អន្តរជាតិ
ទោះរងការរិះគន់ ហ្វីលីពីន មិនដើរចេញពីក្រុមប្រឹក្សាសិទ្ធិមនុស្ស UN ដូចអាមេរិកឡើយ
×![]()
ដោយ: ថ្មីៗ
បើទោះជារងការរិះគន់ខ្លាំងជុំវិញការបំពានសិទ្ធិមនុស្ស និងមានការឈ្លោះទាស់ទែងដោយពាក្យសម្តីខ្លះក៏ដោយកន្លងមក រដ្ឋបាលហ្វីលីពីនរបស់លោក រ៉ូឌ្រីហ្គោ ឌូទើតេ គ្មានបំណងចាកចេញពីក្រុមប្រឹក្សាសិទ្ធិមនុស្សអង្គការសហប្រជាជាតិ(UNHRC)ឡើយ។
បន្ទាប់ពីរដ្ឋបាលអាមេរិកសម្រេចដើរចេញពីក្រុមប្រឹក្សាសិទ្ធិមនុស្សអង្គការសហប្រជាជាតិដោយចោទថាស្ថាប័នអន្តរជាតិនេះលំអៀង និងធ្វើបាបតែអ៊ីស្រាអែល គេមានមន្ទិលសង្ស័យថា អ្នកដែលអាចដើរចេញបន្ទាប់គឺ ហ្វីលីពីន។
ហ្វីលីពីនបច្ចុប្បន្នជាសមាជិកមួយក្នុងចំណោមសមាជិកប្តូរវេនទាំង ៤៧ នៃក្រុមប្រឹក្សាសិទ្ធិមនុស្ស ប៉ុន្តែសង្គ្រាមគ្រឿងញៀនដ៏ចម្រូងចម្រាស និងការទិតៀនរបស់ក្រុមសិទ្ធិមនុស្សជុំវិញបំពានសិទ្ធិមនុស្សធ្ងន់ធ្ងរនានារបស់ហ្វីលីពីន ធ្វើឲ្យលោក ឌូទើតេខឹងសម្បារខ្លាំង។
ប៉ុន្តែ តំណាងរដ្ឋាភិបាលហ្វីលីពីនបានជម្រះមន្ទិលសង្ស័យហើយនៅថ្ងៃ ២១ ខែមិថុនាម្សិលមិញនេះថា ហ្វីលីពីនគ្មានបំណងចាកចេញពីក្រុមប្រឹក្សាសិទ្ធិមនុស្សអង្គការសហប្រជាជាតិដូចសហរដ្ឋអាមេរិកបានធ្វើឡើយ។
ក្នុងសន្និសីទសារព័ត៌មានប្រចាំថ្ងៃ អ្នកនាំពាក្យប្រធានាធិបតីហ្វីលីពីនលោក Harry Roque បានបកស្រាយថា ហ្វីលីពីនគោរពការសម្រេចចិត្តរបស់ប្រទេសដទៃ និងមិនមានយោបល់ណាមួយជុំវិញការសម្រេចចិត្តអធិបតេយ្យរបស់គេឡើយ។ ហើយម្យ៉ាងទៀតហ្វីលីពីនមិនដើរតាមការសម្រេចចិត្តរបស់ប្រទេសដទៃដែរ។
«ប្រធានាធិបតី ឌូទើតេ ប្រុងប្រយ័ត្នណាស់ឲ្យតែពាក់ព័ន្ធនឹងការសម្រេចចិត្តណាមួយរបស់រដ្ឋអធិបតេយ្យ ព្រោះលោកមិនចង់ឲ្យរដ្ឋដទៃបញ្ចេញយោបល់នានាពាក់ព័ន្ធការសម្រេចចិត្តលើបញ្ហាផ្ទៃក្នុងរបស់យើងដូចគ្នា។ បើសិនជាការសម្រេចចិត្តដើរចេញជារបស់អាមេរិក នោះវាជារឿងរបស់គេ។ យើងក៏ជាសមាជិកក្រុមប្រឹក្សានោះដែរ។ យើងមិនដើរតាមអ្នកណាមួយឡើយ»។ លោក Roque បានបញ្ជាក់បែបនេះ។
កាលពីចុងឆ្នាំ ២០១៧ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស Zeid Ra'ad Al Hussein បានបង្ហាញក្តីបារម្ភខ្លាំងចំពោះស្ថានភាពសិទ្ធិមនុស្សនៅហ្វីលីពីន ជាពិសេសការសម្លាប់មនុស្សក្រៅប្រព័ន្ធតុលាការ និងការបាញ់សម្លាប់ជនសង្ស័យប្រើប្រាស់និងជួញដូរគ្រឿងញៀនផង។ ក្តីបារម្ភរបស់ស្ថាប័នសិទ្ធិមនុស្សនេះ បានធ្វើឲ្យរដ្ឋាភិបាលហ្វីលីពីនខឹងសម្បារ និងរិះគន់ប្រធានស្ថាប័នសិទ្ធិមនុស្សនេះវិញយ៉ាងចាស់ដៃថែមទៀត។
ត្រឡប់មកវិញ ការប្រកាសដកខ្លួនចេញពីក្រុមប្រឹក្សាសិទ្ធិមនុស្សរបស់មហាអំណាចប្រជាធិបតេយ្យអាមេរិកធ្វើឲ្យគ្រប់គ្នាភ្ងាក់ផ្អើល ហើយទាក់ទាញការរិះគន់ខ្លាំងដែរ។ ប្រទេសជាច្រើន និងអ្នកគាំទ្រសិទ្ធិមនុស្សបានបង្ហាញការសោកស្តាយ និងរិះគន់ការសម្រេចចិត្តជាលក្ខណៈឯកតោភាគីនេះដែរព្រោះអាមេរិកលែងកំណត់យកសិទ្ធិមនុស្សជារឿងអាទិភាពទៀត។យ៉ាងណាមិញ វាមិនមែនជារឿងថ្មីឡើយ មុនចាកចេញពីក្រុមប្រឹក្សាសិទ្ធិមនុស្ស លោក ដូណាល់ ត្រាំ បាន បញ្ជាឲ្យមានការដកសហរដ្ឋអាមេរិកចេញពីកិច្ចព្រមព្រៀងពាណិជ្ជកម្មអន្តរប៉ាស៊ីហ្វិក (TPP) ក្រោយមកកិច្ចព្រមព្រៀងអាកាសធាតុក្រុងប៉ារីសឆ្នាំ ២០១៥ (Paris Climate Agreement) និងកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ (JPCOA)៕
បន្ទាប់ពីរដ្ឋបាលអាមេរិកសម្រេចដើរចេញពីក្រុមប្រឹក្សាសិទ្ធិមនុស្សអង្គការសហប្រជាជាតិដោយចោទថាស្ថាប័នអន្តរជាតិនេះលំអៀង និងធ្វើបាបតែអ៊ីស្រាអែល គេមានមន្ទិលសង្ស័យថា អ្នកដែលអាចដើរចេញបន្ទាប់គឺ ហ្វីលីពីន។
ហ្វីលីពីនបច្ចុប្បន្នជាសមាជិកមួយក្នុងចំណោមសមាជិកប្តូរវេនទាំង ៤៧ នៃក្រុមប្រឹក្សាសិទ្ធិមនុស្ស ប៉ុន្តែសង្គ្រាមគ្រឿងញៀនដ៏ចម្រូងចម្រាស និងការទិតៀនរបស់ក្រុមសិទ្ធិមនុស្សជុំវិញបំពានសិទ្ធិមនុស្សធ្ងន់ធ្ងរនានារបស់ហ្វីលីពីន ធ្វើឲ្យលោក ឌូទើតេខឹងសម្បារខ្លាំង។
ប៉ុន្តែ តំណាងរដ្ឋាភិបាលហ្វីលីពីនបានជម្រះមន្ទិលសង្ស័យហើយនៅថ្ងៃ ២១ ខែមិថុនាម្សិលមិញនេះថា ហ្វីលីពីនគ្មានបំណងចាកចេញពីក្រុមប្រឹក្សាសិទ្ធិមនុស្សអង្គការសហប្រជាជាតិដូចសហរដ្ឋអាមេរិកបានធ្វើឡើយ។
ក្នុងសន្និសីទសារព័ត៌មានប្រចាំថ្ងៃ អ្នកនាំពាក្យប្រធានាធិបតីហ្វីលីពីនលោក Harry Roque បានបកស្រាយថា ហ្វីលីពីនគោរពការសម្រេចចិត្តរបស់ប្រទេសដទៃ និងមិនមានយោបល់ណាមួយជុំវិញការសម្រេចចិត្តអធិបតេយ្យរបស់គេឡើយ។ ហើយម្យ៉ាងទៀតហ្វីលីពីនមិនដើរតាមការសម្រេចចិត្តរបស់ប្រទេសដទៃដែរ។
«ប្រធានាធិបតី ឌូទើតេ ប្រុងប្រយ័ត្នណាស់ឲ្យតែពាក់ព័ន្ធនឹងការសម្រេចចិត្តណាមួយរបស់រដ្ឋអធិបតេយ្យ ព្រោះលោកមិនចង់ឲ្យរដ្ឋដទៃបញ្ចេញយោបល់នានាពាក់ព័ន្ធការសម្រេចចិត្តលើបញ្ហាផ្ទៃក្នុងរបស់យើងដូចគ្នា។ បើសិនជាការសម្រេចចិត្តដើរចេញជារបស់អាមេរិក នោះវាជារឿងរបស់គេ។ យើងក៏ជាសមាជិកក្រុមប្រឹក្សានោះដែរ។ យើងមិនដើរតាមអ្នកណាមួយឡើយ»។ លោក Roque បានបញ្ជាក់បែបនេះ។
កាលពីចុងឆ្នាំ ២០១៧ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស Zeid Ra'ad Al Hussein បានបង្ហាញក្តីបារម្ភខ្លាំងចំពោះស្ថានភាពសិទ្ធិមនុស្សនៅហ្វីលីពីន ជាពិសេសការសម្លាប់មនុស្សក្រៅប្រព័ន្ធតុលាការ និងការបាញ់សម្លាប់ជនសង្ស័យប្រើប្រាស់និងជួញដូរគ្រឿងញៀនផង។ ក្តីបារម្ភរបស់ស្ថាប័នសិទ្ធិមនុស្សនេះ បានធ្វើឲ្យរដ្ឋាភិបាលហ្វីលីពីនខឹងសម្បារ និងរិះគន់ប្រធានស្ថាប័នសិទ្ធិមនុស្សនេះវិញយ៉ាងចាស់ដៃថែមទៀត។
ត្រឡប់មកវិញ ការប្រកាសដកខ្លួនចេញពីក្រុមប្រឹក្សាសិទ្ធិមនុស្សរបស់មហាអំណាចប្រជាធិបតេយ្យអាមេរិកធ្វើឲ្យគ្រប់គ្នាភ្ងាក់ផ្អើល ហើយទាក់ទាញការរិះគន់ខ្លាំងដែរ។ ប្រទេសជាច្រើន និងអ្នកគាំទ្រសិទ្ធិមនុស្សបានបង្ហាញការសោកស្តាយ និងរិះគន់ការសម្រេចចិត្តជាលក្ខណៈឯកតោភាគីនេះដែរព្រោះអាមេរិកលែងកំណត់យកសិទ្ធិមនុស្សជារឿងអាទិភាពទៀត។យ៉ាងណាមិញ វាមិនមែនជារឿងថ្មីឡើយ មុនចាកចេញពីក្រុមប្រឹក្សាសិទ្ធិមនុស្ស លោក ដូណាល់ ត្រាំ បាន បញ្ជាឲ្យមានការដកសហរដ្ឋអាមេរិកចេញពីកិច្ចព្រមព្រៀងពាណិជ្ជកម្មអន្តរប៉ាស៊ីហ្វិក (TPP) ក្រោយមកកិច្ចព្រមព្រៀងអាកាសធាតុក្រុងប៉ារីសឆ្នាំ ២០១៥ (Paris Climate Agreement) និងកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ (JPCOA)៕
Tag:
ក្រុមប្រឹក្សាសិទ្ធិមនុស្ស
ហ្វីលីពីន
អាមេរិក
© រក្សាសិទ្ធិដោយ thmeythmey.com
