គ.ជ.ប. ចាប់ផ្តើមបោះពុម្ពសន្លឹកឆ្នោត ដោយចំណាយប្រាក់ប្រមាណ២.៦លានដុល្លារ

ជាតិ

បោះឆ្នោត

គ.ជ.ប. ចាប់ផ្តើមបោះពុម្ពសន្លឹកឆ្នោត ដោយចំណាយប្រាក់ប្រមាណ២.៦លានដុល្លារ

15, Jun 2018 , 9:46 am

រូបភាព

ដោយ: អ៊ូ សុខមាន (OU Sokmean)

នៅព្រឹកថ្ងៃទី១៥ ខែមិថុនានេះ គណៈកម្មាធិការជាតិរៀបចំការបោះឆ្នោត (គ.ជ.ប.) បានដំណើរការបោះពុម្ពសន្លឹកឆ្នោត សម្រាប់ការបោះឆ្នោតជ្រើសរើសតំណាងរាស្ត្រ និតិកាលទី៦ នាពេលខាងមុខ។ លោក ឌឹម សុវណ្ណារុំ អះអាងថា សន្លឹកឆ្នោតដែល គ.ជ.ប. ត្រូវបោះពុម្ព មានជាង១០លានសន្លឹក ដោយចំណាយថវិកាអស់ប្រមាណ ២.៦លានដុល្លារ។

ការបោះឆ្នោតថ្នាក់ជាតិ នឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ដោយមានគណបក្ស២០ ចូលរួមប្រកួតប្រជែង។ ចំណែក ប្រជាពលរដ្ឋ ដែលមានឈ្មោះក្នុងបញ្ជីបោះឆ្នោត មានជាង៨.៣លាននាក់៕