កីឡាជាតិ
ជាតិ
វិសាខាត្រូវការឈ្នះសូលទីឡូអង្គរដើម្បីពង្រឹងទីតាំង រីឯភ្នំពេញក្រោនដើម្បីប្រជែងតំបន់ Top 4
×![]()
ការប្រកួតបាល់ទាត់ដណ្តើមពានរង្វាន់មិត្តហ្វូនខេមបូឌានលីគ ឈានដល់ការប្រកួតបញ្ចប់ជើងទី១នៅសប្តាហ៍នេះ ដោយនៅថ្ងៃសៅរ៍ទី២៣ ខែមិថុនា ឆ្នាំ២០១៨នេះ មានការប្រកួតចំនួន៣គូ។ ក្នុងនោះអង្គរថាយហ្គឺរបើកទ្វារកីឡដ្ឋានខេត្តសៀមរាបស្វាគមន៍ភ្នំពេញក្រោននៅម៉ោង៣រសៀល រីឯសូលទីឡូអង្គរតទល់ជាមួយវិសាខានៅពហុកីឡដ្ឋានជាតិម៉ោង៦ល្ងាច ខណៈព្រះខ័នរាជស្វាយរៀងប្រជែងជាមួយភ្ញៀវវេស្ទើនភ្នំពេញនៅកីឡដ្ឋានខេត្តស្វាយរៀង។
ក្រុមបាល់ទាត់វិសាខាត្រូវការឈ្នះក្រុមសូលទីឡូអង្គរ នាជំនួបបញ្ចប់ជើងទី១ពានរង្វាន់ខេមបូឌានលីគនៅម៉ោង៦ល្ងាចថ្ងៃទី២៣ ខែមិថុនា នាពហុកីឡដ្ឋានជាតិ ដើម្បីពង្រឹងទីតាំងរបស់ខ្លួន។ បច្ចុប្បន្នក្រុមចំណូលថ្មីវិសាខាកំពុងឈរលេខរៀងទី៣មាន២០ពិន្ទុ ខណៈសូលទីឡូអង្គរឈរលេខរៀងទី១០មាន៨ពិន្ទុ។
បើមើលពីប្រវត្តិ៣ប្រកួតចុងក្រោយ វិសាខាយកឈ្នះណាហ្គាវើល ៣-០ ឈ្នះព្រះខ័នរាជស្វាយរៀង ៣-២ និងស្មើ ១-១ ជាមួយបឹងកេត រីឯសូលទីឡូអង្គរឈ្នះអគ្គិសនីកម្ពុជា ៣-០ ស្មើ ០-០ ជាមួយអង្គរថាយហ្គឺរ និងចាញ់ក្រសួងការពារជាតិ ៣-១។ តាមរយៈលទ្ធផលនេះ អាចបញ្ចាក់បានថា វិសាខាអាចមានភាគរយខ្ពស់ជាងក្នុងការដណ្តើមយកជ័យជម្នះនៅល្ងាចនេះ។
ក្រុមអង្គរថាយហ្គឺរបើកទ្វារកីឡដ្ឋានខេត្តសៀមរាបស្វាគមន៍ភ្ញៀវភ្នំពេញក្រោននាវេលាម៉ោង៣រសៀល។ ភ្នំពេញក្រោនត្រូវការឈ្នះអង្គរថាយហ្គឺរក្នុងជំនួបបញ្ចប់ជើងទី១ល្ងាចនេះ ដើម្បីបង្កើនឱកាសក្នុងការប្រជែងដណ្តើមតំបន់ Top 4។ បច្ចុប្បន្នភ្នំពេញក្រោនឈរលេខរៀងទី៧មាន១៥ពិន្ទុ ដោយចាញ់ក្រុមឈរលេខរៀងទី៤ក្រសួងការពារជាតិតែ៣ពិន្ទុប៉ុណ្ណោះ។
បើមើល៣ប្រកួតចុងក្រោយរបស់ក្រុមទាំងពីរហាក់មិនសូវទទួលបានលទ្ធផលល្អនោះឡើយ។ ក្នុងនោះភ្នំពេញក្រោនយកឈ្នះវេស្ទើនភ្នំពេញ ១-០ មុនចាញ់បឹងកេត ៣-២ និងស្មើ ០-០ ជាមអគ្គិសនីកម្ពុជា ខណៈអង្គរថាយហ្គឺរចាញ់បឹងកេត ៤-០ បន្ទាប់មកស្មើ ០-០ ជាមួយសូលទីឡូអង្គរ និងចាញ់អគ្គស្នងការនគរបាលជាតិ ២-១។
ចំណែកក្រុមព្រះខ័នរាជស្វាយរៀង ដែលមានកីឡាករ៦រូបកំពុងជាប់ពិន័យត្រូវបើកកីឡដ្ឋានខេត្តស្វាយរៀង ស្វាគមន៍ភ្ញៀវវេស្ទើនភ្នំពេញនាវេលាម៉ោង៦ល្ងាច ទាំងគ្មានអ្នកគាំទ្រ។ ក្លិបបាល់ទាត់ព្រះខ័នរាជស្វាយរៀងត្រូវបានគណៈកម្មការវិន័យនៃសហព័ន្ធកីឡាបាល់ទាត់កម្ពុជាពិន័យមិនឲ្យមានអ្នកទស្សនាចំនួន១ប្រកួត និងពិន័យប្រាក់២លានរៀល ពាក់ព័ន្ធការប៉ះទង្គិចគ្នាកាលពីថ្ងៃទី៣ ខែមិថុនា ឆ្នាំ២០១៨កន្លងទៅ។
ទោះបីព្រះខ័នរាជស្វាយរៀងបរាជ័យ៣ប្រកួតជាប់គ្នាក្រោមថ្វីជើងក្រសួងការពារជាតិ ២-១, វិសាខា ៣-២ និងអាស៊ីអឺរ៉ុប ២-១ ក៏ដោយ តែក្រុមនេះនៅតែមានភាគរយខ្ពស់ឈ្នះការប្រកួតល្ងាចនេះ ដោយសារវេស្ទើនភ្នំពេញជាក្រុមឈរបាតតារាងគ្មាន១ពិន្ទុ ខណៈស្វាយរៀងបច្ចុប្បន្នឈរលេខរៀងទី៨មាន១១ពិន្ទុ៕
ក្រុមបាល់ទាត់វិសាខាត្រូវការឈ្នះក្រុមសូលទីឡូអង្គរ នាជំនួបបញ្ចប់ជើងទី១ពានរង្វាន់ខេមបូឌានលីគនៅម៉ោង៦ល្ងាចថ្ងៃទី២៣ ខែមិថុនា នាពហុកីឡដ្ឋានជាតិ ដើម្បីពង្រឹងទីតាំងរបស់ខ្លួន។ បច្ចុប្បន្នក្រុមចំណូលថ្មីវិសាខាកំពុងឈរលេខរៀងទី៣មាន២០ពិន្ទុ ខណៈសូលទីឡូអង្គរឈរលេខរៀងទី១០មាន៨ពិន្ទុ។
បើមើលពីប្រវត្តិ៣ប្រកួតចុងក្រោយ វិសាខាយកឈ្នះណាហ្គាវើល ៣-០ ឈ្នះព្រះខ័នរាជស្វាយរៀង ៣-២ និងស្មើ ១-១ ជាមួយបឹងកេត រីឯសូលទីឡូអង្គរឈ្នះអគ្គិសនីកម្ពុជា ៣-០ ស្មើ ០-០ ជាមួយអង្គរថាយហ្គឺរ និងចាញ់ក្រសួងការពារជាតិ ៣-១។ តាមរយៈលទ្ធផលនេះ អាចបញ្ចាក់បានថា វិសាខាអាចមានភាគរយខ្ពស់ជាងក្នុងការដណ្តើមយកជ័យជម្នះនៅល្ងាចនេះ។
ក្រុមអង្គរថាយហ្គឺរបើកទ្វារកីឡដ្ឋានខេត្តសៀមរាបស្វាគមន៍ភ្ញៀវភ្នំពេញក្រោននាវេលាម៉ោង៣រសៀល។ ភ្នំពេញក្រោនត្រូវការឈ្នះអង្គរថាយហ្គឺរក្នុងជំនួបបញ្ចប់ជើងទី១ល្ងាចនេះ ដើម្បីបង្កើនឱកាសក្នុងការប្រជែងដណ្តើមតំបន់ Top 4។ បច្ចុប្បន្នភ្នំពេញក្រោនឈរលេខរៀងទី៧មាន១៥ពិន្ទុ ដោយចាញ់ក្រុមឈរលេខរៀងទី៤ក្រសួងការពារជាតិតែ៣ពិន្ទុប៉ុណ្ណោះ។
បើមើល៣ប្រកួតចុងក្រោយរបស់ក្រុមទាំងពីរហាក់មិនសូវទទួលបានលទ្ធផលល្អនោះឡើយ។ ក្នុងនោះភ្នំពេញក្រោនយកឈ្នះវេស្ទើនភ្នំពេញ ១-០ មុនចាញ់បឹងកេត ៣-២ និងស្មើ ០-០ ជាមអគ្គិសនីកម្ពុជា ខណៈអង្គរថាយហ្គឺរចាញ់បឹងកេត ៤-០ បន្ទាប់មកស្មើ ០-០ ជាមួយសូលទីឡូអង្គរ និងចាញ់អគ្គស្នងការនគរបាលជាតិ ២-១។
ចំណែកក្រុមព្រះខ័នរាជស្វាយរៀង ដែលមានកីឡាករ៦រូបកំពុងជាប់ពិន័យត្រូវបើកកីឡដ្ឋានខេត្តស្វាយរៀង ស្វាគមន៍ភ្ញៀវវេស្ទើនភ្នំពេញនាវេលាម៉ោង៦ល្ងាច ទាំងគ្មានអ្នកគាំទ្រ។ ក្លិបបាល់ទាត់ព្រះខ័នរាជស្វាយរៀងត្រូវបានគណៈកម្មការវិន័យនៃសហព័ន្ធកីឡាបាល់ទាត់កម្ពុជាពិន័យមិនឲ្យមានអ្នកទស្សនាចំនួន១ប្រកួត និងពិន័យប្រាក់២លានរៀល ពាក់ព័ន្ធការប៉ះទង្គិចគ្នាកាលពីថ្ងៃទី៣ ខែមិថុនា ឆ្នាំ២០១៨កន្លងទៅ។
ទោះបីព្រះខ័នរាជស្វាយរៀងបរាជ័យ៣ប្រកួតជាប់គ្នាក្រោមថ្វីជើងក្រសួងការពារជាតិ ២-១, វិសាខា ៣-២ និងអាស៊ីអឺរ៉ុប ២-១ ក៏ដោយ តែក្រុមនេះនៅតែមានភាគរយខ្ពស់ឈ្នះការប្រកួតល្ងាចនេះ ដោយសារវេស្ទើនភ្នំពេញជាក្រុមឈរបាតតារាងគ្មាន១ពិន្ទុ ខណៈស្វាយរៀងបច្ចុប្បន្នឈរលេខរៀងទី៨មាន១១ពិន្ទុ៕
Tag:
Cambodian League 2018
វិសាខា
ភ្នំពេញក្រោន
សូលទីឡូអង្គរ
© រក្សាសិទ្ធិដោយ thmeythmey.com
