ជាតិ
បោះឆ្នោត
ក្រុមជំនាញរបស់ UN យល់ថា ការអំពាវនាវមិនឲ្យទៅបោះឆ្នោត មិនមានផលប៉ះពាល់អ្វីឡើយ
លោក សម រង្ស៊ី និងលោក កឹម សុខា ដឹកនាំធ្វើមហាបាតុកម្ម ក្រោយការបោះឆ្នោតឆ្នាំ២០១៣។ រូបពីទំព័រហ្វេសបុករបស់លោក សម រង្ស៊ី
×![]()
ដោយ: ថ្មីៗ
ខណៈការបោះឆ្នោតនៅកម្ពុជា កាន់តែជិតឈានមកដល់ ក្រុមអ្នកជំនាញផ្នែកសិទ្ធិមនុស្សរបស់អង្គការសហប្រជាជាតិ (UN) ក៏បានចេញសេចក្តីប្រកាសព័ត៌មានមួយ ពីទីក្រុងហ្សឺណែវ ប្រទេសស្វីស នៅថ្ងៃទី១៤ ខែមិថុនា ឆ្នាំ២០១៨ ដើម្បីបញ្ចេញមតិជុំវិញការបោះឆ្នោត និងប្រព័ន្ធផ្សព្វផ្សាយ។
សេចក្តីប្រកាសព័ត៌មាននោះ បាននិយាយពីលោក សម រង្ស៊ី និងអតីតក្រុមអ្នកប្រឆាំង ដែលអំពាវនាវមិនឲ្យប្រជាពលរដ្ឋទៅបោះឆ្នោត។ ទោះមិនបង្ហាញការគាំទ្រត្រង់ៗក្តី តែក្រុមអ្នកជំនាញផ្នែកសិទ្ធិមនុស្ស ហាក់ចង់បញ្ជាក់ថា ការអំពាវនាវនេះ មិនខុសនឹងច្បាប់ឡើយ។
លើសពីនេះ ក្រុមអ្នកជំនាញផ្នែកសិទ្ធិមនុស្ស បានមើលឃើញចំណុញវិជ្ជមានពីការអំពាវនាវរបស់អតីតក្រុមអ្នកប្រឆាំងថែមទៀត ព្រោះអាចឲ្យប្រជាពលរដ្ឋ ពិចារណា មុននឹងទៅបោះឆ្នោត។ សេចក្តីប្រកាសព័ត៌មាន ដែលត្រូវបានបកប្រែជាភាសាខ្មែរ ដោយមន្ត្រីនៃការិយាល័យឧត្តមស្នងការទទួលបន្ទុកសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជា បានបញ្ជាក់យ៉ាងដូច្នេះថា៖«ការអំពាវនាវ ឲ្យប្រជាពលរដ្ឋធ្វើពហិការមិនទៅបោះឆ្នោត មិនមែនជាការបង្ខិតបង្ខំ ឬការបំភ័យឡើយ ហើយការអំពាវនាវនេះ ក៏មិនប៉ះពាល់ដល់សណ្តាប់ធ្នាប់សាធារណៈដែរ។ ផ្ទុយទៅវិញ ការអំពាវនាវនេះ គឺទុកឲ្យអ្នកបោះឆ្នោត សម្រេចដោយសេរីថា ត្រូវចូលរួមបោះឆ្នោត ឬក៏មិនចូលរួម»។
ការបញ្ចេញទស្សនៈខាងលើរបស់ក្រុមអ្នកជំនាញផ្នែកសិទ្ធិមនុស្ស អាចចាត់ទុកថាជាការពន្យល់មកកាន់រដ្ឋាភិបាលកម្ពុជា ដែលព្រមានចាត់វិធានការផ្លូវច្បាប់លើលោក សម រង្ស៊ី និងបក្សពួករបស់លោក ដែលអំពាវនាវឲ្យប្រជាពលរដ្ឋ បោះបង់ការបោះឆ្នោត។ សម្តេចនាយករដ្ឋមន្ត្រី ហ៊ុន សែន ធ្លាប់ប្រកាសថា ការអំពាវនាវរបស់អតីតក្រុមអ្នកប្រឆាំង គឺផ្ទុយនឹងច្បាប់ ហើយជាការរំលោភសិទ្ធិបោះឆ្នោតរបស់ប្រជាពលរដ្ឋ។
ចំណែកសម្តេច ស ខេង រដ្ឋមន្ត្រីក្រសួងមហាផ្ទៃ ធ្លាប់បកស្រាយថា ការអំពាវនាវមិនឲ្យប្រជាពលរដ្ឋទៅបោះឆ្នោត គឺស្មើនឹងការរារាំងមិនឲ្យប្រជាពលរដ្ឋទៅបោះឆ្នោត ដែលត្រូវតែទទួលខុសត្រូវចំពោះមុខច្បាប់។ រីឯគណៈកម្មាធិការជាតិរៀបចំការបោះឆ្នោត (គ.ជ.ប.) ក៏ស្នើឲ្យក្រសួងមហាផ្ទៃ ចាត់វិធានការចំពោះករណីនេះដែរ។
ក្រៅពីការបោះឆ្នោត បញ្ហាប្រព័ន្ធផ្សព្វផ្សាយ ក៏ត្រូវបានលើកឡើងក្នុងសេចក្តីប្រកាសព័ត៌មានរបស់ក្រុមអ្នកជំនាញផ្នែកសិទ្ធិមនុស្សដែរ។ ក្រុមអ្នកជំនាញផ្នែកសិទ្ធិមនុស្ស បង្ហាញក្តីកង្វល់ ចំពោះការបង្ក្រាបប្រព័ន្ធផ្សព្វផ្សាយ នៅមុនការបោះឆ្នោត។ បន្ទាប់មក ក្រុមអ្នកជំនាញផ្នែកសិទ្ធិមនុស្ស បានស្នើឲ្យអាជ្ញាធរកម្ពុជា គោរពនិងធានាសិទ្ធិសេរីភាពនៃការបញ្ចេញមតិ។
ការបង្ហាញក្តីបារម្ភរបស់ក្រុមអ្នកជំនាញផ្នែកសិទ្ធិមនុស្ស គឺក្រោយពីបានឃើញគ.ជ.ប. ចេញក្រមសីលធម៌សម្រាប់ប្រព័ន្ធផ្សព្វផ្សាយ។ ក្រមសីលធម៌នោះ បានហាមមិនឲ្យប្រព័ន្ធផ្សព្វផ្សាយ ចុះផ្សាយព័ត៌មានដែលអាចនាំឲ្យមានការភាន់ច្រឡំ ឬការបាត់បង់ទំនុកចិត្តក្នុងការបោះឆ្នោត។ គ.ជ.ប. ព្រមានចាត់វិធានការផ្លូវច្បាប់ បើប្រព័ន្ធផ្សព្វផ្សាយណា ល្មើសនឹងបម្រាមនេះ។
ក្រុមអ្នកជំនាញផ្នែកសិទ្ធិមនុស្ស សង្កត់ធ្ងន់ក្នុងសេចក្តីប្រកាសព័ត៌មានយ៉ាងដូច្នេះថា៖«ការហាមប្រាមនេះ នាំឲ្យមានកង្វល់យ៉ាងខ្លាំងអំពីសេរីភាពសារព័ត៌មាន»៕
សេចក្តីប្រកាសព័ត៌មាននោះ បាននិយាយពីលោក សម រង្ស៊ី និងអតីតក្រុមអ្នកប្រឆាំង ដែលអំពាវនាវមិនឲ្យប្រជាពលរដ្ឋទៅបោះឆ្នោត។ ទោះមិនបង្ហាញការគាំទ្រត្រង់ៗក្តី តែក្រុមអ្នកជំនាញផ្នែកសិទ្ធិមនុស្ស ហាក់ចង់បញ្ជាក់ថា ការអំពាវនាវនេះ មិនខុសនឹងច្បាប់ឡើយ។
លើសពីនេះ ក្រុមអ្នកជំនាញផ្នែកសិទ្ធិមនុស្ស បានមើលឃើញចំណុញវិជ្ជមានពីការអំពាវនាវរបស់អតីតក្រុមអ្នកប្រឆាំងថែមទៀត ព្រោះអាចឲ្យប្រជាពលរដ្ឋ ពិចារណា មុននឹងទៅបោះឆ្នោត។ សេចក្តីប្រកាសព័ត៌មាន ដែលត្រូវបានបកប្រែជាភាសាខ្មែរ ដោយមន្ត្រីនៃការិយាល័យឧត្តមស្នងការទទួលបន្ទុកសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជា បានបញ្ជាក់យ៉ាងដូច្នេះថា៖«ការអំពាវនាវ ឲ្យប្រជាពលរដ្ឋធ្វើពហិការមិនទៅបោះឆ្នោត មិនមែនជាការបង្ខិតបង្ខំ ឬការបំភ័យឡើយ ហើយការអំពាវនាវនេះ ក៏មិនប៉ះពាល់ដល់សណ្តាប់ធ្នាប់សាធារណៈដែរ។ ផ្ទុយទៅវិញ ការអំពាវនាវនេះ គឺទុកឲ្យអ្នកបោះឆ្នោត សម្រេចដោយសេរីថា ត្រូវចូលរួមបោះឆ្នោត ឬក៏មិនចូលរួម»។
ការបញ្ចេញទស្សនៈខាងលើរបស់ក្រុមអ្នកជំនាញផ្នែកសិទ្ធិមនុស្ស អាចចាត់ទុកថាជាការពន្យល់មកកាន់រដ្ឋាភិបាលកម្ពុជា ដែលព្រមានចាត់វិធានការផ្លូវច្បាប់លើលោក សម រង្ស៊ី និងបក្សពួករបស់លោក ដែលអំពាវនាវឲ្យប្រជាពលរដ្ឋ បោះបង់ការបោះឆ្នោត។ សម្តេចនាយករដ្ឋមន្ត្រី ហ៊ុន សែន ធ្លាប់ប្រកាសថា ការអំពាវនាវរបស់អតីតក្រុមអ្នកប្រឆាំង គឺផ្ទុយនឹងច្បាប់ ហើយជាការរំលោភសិទ្ធិបោះឆ្នោតរបស់ប្រជាពលរដ្ឋ។
ចំណែកសម្តេច ស ខេង រដ្ឋមន្ត្រីក្រសួងមហាផ្ទៃ ធ្លាប់បកស្រាយថា ការអំពាវនាវមិនឲ្យប្រជាពលរដ្ឋទៅបោះឆ្នោត គឺស្មើនឹងការរារាំងមិនឲ្យប្រជាពលរដ្ឋទៅបោះឆ្នោត ដែលត្រូវតែទទួលខុសត្រូវចំពោះមុខច្បាប់។ រីឯគណៈកម្មាធិការជាតិរៀបចំការបោះឆ្នោត (គ.ជ.ប.) ក៏ស្នើឲ្យក្រសួងមហាផ្ទៃ ចាត់វិធានការចំពោះករណីនេះដែរ។
ក្រៅពីការបោះឆ្នោត បញ្ហាប្រព័ន្ធផ្សព្វផ្សាយ ក៏ត្រូវបានលើកឡើងក្នុងសេចក្តីប្រកាសព័ត៌មានរបស់ក្រុមអ្នកជំនាញផ្នែកសិទ្ធិមនុស្សដែរ។ ក្រុមអ្នកជំនាញផ្នែកសិទ្ធិមនុស្ស បង្ហាញក្តីកង្វល់ ចំពោះការបង្ក្រាបប្រព័ន្ធផ្សព្វផ្សាយ នៅមុនការបោះឆ្នោត។ បន្ទាប់មក ក្រុមអ្នកជំនាញផ្នែកសិទ្ធិមនុស្ស បានស្នើឲ្យអាជ្ញាធរកម្ពុជា គោរពនិងធានាសិទ្ធិសេរីភាពនៃការបញ្ចេញមតិ។
ការបង្ហាញក្តីបារម្ភរបស់ក្រុមអ្នកជំនាញផ្នែកសិទ្ធិមនុស្ស គឺក្រោយពីបានឃើញគ.ជ.ប. ចេញក្រមសីលធម៌សម្រាប់ប្រព័ន្ធផ្សព្វផ្សាយ។ ក្រមសីលធម៌នោះ បានហាមមិនឲ្យប្រព័ន្ធផ្សព្វផ្សាយ ចុះផ្សាយព័ត៌មានដែលអាចនាំឲ្យមានការភាន់ច្រឡំ ឬការបាត់បង់ទំនុកចិត្តក្នុងការបោះឆ្នោត។ គ.ជ.ប. ព្រមានចាត់វិធានការផ្លូវច្បាប់ បើប្រព័ន្ធផ្សព្វផ្សាយណា ល្មើសនឹងបម្រាមនេះ។
ក្រុមអ្នកជំនាញផ្នែកសិទ្ធិមនុស្ស សង្កត់ធ្ងន់ក្នុងសេចក្តីប្រកាសព័ត៌មានយ៉ាងដូច្នេះថា៖«ការហាមប្រាមនេះ នាំឲ្យមានកង្វល់យ៉ាងខ្លាំងអំពីសេរីភាពសារព័ត៌មាន»៕
Tag:
បោះឆ្នោត
UN
© រក្សាសិទ្ធិដោយ thmeythmey.com
