កីឡាអន្តរជាតិ
អន្តរជាតិ
Fans ពិត! អ្នកគាំទ្រប៉េរូខ្លះលះបង់ការងារ ខ្លះខ្ចីលុយធនាគារដើម្បីទៅមើល World Cup
× ការលះបង់មិនគួរឲ្យជឿរបស់ Fan ក្រុមកីឡាបាល់ទាត់ជម្រើសជាតិប៉េរូ ក្នុងព្រឹត្តិការណ៍ World Cup 2018 ដោយអ្នកខ្លះត្រូវចោលការងារ លក់ឡាន ហើយខ្លះទៀតបានទៅខ្ចីលុយធនាគារដើម្បីទៅតាមគាំទ្រក្រុមរបស់ពួកគេដល់ប្រទេសរុស្ស៊ី។
ប៉េរូមានឱកាសឈានមកប្រកួតប្រជែងពានកីឡាបាល់ទាត់ពិភពលោកជាលើកដំបូងបន្ទាប់ពីខកខានអត់រយៈពេលជាង៣ទសវត្សរ៍មកហើយ ពោលគឺតាំងពីឆ្នាំ ១៩៨២មក។
ការប្រកួតដំបូងរបស់ក្រុមមកពីតំបន់អាមេរិកឡាទីននេះ បានទទួលរងបរាជ័យក្រោមថ្វៃជើងក្រុមដាណឺម៉ាកក្នុងលទ្ធផល ១-០ សម្រាប់វគ្គសន្សំពិន្ទុពូល C។
បើតាមការផ្សាយរបស់ BBC ក្រុមអ្នកគាំទ្ររបស់ប៉េរូយ៉ាងច្រើនកោះករបានទៅគាំទ្រក្រុមរបស់ខ្លួនក្នុងការប្រកួតបើកឆាកនោះ។ ក្នុងចំណោមពួកគេ មានអ្នកគាំទ្រមួយចំនួនសុខចិត្តបោះបង់ចោលការងារ លក់របស់របរដែលជាមធ្យោបាយធ្វើដំណើរប្រចាំថ្ងៃដើម្បីបានប្រាក់ទៅគាំទ្រក្រុម។
ការប្រកួតលើកទី២របស់ប៉េរូ នឹងត្រូវជួបម្ចាស់ជើងឯកឆ្នាំ១៩៩៨ បារាំង នៅវេលាម៉ោង ១០យប់នេះ បន្ទាប់ពីជំនួបដាណឺម៉ាក និងអូស្ត្រាលីដែលប្រព្រឹត្តទៅនៅម៉ោង ៧យប់៕
Tag:
បាល់ទាត់
FIFA World Cup
GroupC
© រក្សាសិទ្ធិដោយ thmeythmey.com