ជាតិ
សេដ្ឋកិច្ច
៤ខែ ឆ្នាំ២០១៨ ចិនវិនិយោគ១៧ពាន់លានដុល្លារ នៅកម្ពុជា ជំនួប ពិភាក្សាការងារ រវាងលោក សុខ ចិន្តាសោភា និងលោក សាង ហ្វីលីន នៅទីស្តីក្រុមប្រឹក្សាអភិវឌ្ឍន៍កម្ពុជា ថ្ងៃទី១១ ខែមិថុនា ឆ្នាំ២០១៨
× គិតត្រឹមខែមេសា ឆ្នាំ២០១៨ ការវិនិយោគរបស់ចិននៅកម្ពុជា មានចំនួនទឹកប្រាក់សរុប ១៧ពាន់លានដុល្លារ។ នេះជាការលើកឡើងរបស់លោក សុខ ចិន្តាសោភា ប្រធានក្រុមប្រឹក្សាអភិវឌ្ឍន៍កម្ពុជា (CDC) ក្នុងជំនួបពិភាក្សាការងារ ជាមួយលោក សាង ហ្វីលីន (Shang Fulin) ប្រធានគណៈកម្មាធិការច្បាប់ធនាគារនៃប្រទេសចិន នៅទីស្តីការក្រុមប្រឹក្សាអភិវឌ្ឍន៍កម្ពុជា កាលថ្ងៃទី១១ ខែមិថុនា ឆ្នាំ២០១៨។
ក្នុងជំនួបនេះ លោក សុខ ចិន្តាសោភា បានវាយតម្លៃខ្ពស់ចំពោះការវិនិយោគរបស់ចិនកន្លងមក ជាពិសេសក្នុងវិស័យហេដ្ឋារចនាសម្ព័ន្ធ ដូចជា ការផលិតអគ្គិសនី និងការកសាងផ្លូវល្បឿនលឿន ដែលបាននឹងកំពុងរួមចំណែកក្នុងការអភិវឌ្ឍសេដ្ឋកិច្ចកម្ពុជា។
ជាមួយគ្នានេះ លោក ក៏បានសម្តែងការពេញចិត្ត ចំពោះប្រតិបត្តិការបស់ក្រុមហ៊ុនចិន ក្នុងតំបន់សេដ្ឋកិច្ច ពិសេសខេត្តព្រះសីហនុ ដែលបានរៀបចំហេដ្ឋារចនាសម្ព័ន្ធក្នុងតំបន់បានល្អ ដូចជាប្រព័ន្ធប្រព្រឹត្តកម្មទឹកកខ្វក់ និងមជ្ឈមណ្ឌលបណ្តុះបណ្តាលវិជ្ជាជីវៈដល់កម្មករ និងបានទាក់ទាញការវិនិយោគពីបរទេសយ៉ាងច្រើនឲ្យមកកម្ពុជា៕
Tag:
ភ្នំពេញ
វិនិយោគចិន
សុខ ចិន្តាសោភា
CDC
© រក្សាសិទ្ធិដោយ thmeythmey.com