ជាតិ
អ្នកកាសែតខ្មែរ៦រូបត្រូវបានបណ្តុះបណ្តាលដោយក្រុមហ៊ុន Googleស្តីពីការទប់ស្កាត់ព័ត៌មានមិនពិត
×![]()
ដោយ: ខន ចំប៉ា
សិង្ហបុរី៖ អ្នកកាសែតខ្មែរ៦នាក់ បានស្ថិតនៅក្នុងចំណោមអ្នកកាសែតបរទេសចំនួន៨០នាក់ ដែលត្រូវបានអញ្ជើញឲ្យចូលរួមក្នុងសិក្ខាសាលារយៈពេល២ថ្ងៃ នៅទីស្នាក់ការក្រុមហ៊ុន Google ប្រចាំតំបន់អាស៊ីប៉ាស៊ីហ្វិកក្នុងប្រទេសសិង្ហបុរី។ ពួកគេត្រូវបានបណ្តុះបណ្តាល ឲ្យចេះសិក្សាស្វែងយល់ពីការទប់ស្កាត់ និងផ្ទៀងផ្ទាត់ព័ត៌មានមិនពិត ដែលកំពុងចោទជាបញ្ហានាពេលបច្ចុប្បន្ន។
អ្នកកាសែតកម្ពុជា៦រូប ដែលក្នុងនោះមានពីសារព័ត៌មាន ThmeyThmey, មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM), វិទ្យុសំឡេងសហរដ្ឋអាមេរិក(VOA) និងពី មជ្ឈមណ្ឌលព័ត៌មានស្ត្រីកម្ពុជា (WMC) ត្រូវបានអញ្ជើញឲ្យចូលរួមក្នុងវគ្គបណ្តុះបណ្តាលជាលក្ខណៈអន្តរជាតិនៅក្នងប្រទេសសិង្ហបុរី ស្តីពី ការទប់ស្កាត់ និងផ្ទៀងផ្ទាត់ព័ត៌មាន ដែលរៀបចំដោយក្រុមហ៊ុន Google ប្រចាំតំបន់អាស៊ីប៉ាស៊ីហ្វិក។ ស្ថានទូតអាមេរិកប្រចាំកម្ពុជា គឺជាអ្នកឧបត្ថម្ភដល់អ្នកកាសែតខ្មែរទាំង៦រូបនេះ សម្រាប់ការសិក្សា និងការស្នាក់នៅរបស់ពួកគេនៅក្នុងប្រទេសសិង្ហបុរី។
ក្នុងសិក្ខាសាលាដែលប្រព្រឹត្តទៅពីថ្ងៃទី២៣ ដល់ទី២៤ ខែមិថុនា កន្លងមកនេះ ក្រុមអ្នកសារព័ត៌មាន បានពិភាក្សាផ្លាស់ប្តូរយោបល់គ្នាទាក់ទងនឹងលំហូរព័ត៌មានមិនពិតនៅក្នុងប្រទេសរៀងៗខ្លួន។ វាគ្មិនដែលបានចូលរួម សុទ្ធតែជាអ្នកជំនាញមានបទពិសោធន៍ច្រើនឆ្នាំពីក្រុមហ៊ុន Google ក្រុមហ៊ុន Facebook និងក្រុមហ៊ុន Storyful ជាដើម។
ក្រុមហ៊ុន Google តាមរយៈ News Lap ដែលជាក្រុមការងារមួយស្ថិតក្រោមគម្រោង Google News Initiative បានចង្អុលបង្ហាញពីបេសកកម្មរបស់ខ្លួនក្នុងការកសាងអនាគតដ៏រឹងមាំសម្រាប់វិស័យសារព័ត៌មាន (Building a stronger for journalism)។ បច្ចុប្បន្ន Google News Lap ធ្វើការក្នុងភាពជាដៃ និងបណ្តុះបណ្តាលអ្នកសារព័ត៌មាននៅបណ្តាប្រទេសជាង៥០នៅលើពិភពលោក។
ជាមួយគ្នានេះ គ្រូឧទ្ទេសពីក្រុមហ៊ុន Storyful ដែលជាភ្នាក់ងារផ្តល់សេវាកម្មផ្តល់ និងផ្ទៀងផ្ទាត់ប្រភពព័ត៌មាន បានបង្ហាញពីគន្លឹះក្នុងការផ្ទៀងផ្ទាត់ព័ត៌មានដែលផ្សព្វផ្សាយតាមបណ្តាប្រព័ន្ធផ្សព្វផ្សាយនានា តាមរយៈសំណេរ រូបថត និងរូបភាពវីដេអូ។
រីឯតំណាងក្រុមហ៊ុន Facebook បានធ្វើបទបង្ហាញដល់អ្នកសារព័ត៌មាននូវសកម្មភាពការងាររបស់បណ្តាញសង្គមយក្សមួយនេះ ក្នុងការពង្រឹងវិស័យសារព័ត៌មានដែលប្រកបទៅដោយការច្នៃប្រឌិត។
តំណាងក្រុមហ៊ុន CrowdTangle ក៏បានណែនាំពីប្រតិបត្តិការរបស់ខ្លួនដល់ក្រុមអ្នកសារព័ត៌មានផងដែរ។ CrowdTangle ជាក្រុមហ៊ុនជំនាញលើការវិភាគលើចរាចរណ៍របស់បណ្តាព័ត៌មាននៅលើបណ្តាញសង្គម ដែលផ្តល់ភាពងាយស្រួលដល់អ្នកសារព័ត៌មាន ម្ចាស់ស្ថាប័ន និងដៃគូនានា ក្នុងការតាមដានអត្ថបទនានា។
នារយៈពេល២ថ្ងៃពេញ សិក្ខាសាលា «Hoax-Busting and Verification Workshop» បំភ្លឺផ្លូវជាច្រើនសម្រាប់អ្នកសារព័ត៌មាននូវវិធីសាស្ត្រ និងមធ្យោបាយក្នុងការទប់ស្កាត់ការរាលដាលព័ត៌មានក្លែងក្លាយ រួមទាំងគន្លឹះមួយចំនួនដើម្បីត្រួតពិនិត្យ និងផ្ទៀងផ្ទាត់អត្ថបទព័ត៌មាននានានៅក្នុងវ៉ិបសាយ និងបណ្តាញសង្គម៕
អ្នកកាសែតកម្ពុជា៦រូប ដែលក្នុងនោះមានពីសារព័ត៌មាន ThmeyThmey, មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM), វិទ្យុសំឡេងសហរដ្ឋអាមេរិក(VOA) និងពី មជ្ឈមណ្ឌលព័ត៌មានស្ត្រីកម្ពុជា (WMC) ត្រូវបានអញ្ជើញឲ្យចូលរួមក្នុងវគ្គបណ្តុះបណ្តាលជាលក្ខណៈអន្តរជាតិនៅក្នងប្រទេសសិង្ហបុរី ស្តីពី ការទប់ស្កាត់ និងផ្ទៀងផ្ទាត់ព័ត៌មាន ដែលរៀបចំដោយក្រុមហ៊ុន Google ប្រចាំតំបន់អាស៊ីប៉ាស៊ីហ្វិក។ ស្ថានទូតអាមេរិកប្រចាំកម្ពុជា គឺជាអ្នកឧបត្ថម្ភដល់អ្នកកាសែតខ្មែរទាំង៦រូបនេះ សម្រាប់ការសិក្សា និងការស្នាក់នៅរបស់ពួកគេនៅក្នុងប្រទេសសិង្ហបុរី។
ក្នុងសិក្ខាសាលាដែលប្រព្រឹត្តទៅពីថ្ងៃទី២៣ ដល់ទី២៤ ខែមិថុនា កន្លងមកនេះ ក្រុមអ្នកសារព័ត៌មាន បានពិភាក្សាផ្លាស់ប្តូរយោបល់គ្នាទាក់ទងនឹងលំហូរព័ត៌មានមិនពិតនៅក្នុងប្រទេសរៀងៗខ្លួន។ វាគ្មិនដែលបានចូលរួម សុទ្ធតែជាអ្នកជំនាញមានបទពិសោធន៍ច្រើនឆ្នាំពីក្រុមហ៊ុន Google ក្រុមហ៊ុន Facebook និងក្រុមហ៊ុន Storyful ជាដើម។
ក្រុមហ៊ុន Google តាមរយៈ News Lap ដែលជាក្រុមការងារមួយស្ថិតក្រោមគម្រោង Google News Initiative បានចង្អុលបង្ហាញពីបេសកកម្មរបស់ខ្លួនក្នុងការកសាងអនាគតដ៏រឹងមាំសម្រាប់វិស័យសារព័ត៌មាន (Building a stronger for journalism)។ បច្ចុប្បន្ន Google News Lap ធ្វើការក្នុងភាពជាដៃ និងបណ្តុះបណ្តាលអ្នកសារព័ត៌មាននៅបណ្តាប្រទេសជាង៥០នៅលើពិភពលោក។
ជាមួយគ្នានេះ គ្រូឧទ្ទេសពីក្រុមហ៊ុន Storyful ដែលជាភ្នាក់ងារផ្តល់សេវាកម្មផ្តល់ និងផ្ទៀងផ្ទាត់ប្រភពព័ត៌មាន បានបង្ហាញពីគន្លឹះក្នុងការផ្ទៀងផ្ទាត់ព័ត៌មានដែលផ្សព្វផ្សាយតាមបណ្តាប្រព័ន្ធផ្សព្វផ្សាយនានា តាមរយៈសំណេរ រូបថត និងរូបភាពវីដេអូ។
រីឯតំណាងក្រុមហ៊ុន Facebook បានធ្វើបទបង្ហាញដល់អ្នកសារព័ត៌មាននូវសកម្មភាពការងាររបស់បណ្តាញសង្គមយក្សមួយនេះ ក្នុងការពង្រឹងវិស័យសារព័ត៌មានដែលប្រកបទៅដោយការច្នៃប្រឌិត។
តំណាងក្រុមហ៊ុន CrowdTangle ក៏បានណែនាំពីប្រតិបត្តិការរបស់ខ្លួនដល់ក្រុមអ្នកសារព័ត៌មានផងដែរ។ CrowdTangle ជាក្រុមហ៊ុនជំនាញលើការវិភាគលើចរាចរណ៍របស់បណ្តាព័ត៌មាននៅលើបណ្តាញសង្គម ដែលផ្តល់ភាពងាយស្រួលដល់អ្នកសារព័ត៌មាន ម្ចាស់ស្ថាប័ន និងដៃគូនានា ក្នុងការតាមដានអត្ថបទនានា។
នារយៈពេល២ថ្ងៃពេញ សិក្ខាសាលា «Hoax-Busting and Verification Workshop» បំភ្លឺផ្លូវជាច្រើនសម្រាប់អ្នកសារព័ត៌មាននូវវិធីសាស្ត្រ និងមធ្យោបាយក្នុងការទប់ស្កាត់ការរាលដាលព័ត៌មានក្លែងក្លាយ រួមទាំងគន្លឹះមួយចំនួនដើម្បីត្រួតពិនិត្យ និងផ្ទៀងផ្ទាត់អត្ថបទព័ត៌មាននានានៅក្នុងវ៉ិបសាយ និងបណ្តាញសង្គម៕
Tag:
fake news
google
facebook
storyful
© រក្សាសិទ្ធិដោយ thmeythmey.com
