កីឡាអន្តរជាតិ
អន្តរជាតិ
Butcher អតីតប្រធានក្រុមអង់គ្លេស ក្លាយជាគ្រូបង្វឹកជម្រើសជាតិហ្វីលីពីន
× លោក Terry Butcher អតីតប្រធានក្រុមកីឡាបាល់ទាត់ជម្រើសជាតិអង់គ្លេស ត្រូវបានតែងតាំងជាគ្រូបង្វឹកថ្មីរបស់ក្រុមជម្រើសជាតិហ្វីលីពីន ខណៈក្រុមនៅតំបន់អាស៊ានមួយនេះ ត្រៀមខ្លួនសម្រាប់ព្រឹត្តិការណ៍ Asian Cup នៅឆ្នាំក្រោយ។
លោក Butcher អាយុ៥៩ឆ្នាំ ធ្លាប់បានបង្ហាញខ្លួន៣លើកនៅ World Cup ក្នុងតួនាទីជាខ្សែការពារនៃក្រុមជម្រើសជាតិអង់គ្លេស ហើយធ្វើជាប្រធានក្រុមនាវគ្គជម្រុះកាលពីឆ្នាំ១៩៨៩ ។ លោកត្រូវជំនួសតំណែងរបស់លោក Thomas Dooley អតីតប្រធានក្រុមជម្រើសជាតិអាមេរិក ដែលបានចាកចេញកាលពីថ្ងៃទី១៨ ខែមីនា ក្រោយដឹកនាំជម្រើសជាតិហ្វីលីពីន បាន៤ឆ្នាំ។
បេសកកម្មដំបូងរបស់លោក Butcher គឺនាំហ្វីលីពីន ចូលប្រជែងយកពាន AFF Suzuki Cup ដែលប្រព្រឹត្តទៅនៅខែវិច្ឆិកា មុនយុទ្ធនាការ Asian Cup នៅដើមឆ្នាំក្រោយ ដោយហ្វីលីពីនត្រូវតទល់ជាមួយចិន កូរ៉េខាងត្បូង និងគៀហ្ស៊ីសស្ថាន៕
© រក្សាសិទ្ធិដោយ thmeythmey.com