហើយអ្វីដែលសំខាន់វាជាឱកាសតែម្តងប៉ុណ្ណោះដែលមិនគួរខ្ជះខ្ជាយឡើយ។ លោក ត្រាំ ក៏យល់ឃើញដែរថា លោក គីម នឹងប្រឹងប្រែងខ្លាំងក្នុងការស្វែងរកសន្តិភាពពិតប្រាកដសម្រាប់ពិភពលោករួមគ្នានេះ៕
នៅយប់ថ្ងៃចន្ទនេះ លោក គីម ជុងអ៊ុន អមដំណើរដោយរដ្ឋមន្ត្រីការបរទេសសិង្ហបុរីលោក វីវៀន បាឡាសគ្រីស្នាន់ ផងនោះ បានដើរកំសាន្តនៅកន្លែងសំខាន់ៗមួយចំនួននៅសិង្ហបុរីដូចជា Marina Bay ផង។ នេះបើតាមទូរទស្សន៍សិង្ហបុរី Channel News Asia។
គេសង្កេតឃើញមេដឹកនាំកំពូលកូរ៉េខាងជើងនេះ មានទឹកមុខសប្បាយរីករាយខ្លាំងក្នុងដំណើរកំសាន្តនេះ។ ហើយអ្វីដែលសំខាន់នោះ រដ្ឋមន្ត្រីការបរទេសសិង្ហបុរី បាឡាសគ្រីស្នាន់ ក៏បានថតរូប Selfies ជាមួយលោក គីម ថែមទៀតផង។
តាមពិតទៅលោក គីម បានអញ្ជើញមកដល់សិង្ហបុរីតាមយន្តហោះពិសេសរបស់ចិនធុនប៊ូអ៊ីង ៧៤៧ នៅរសៀលថ្ងៃអាទិត្យម្សិលមិញ។ លោក នឹងត្រូវជួបមុខគ្នាជាលើកដំបូងជាមួយប្រធានាធិបតីអាមេរិកលោក ដូណាល់ ត្រាំ នៅព្រឹកម៉ោង ៩ថ្ងៃស្អែកនេះ នៅឯសណ្ឋាគារ Capella លើកោះ Sentosa ។
ប្រធានបទសំខាន់នៃកិច្ចពិភាក្សាគឺ ការរំសាយអាវុធនុយក្លេអ៊ែរកូរ៉េខាងជើង។ ម៉ោង ២រសៀលថ្ងៃស្អែកក្រោយបញ្ចប់កិច្ចប្រជុំភ្លាម លោក គីម នឹងចាកចេញទៅកាន់កូរ៉េខាងជើងវិញដូចគ្នា។ អាចថា នេះជាមូលហេតុ ដែលលោក គីម ត្រូវដើរកំសាន្តទីក្រុងសិង្ហបុរីនៅពេលរាត្រីមុនថ្ងៃប្រជុំបែបនេះ។
ត្រឡប់មកវិញ ការជួបមុខគ្នាស្អែកនឹងនេះអាចត្រួសត្រាយផ្លូវសម្រាប់ការចរចាកម្រិតខ្ពស់ផ្សេងទៀតនៅពេលអនាគត។ ប៉ុន្តែលោក ត្រាំ បានបញ្ជាក់ហើយថា បើគ្មានផ្លែផ្កា លោកនឹងដើរចេញពីតុចរចាភ្លាម។ មុនចាកចេញពីកាណាដាមកសិង្ហបុរីថ្ងៃសៅរ៍ទី ៩ខែមិថុនា លោក ត្រាំ បានបញ្ជាក់ក្នុងសារដែលបង្ហោះតាមគណនី Twitter ខ្លួនដែរថា ជំនួបនេះជាបេសកកម្មស្វែងរកសន្តិភាព ហើយអ្វីដែលសំខាន់វាជាឱកាសតែម្តងប៉ុណ្ណោះដែលមិនគួរខ្ជះខ្ជាយឡើយ។ លោក ត្រាំ ក៏យល់ឃើញដែរថា លោក គីម នឹងប្រឹងប្រែងខ្លាំងក្នុងការស្វែងរកសន្តិភាពពិតប្រាកដសម្រាប់ពិភពលោករួមគ្នានេះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
