ជាតិ
រដ្ឋបាលរាជធានីភ្នំពេញ គ្រោងដាក់ឲ្យដំណើរការអំពូលភ្លើងវៃឆ្លាត នៅតាមមហាវិថី៣
រូបពីរដ្ឋបាលរាជធានីភ្នំពេញ
×![]()
ភ្នំពេញ៖ រដ្ឋបាលរាជធានីភ្នំពេញ គ្រោងដាក់ឲ្យដំណើរការសាកល្បងអំពូលភ្លើងវៃឆ្លាត ដែលភ្ជាប់ជាមួយនឹងកាមេរ៉ាសុវត្ថិភាពផងដែរ នៅតាមមហាវិថីចំនួន៣ ក្នុងរាជធានីភ្នំពេញ។ ចំពោះការដាក់សាកល្បងចំនួនអំពូលនៅតាមដងវិថីទាំង៣ គឺកំពុងតែរៀបចំ និងស្ថិតក្នុងការសិក្សានៅឡើយ ថាតើផ្លូវណាមួយនឹងត្រូវសាកល្បងមុនគេ? ការចំណាយប៉ុន្មានដើម្បីដាក់អំពូលនេះមិនអាចប៉ាន់ប្រមាណបានទេ ដោយរង់ចាំនៅពេលការសាកល្បងបញ្ចប់ ទើបវាយតម្លៃទៅតាមចំនួនអំពូលដែលបំពាក់។
អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្ដី បានប្រាប់សារព័ត៌មានថ្មីៗតាមទូរសព្ទថា គម្រោងសាកល្បងដាក់អំពូលភ្លើងវៃឆ្លាតនៅតាមមហាវិថីទាំង៣ គឺកំពុងតែសិក្សាលទ្ធភាពនិងទីតាំងដែលត្រូវដាក់នៅឡើយ ហើយផ្លូវប្រវែងប៉ុន្មានដែលត្រូវដាក់ចំនួនអំពូល និងដើម្បីដឹងពីពន្លឺភ្លឺក្នុងកម្រិតណា ត្រូវប្រើច្រើន ឬតិច។
លោក ម៉េត មាសភក្ដី បានប្រាប់ឲ្យដឹងពីលក្ខណៈពិសេសនៃអំពូលភ្លើងវៃឆ្លាត ដែលរដ្ឋបាលរាជធានីភ្នំពេញ កំពុងតែសិក្សា គឺវាមានលទ្ធភាព អាចកម្រិតពន្លឺបាន។ លោក លើកឡើងថា បើមានភាពងងឹតខ្លាំង ពន្លឺក៏ត្រូវដំឡើងភ្លឺរហូត ១០០ភាគរយ ប៉ុន្តែបើមិនសូវជាងងឹតទេ អាចទំលាក់ពន្លឺត្រឹមតែ ៤០ ទៅ ៥០ភាគរយប៉ុណ្ណោះ។ លោក បានបញ្ជាក់ថា៖«ការបញ្ជាកម្រិតពន្លឺអំពូលវៃឆ្លាត គឺពីចម្ងាយ។ ហើយមានលទ្ធភាពបញ្ជាបិទបើកគ្រប់គ្រងក្នុងបន្ទប់ស្ដង់ដារ ដោយដឹងថាផ្លូវដែលបានដាក់អំពូលនេះបានដាច់ចំនួនប៉ុន្មានអំពូល និងទីតាំងកន្លែងណាខ្លះបានខូចងាយស្រួលក្នុងការជួសជុល»។
អ្នកនាំពាក្យរដ្ឋបាលរាជធានីភ្នំពេញ បានបញ្ជាក់បន្ថែមថា៖«អំពូលភ្លើងវៃឆ្លាត ដែលលើកឡើងនេះស្ថិតក្នុងការសិក្សា និងសាកល្បងប៉ុណ្ណោះ មិនទាន់បានដំណើរការនៅឡើយទេ»។ លោក បន្តថា លក្ខណៈរបស់វា មិនដូចទៅនឹងអំពូលភ្លើងដែលកំពុងតែប្រើប្រាស់សព្វថ្ងៃនេះទេ ព្រោះពន្លឺក៏ភ្លឺទៅតាមកម្រិតពេលបើកនៅទីងងឹតហើយមិនអាចបញ្ជាពីចម្ងាយបាន។ ប៉ុន្តែអំពូលវៃឆ្លាត អាចកម្រិតពន្លឺបានគ្រប់ពេល មិនត្រឹមតែប៉ុណ្ណោះវាកាត់បន្ថយការចំណាយថវិការដ្ឋបានច្រើន និងថាមពលអគ្គិសនី ដោយសារនៅពេលយប់មានពន្លឺស្រាប់ អាចកម្រិតពន្លឺឲ្យសមល្មម។
លោក ម៉េត មាសភក្ដី បន្តទៀតថា ការប្រើអំពូលវៃឆ្លាតភ្ជាប់ជាមួយកាមេរ៉ា ជំនួសកន្លែងដែលមានស្រាប់មិនទាន់ដឹងនៅឡើយទេពេលនេះ ពីព្រោះក្រុមការងារកំពុងតែសិក្សាថាទីតាំងផ្លូវណាមួយត្រូវដាក់ ហើយការចំណាយអស់ប៉ុន្មានមិនអាចកំណត់បានទេ រហូតដល់ការបញ្ចប់ការសាកល្បងនឹងបញ្ជាក់នៃប្រើប្រាស់អំពូលនេះថាត្រូវប្រើចំនួនច្រើន ឬតិច ដូច្នេះការចំណាយទៅតាមហ្នឹងដែរ៕
អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្ដី បានប្រាប់សារព័ត៌មានថ្មីៗតាមទូរសព្ទថា គម្រោងសាកល្បងដាក់អំពូលភ្លើងវៃឆ្លាតនៅតាមមហាវិថីទាំង៣ គឺកំពុងតែសិក្សាលទ្ធភាពនិងទីតាំងដែលត្រូវដាក់នៅឡើយ ហើយផ្លូវប្រវែងប៉ុន្មានដែលត្រូវដាក់ចំនួនអំពូល និងដើម្បីដឹងពីពន្លឺភ្លឺក្នុងកម្រិតណា ត្រូវប្រើច្រើន ឬតិច។
លោក ម៉េត មាសភក្ដី បានប្រាប់ឲ្យដឹងពីលក្ខណៈពិសេសនៃអំពូលភ្លើងវៃឆ្លាត ដែលរដ្ឋបាលរាជធានីភ្នំពេញ កំពុងតែសិក្សា គឺវាមានលទ្ធភាព អាចកម្រិតពន្លឺបាន។ លោក លើកឡើងថា បើមានភាពងងឹតខ្លាំង ពន្លឺក៏ត្រូវដំឡើងភ្លឺរហូត ១០០ភាគរយ ប៉ុន្តែបើមិនសូវជាងងឹតទេ អាចទំលាក់ពន្លឺត្រឹមតែ ៤០ ទៅ ៥០ភាគរយប៉ុណ្ណោះ។ លោក បានបញ្ជាក់ថា៖«ការបញ្ជាកម្រិតពន្លឺអំពូលវៃឆ្លាត គឺពីចម្ងាយ។ ហើយមានលទ្ធភាពបញ្ជាបិទបើកគ្រប់គ្រងក្នុងបន្ទប់ស្ដង់ដារ ដោយដឹងថាផ្លូវដែលបានដាក់អំពូលនេះបានដាច់ចំនួនប៉ុន្មានអំពូល និងទីតាំងកន្លែងណាខ្លះបានខូចងាយស្រួលក្នុងការជួសជុល»។
អ្នកនាំពាក្យរដ្ឋបាលរាជធានីភ្នំពេញ បានបញ្ជាក់បន្ថែមថា៖«អំពូលភ្លើងវៃឆ្លាត ដែលលើកឡើងនេះស្ថិតក្នុងការសិក្សា និងសាកល្បងប៉ុណ្ណោះ មិនទាន់បានដំណើរការនៅឡើយទេ»។ លោក បន្តថា លក្ខណៈរបស់វា មិនដូចទៅនឹងអំពូលភ្លើងដែលកំពុងតែប្រើប្រាស់សព្វថ្ងៃនេះទេ ព្រោះពន្លឺក៏ភ្លឺទៅតាមកម្រិតពេលបើកនៅទីងងឹតហើយមិនអាចបញ្ជាពីចម្ងាយបាន។ ប៉ុន្តែអំពូលវៃឆ្លាត អាចកម្រិតពន្លឺបានគ្រប់ពេល មិនត្រឹមតែប៉ុណ្ណោះវាកាត់បន្ថយការចំណាយថវិការដ្ឋបានច្រើន និងថាមពលអគ្គិសនី ដោយសារនៅពេលយប់មានពន្លឺស្រាប់ អាចកម្រិតពន្លឺឲ្យសមល្មម។
លោក ម៉េត មាសភក្ដី បន្តទៀតថា ការប្រើអំពូលវៃឆ្លាតភ្ជាប់ជាមួយកាមេរ៉ា ជំនួសកន្លែងដែលមានស្រាប់មិនទាន់ដឹងនៅឡើយទេពេលនេះ ពីព្រោះក្រុមការងារកំពុងតែសិក្សាថាទីតាំងផ្លូវណាមួយត្រូវដាក់ ហើយការចំណាយអស់ប៉ុន្មានមិនអាចកំណត់បានទេ រហូតដល់ការបញ្ចប់ការសាកល្បងនឹងបញ្ជាក់នៃប្រើប្រាស់អំពូលនេះថាត្រូវប្រើចំនួនច្រើន ឬតិច ដូច្នេះការចំណាយទៅតាមហ្នឹងដែរ៕
Tag:
អំពូលភ្លើងវៃឆ្លាត
ម៉េត មាសភក្ដី
© រក្សាសិទ្ធិដោយ thmeythmey.com
