កីឡាជាតិ
ជាតិ
NOCC យកថវិកាបានពីការរត់ប្រណាំង១៥ ០០០ដុល្លារ ប្រគល់ជូនពេទ្យគន្ធបុប្ផា
× គណៈកម្មាធិការជាតិអូឡាំពិកកម្ពុជា បានយកថវិកាចំនួន១៥,០០០ដុល្លារ ដែលបានមកពីការរៀបចំព្រឹត្តិការណ៍រត់ប្រណាំងម៉ារ៉ាតុននិងពាក់កណ្តាលម៉ារ៉ាតុនអន្តរជាតិ ប្រគល់ជូនមន្ទីរពេទ្យគន្ធបុប្ផា។ ថវិកាទាំងនេះ បានមកពីការចុះឈ្មោះចូលរួមរបស់អត្តពលិក និងការឧបត្ថម្ភរបស់សប្បុរសជន និងក្រុមហ៊ុនឯកជននានា។
ថវិកាចំនួន១៥,០០០ដុល្លារ ដែលសល់ពីការចំណាយនៃការរៀបចំព្រឹត្តិការណ៍រត់ប្រណាំងម៉ារ៉ាតុនចក្រភពអង្គរ និងពាក់កណ្តាលម៉ារ៉ាតុនភ្នំពេញអន្តរជាតិ ត្រូវបានលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា ប្រគល់ជូនមន្ទីរពេទ្យគន្ធបុប្ផា កាលពីថ្ងៃទី១២ ខែមិថុនា ឆ្នាំ២០១៨។ ក្នុងនោះទទួលបានពីព្រឹត្តិការណ៍ម៉ារ៉ាតុនចក្រភពអង្គរចំនួន១ម៉ឺនដុល្លារ និងពាក់កណ្តាលម៉ារ៉ាតុនភ្នំពេញអន្តរជាតិចំនួន៥ពាន់ដុល្លារ។ នេះបើយោងតាមទំព័រហ្វេសប៊ុក NOCC។
ថវិកាទាំងនេះ មានប្រភពមកពីការចុះឈ្មោះចូលរួមរត់របស់អត្តពលិក ការឧបត្ថម្ភផ្ទាល់ពីសប្បុរសជន និងការឧបត្ថម្ភពីក្រុមហ៊ុនឯកជននានា។ គួររំលឹកថា ព្រឹត្តិការណ៍រត់ប្រណាំងពាក់កណ្តាលម៉ារ៉ាតុនភ្នំពេញអន្តរជាតិឆ្នាំ២០១៧ បានទាក់ទាញអត្តពលិកជាង៥ពាន់នាក់មកពី៣៣ប្រទេសចូលរួម ខណៈម៉ារ៉ាតុនចក្រភពអង្គរឆ្នាំ២០១៧ មានអ្នកចូលរួមជាង៤ពាន់នាក់៕
Tag:
វ៉ាត់ ចំរើន
NOCC
គន្ធបុប្ផា
ពាក់កណ្តាលម៉ារ៉ាតុន
© រក្សាសិទ្ធិដោយ thmeythmey.com